Asebter amenzawi

Amesɣiwan n Milano yebɣa assefɛel n wemtawa n wemɛawen d Lezzayer Tamaneɣt

LEZZAYER TAMANEɣT – Yenna-d umesɣiwan n temdint n Milano (Ṭṭalyan), Juliano Pisapia, ass n lḥedd deg Lezzayer Tamaneɣt dakken tirzi-nnes ɣef temdint-a tella-d deg ukatar n wemtawa (ittifaq) n wemɛawen gar twilayt n Lezzayer d temdint n Milano ay yettwastenyan deg Tubeṛ n 2015.

Dɣa yenna-d Mass Pisapia dakken « ticcurka gar yimeẓla (maṣaliḥ) n twilayt n Lezzayer d temdint n Milano terza aṭas n yinurar » yernu a win yufan « ad tenfeɛ timdinin-a deg snat ».

Milano tessaweḍ ad tuɣal d yiwet seg temdinin timeqranin akk deg umaḍal imi ay tɣellet tigemmi-nnes (turat) tasegdant am wakken ay tefka daɣ azal i wudem atrar deg lbenyan yernu tebɣa, ass-a, ad tecrek ttejṛiba-nnes d temdint n Lezzayer deg wenrar-a deg ukatar n wemtawa n wemɛawen ay yettwastenyan ass n 15 Tubeṛ 2015 ɣef wakken ay d-yenna umesɣiwan n temdint-a.

Yerra daɣ tajmilt ulmesɣiwan n Milano i wussisen (maǧhudat) ay tga twilayt n Lezzayer deg wallus n ussezdeɣ n medden, yernu ttejṛiba n twilayt-a tejbed-d lwelha n yimasayen (mas’ulin) n Milano ay yebɣan daɣ ad d-sfaydin seg ttejṛiba tadzayrit deg ussizdeg n temdint seg tursaḍ.

Allus n ussezdeɣ d ussefrek n tursaḍ d sin seg yinurar imeqranen ayɣef ad d-yessukk tiṭ deg terzi-nnes n 3 n wussan ɣef Lezzayer Tamaneɣt, ɣef wakken ay d-yenna Mass Pisapia.

D awali n Lezzayer, Abdelkader Zoukh, ay yemmuggren tamagla (wafd) taṭalyanit n Milano deg unafag n Houari Boumediene, yernu yesmekti-d dakken amtawa n ussiknew d ticcurka ay yettwastenyan ilindi deg Milano yella-d d aḥric seg tiddit n Lezzayer Tamaneɣt akken ad d-sfaydi seg ttejṛibat ay sɛant tmunaɣ d temdinin timeqranin akken ad tessiweḍ ula d Lezzayer Tamaneɣt ɣer yeswan-nnes. .