ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

16 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⴹⴹⴼⴻⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵏ ⵜⵓⴹⴹⴼⴰ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ

ⵔⴰⵎⴰⵍⵍⴰⵀ (ⴰⴳⴻⵎⵎⴰⴹ ⵓⵜⵔⵉⵎ) – 16 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⴹⴹⴼⴻⵏ ⵢⵉⵖⴰⵍⵍⴻⵏ ⵉⵙⵕⴰⵢⵉⵍⵉⵢⴻⵏ ⵏ ⵜⵓⴹⴹⴼⴰ ⴰⵙⵙ ⵏ ⵍⵃⴻⴷⴷ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵙⵔⵉⵔ (ⵏⴰⴷⵉ) ⵏ ⵢⵉⵎⴻⵃⴱⴰⵙ ⵉⴼⴰⵍⴻⵙⵟⵉⵏⵉⵢⴻⵏ.

« ⵉⵖⴰⵍⵍⴻⵏ ⵏ ⵜⵓⴹⴹⴼⴰ ⴳⴰⵏ ⵜⴰⵥⴷⴰⵎⵜ ⵖⴻⴼ ⵜⴻⵎⴷⵉⵏⵉⵏ ⵏ ⵏⴰⴱⵍⵓⵙ, ⵔⴰⵎⴰⵍⵍⴰⵀ, ⵍⵅⴰⵍⵉⵍ ⴷ ⴱⴻⵢⵜⵍⴰⵃⵎ ⵢⴻⵔⵏⵓ ⵇⴻⵔⵔⵙⴻⵏ ⴰⵟⴰⵙ ⵏ ⵔⵔⵚⴰⵚ, ⴰⵎ ⵡⴰⴽⴽⴻⵏ ⴰⵢ ⴹⴹⴼⴻⵏ 6 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⵉⵡⴻⵏ ⵏ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵙⵔⵉⵔ ⵏ ⵢⵉⵎⴻⵃⴱⴰⵙ ⵉⴼⴰⵍⴻⵙⵟⵉⵏⵉⵢⴻⵏ, ⵡⴰⵔ ⵎⴰ ⵢⴻⴱⴷⴻⵔ-ⴷ ⵎⴰ ⵍⵍⴰⵏ ⵡⵉⴷ ⵢⴻⵎⵎⵓⵜⴻⵏ ⵏⴻⵖ ⵊⴻⵔⵃⴻⵏ.

ⵉⵖⴰⵍⵍⴻⵏ ⵏ ⵜⵓⴹⴹⴼⴰ ⵜⵜⴳⴻⵏ ⵢⴰⵍ ⴰⵙⵙ ⵜⵉⵃⴻⵎⵍⵉⵡⵉⵏ ⵏ ⵜⵓⴹⴹⴼⴰ ⴰⵢⴷⴻⴳ ⵜⵜⴰⴹⴹⴰⴼⴻⵏ ⵜⵉⵎⴻⵔⵡⵉⵏ (ⵄⴰⵛⴰⵔⴰⵜ) ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴷⴻⴳ ⵜⴻⵎⴷⵉⵏⵉⵏ ⴷ ⵢⵉⵖⴻⵔⵎⴰⵏ ⵏ ⵓⴳⴻⵎⵎⴰⴹ ⵓⵜⵔⵉⵎ ⵖⴻⴼ ⵙⵙⴻⴱⴱⴰⵜ ⵢⴻⵎⴳⴻⵔⵔⴰⴷⴻⵏ.

ⴰⵣⴰⵍ ⵏ 6830 ⵏ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵢ ⵢⴻⵜⵜⵡⴰⴹⴹⴼⴻⵏ ⴷⴻⴳ 2015 ⴳⴰⵔ-ⴰⵙⴻⵏ 2179 ⵏ ⵢⵉⴳⴻⵔⴷⴰⵏ ⵖⴻⴼ ⵍⴻⵃⵙⴰⴱ ⵏ ⵜⴰⴷⴷⴰⴷⴰⵏⵉⵏ (ⵉⵃⵚⴰ’ⵉⵢⵢⴰⵜ) ⵜⵉⴼⴰⵍⴻⵙⵟⵉⵏⵉⵢⵉⵏ.