ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵎⴻⵙⵖⵉⵡⴰⵏ ⵏ ⵎⵉⵍⴰⵏⵧ ⵢⴻⴱⵖⴰ ⴰⵙⵙⴻⴼⵄⴻⵍ ⵏ ⵡⴻⵎⵜⴰⵡⴰ ⵏ ⵡⴻⵎⵄⴰⵡⴻⵏ ⴷ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵎⴻⵙⵖⵉⵡⴰⵏ ⵏ ⵜⴻⵎⴷⵉⵏⵜ ⵏ ⵎⵉⵍⴰⵏⵧ (ⵟⵟⴰⵍⵢⴰⵏ), ⵊⵓⵍⵉⴰⵏⵧ ⵒⵉⵙⴰⵒⵉⴰ, ⴰⵙⵙ ⵏ ⵍⵃⴻⴷⴷ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴷⴰⴽⴽⴻⵏ ⵜⵉⵔⵣⵉ-ⵏⵏⴻⵙ ⵖⴻⴼ ⵜⴻⵎⴷⵉⵏⵜ-ⴰ ⵜⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵏ ⵡⴻⵎⵄⴰⵡⴻⵏ ⴳⴰⵔ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴷ ⵜⴻⵎⴷⵉⵏⵜ ⵏ ⵎⵉⵍⴰⵏⵧ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴷⴻⴳ ⵜⵓⴱⴻⵕ ⵏ 2015.
ⴷⵖⴰ ⵢⴻⵏⵏⴰ-ⴷ ⵎⴰⵙⵙ ⵒⵉⵙⴰⵒⵉⴰ ⴷⴰⴽⴽⴻⵏ « ⵜⵉⵛⵛⵓⵔⴽⴰ ⴳⴰⵔ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵏ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴷ ⵜⴻⵎⴷⵉⵏⵜ ⵏ ⵎⵉⵍⴰⵏⵧ ⵜⴻⵔⵣⴰ ⴰⵟⴰⵙ ⵏ ⵢⵉⵏⵓⵔⴰⵔ » ⵢⴻⵔⵏⵓ ⴰ ⵡⵉⵏ ⵢⵓⴼⴰⵏ « ⴰⴷ ⵜⴻⵏⴼⴻⵄ ⵜⵉⵎⴷⵉⵏⵉⵏ-ⴰ ⴷⴻⴳ ⵙⵏⴰⵜ ».
ⵎⵉⵍⴰⵏⵧ ⵜⴻⵙⵙⴰⵡⴻⴹ ⴰⴷ ⵜⵓⵖⴰⵍ ⴷ ⵢⵉⵡⴻⵜ ⵙⴻⴳ ⵜⴻⵎⴷⵉⵏⵉⵏ ⵜⵉⵎⴻⵇⵔⴰⵏⵉⵏ ⴰⴽⴽ ⴷⴻⴳ ⵓⵎⴰⴹⴰⵍ ⵉⵎⵉ ⴰⵢ ⵜⵖⴻⵍⵍⴻⵜ ⵜⵉⴳⴻⵎⵎⵉ-ⵏⵏⴻⵙ (ⵜⵓⵔⴰⵜ) ⵜⴰⵙⴻⴳⴷⴰⵏⵜ ⴰⵎ ⵡⴰⴽⴽⴻⵏ ⴰⵢ ⵜⴻⴼⴽⴰ ⴷⴰⵖ ⴰⵣⴰⵍ ⵉ ⵡⵓⴷⴻⵎ ⴰⵜⵔⴰⵔ ⴷⴻⴳ ⵍⴱⴻⵏⵢⴰⵏ ⵢⴻⵔⵏⵓ ⵜⴻⴱⵖⴰ, ⴰⵙⵙ-ⴰ, ⴰⴷ ⵜⴻⵛⵔⴻⴽ ⵜⵜⴻⵊⵕⵉⴱⴰ-ⵏⵏⴻⵙ ⴷ ⵜⴻⵎⴷⵉⵏⵜ ⵏ ⵍⴻⵣⵣⴰⵢⴻⵔ ⴷⴻⴳ ⵡⴻⵏⵔⴰⵔ-ⴰ ⴷⴻⴳ ⵓⴽⴰⵜⴰⵔ ⵏ ⵡⴻⵎⵜⴰⵡⴰ ⵏ ⵡⴻⵎⵄⴰⵡⴻⵏ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⴰⵙⵙ ⵏ 15 ⵜⵓⴱⴻⵕ 2015 ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴻⵙⵖⵉⵡⴰⵏ ⵏ ⵜⴻⵎⴷⵉⵏⵜ-ⴰ.
ⵢⴻⵔⵔⴰ ⴷⴰⵖ ⵜⴰⵊⵎⵉⵍⵜ ⵓⵍⵎⴻⵙⵖⵉⵡⴰⵏ ⵏ ⵎⵉⵍⴰⵏⵧ ⵉ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⴰⵢ ⵜⴳⴰ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵍⵍⵓⵙ ⵏ ⵓⵙⵙⴻⵣⴷⴻⵖ ⵏ ⵎⴻⴷⴷⴻⵏ, ⵢⴻⵔⵏⵓ ⵜⵜⴻⵊⵕⵉⴱⴰ ⵏ ⵜⵡⵉⵍⴰⵢⵜ-ⴰ ⵜⴻⵊⴱⴻⴷ-ⴷ ⵍⵡⴻⵍⵀⴰ ⵏ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵎⵉⵍⴰⵏⵧ ⴰⵢ ⵢⴻⴱⵖⴰⵏ ⴷⴰⵖ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵜⵜⴻⵊⵕⵉⴱⴰ ⵜⴰⴷⵣⴰⵢⵔⵉⵜ ⴷⴻⴳ ⵓⵙⵙⵉⵣⴷⴻⴳ ⵏ ⵜⴻⵎⴷⵉⵏⵜ ⵙⴻⴳ ⵜⵓⵔⵙⴰⴹ.
ⴰⵍⵍⵓⵙ ⵏ ⵓⵙⵙⴻⵣⴷⴻⵖ ⴷ ⵓⵙⵙⴻⴼⵔⴻⴽ ⵏ ⵜⵓⵔⵙⴰⴹ ⴷ ⵙⵉⵏ ⵙⴻⴳ ⵢⵉⵏⵓⵔⴰⵔ ⵉⵎⴻⵇⵔⴰⵏⴻⵏ ⴰⵢⵖⴻⴼ ⴰⴷ ⴷ-ⵢⴻⵙⵙⵓⴽⴽ ⵜⵉⵟ ⴷⴻⴳ ⵜⴻⵔⵣⵉ-ⵏⵏⴻⵙ ⵏ 3 ⵏ ⵡⵓⵙⵙⴰⵏ ⵖⴻⴼ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵒⵉⵙⴰⵒⵉⴰ.
ⴷ ⴰⵡⴰⵍⵉ ⵏ ⵍⴻⵣⵣⴰⵢⴻⵔ, ⴰⴱⴷⴻⵍⴽⴰⴷⴻⵔ ⵣⵧⵓⴽⵀ, ⴰⵢ ⵢⴻⵎⵎⵓⴳⴳⵔⴻⵏ ⵜⴰⵎⴰⴳⵍⴰ (ⵡⴰⴼⴷ) ⵜⴰⵟⴰⵍⵢⴰⵏⵉⵜ ⵏ ⵎⵉⵍⴰⵏⵧ ⴷⴻⴳ ⵓⵏⴰⴼⴰⴳ ⵏ ⵀⵧⵓⴰⵔⵉ ⴱⵧⵓⵎⴻⴷⵉⴻⵏⴻ, ⵢⴻⵔⵏⵓ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ ⴰⵎⵜⴰⵡⴰ ⵏ ⵓⵙⵙⵉⴽⵏⴻⵡ ⴷ ⵜⵉⵛⵛⵓⵔⴽⴰ ⴰⵢ ⵢⴻⵜⵜⵡⴰⵙⵜⴻⵏⵢⴰⵏ ⵉⵍⵉⵏⴷⵉ ⴷⴻⴳ ⵎⵉⵍⴰⵏⵧ ⵢⴻⵍⵍⴰ-ⴷ ⴷ ⴰⵃⵔⵉⵛ ⵙⴻⴳ ⵜⵉⴷⴷⵉⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴽⴽⴻⵏ ⴰⴷ ⴷ-ⵙⴼⴰⵢⴷⵉ ⵙⴻⴳ ⵜⵜⴻⵊⵕⵉⴱⴰⵜ ⴰⵢ ⵙⵄⴰⵏⵜ ⵜⵎⵓⵏⴰⵖ ⴷ ⵜⴻⵎⴷⵉⵏⵉⵏ ⵜⵉⵎⴻⵇⵔⴰⵏⵉⵏ ⴰⴽⴽⴻⵏ ⴰⴷ ⵜⴻⵙⵙⵉⵡⴻⴹ ⵓⵍⴰ ⴷ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵖⴻⵔ ⵢⴻⵙⵡⴰⵏ-ⵏⵏⴻⵙ.
.
