Asebter amenzawi

Nnɛama: tuḍḍfa n wugar n 10 n yiqenṭaren n lkif deg Lebyuḍ

NNƐAMA - Tenna-d tegrawt n temsetla (darak) taɣelnawt n twilayt n Nnɛama dakken ḍḍfen yimestulen 10,6 n yiqenṭaren n lkif d sin n yemsettiyen n tehyufin deg temnaḍt n tɣiwant n Lebyuḍ.

Imestulen (riǧal ad-darak) wwḍen-ten-id yisalan ɣef ussiweḍ n tehyufin deg webrid n Bugeṛn yeqqnen tiwilayin n Nnɛama d Sidi Belɛebbas yernu yettɛeddi ɣef tɣiwant n Lebyuḍ. D aya ay ten-yeǧǧan ad ndin akmin yernu ḍḍfen yiwen n ukamyun ay d-yewwin igumma d tidal maca yeffer daɣ 40 n tculliḍin n tehyufin, ɣef wakken ay d-tenna tegrawt n temsetla taɣelnawt n Nnɛama.

Aḥtac ay d-yebdan deffir temzelt-a (ɛamaliyya) yessaweḍ ɣer tuḍḍfa n sin n yemdanen, laṣel-nsen seg Tihert yernu mazal yettkemmil unadi ɣef yemdanen niḍen yettekkan deg ussetti-a akken ad ttwaḍḍfen yernu ad ttwacaṛɛen.