ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴻⵍⵎⴰⴷⴻⵏ ⵉⵎⴳⵓⵜⴰ: ⵜⵜⴻⵊⵕⵉⴱⴰ ⴰⴷ ⵜⴻⵜⵜⵡⴰⵇⴻⵢⵢⴻⵎ ⵙ ⵜⵎⴻⵔⵏⵉⵡⵜ ⵏ ⵜⴻⵏⵇⵉⴹⵉⵏ ⵖⴻⴼ ⵍⴻⵃⵙⴰⴱ ⵏ ⵢⵉⵙⴻⴳⴳⴰⵙⴻⵏ
ⴱⵓⵎⴻⵔⴷⴰⵙ – ⵢⴻⵏⵏⴰ-ⴷ ⵢⵉⵖⴻⴼ ⵏ ⵓⴷⵉⵡⴰⵏ ⵏ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⴰⴱⴷⴻⵍⵡⴰⵀⴰⴱ ⴳⵓⴻⵍⵉⵍ, ⴰⵙⵙ ⵏ ⵍⵃⴻⴷⴷ ⴷⴻⴳ ⴱⵓⴷⵡⴰⵡ (ⴱⵓⵎⴻⵔⴷⴰⵙ), ⴷⴰⴽⴽⴻⵏ ⵜⵜⴻⵊⵕⵉⴱⴰ ⵏ ⵢⵉⵙⴻⵍⵎⴰⴷⴻⵏ ⵉⵎⴳⵓⵜⴰ (ⵎⵓⵜⴰⵄⴰⵇⵉⴷⵉⵏ) ⴰⴷ ⵜⴻⵜⵜⵡⴰⵃⵙⴻⴱ ⵙ « ⵜⵎⴻⵔⵏⵉⵡⵜ ⵏ ⵜⴻⵏⵇⵉⴹⵉⵏ » ⵖⴻⴼ ⵍⴻⵃⵙⴰⴱ ⵏ ⵢⵉⵙⴻⴳⴳⴰⵙⴻⵏ ⵏ ⵓⵅⴻⴷⴷⵉⵎ.
« ⴰⴷ ⴷ-ⵜⵉⵍⵉ ⵜⵎⴻⵔⵏⵉⵡⵜ ⴷ ⵜⴰⵎⴻⵇⵔⴰⵏⵜ ⵉ ⵢⵉⵙⴻⵍⵎⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴳⵓⴻⵍⵉⵍ ⵉ ⵜⵖⴻⵎⵙⴰ, ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ, ⵎⵉ ⴰⴷ ⴷ-ⵢⵉⵍⵉ ⵡⴻⵎⵙⴻⴼⵀⴰⵎ ⵖⴻⴼ ⵜⴻⵎⵙⴰⵍⵜ-ⴰ, ⴰⴷ ⴷ-ⵉⵍⵉⵏⵜ ⵍⴻⵎⵛⴰⵡⵕⴰⵜ ⴷ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵡⵓⵔⵉ ⵜⴰⵏⴰⴳⴷⵓⴷⵜ (ⵡⴰⴹⵉⴼ ⵄⵓⵎⵓⵎⵉ) ⵖⴻⴼ ⵡⴰⵎⴻⴽ ⴰⴷ ⵢⴻⵜⵜⵡⴰⵙⵙⴻⴼⵄⴻⵍ ⵡⴰⵢⴰ.
« ⴰⵖⵍⵉⴼ ⵢⴻⵜⵜⵅⴻⴱⴱⵉⵔ-ⴷ ⵉⵙⴻⵍⵎⴰⴷⴻⵏ ⵉⵎⴳⵓⵜⴰ ⵖⴻⴼ ⵢⴻⴳⵎⴰⴹ ⵏ ⵍⴻⵎⵛⴰⵡⵕⴰⵜ ⴷ ⵜⵎⴻⵀⵍⴰ ⵜⴰⵎⴰⵜⵓⵜ ⵏ ⵜⵡⵓⵔⵉ ⵜⴰⵏⴰⴳⴷⵓⴷⵜ ⴷ ⵓⵙⴻⵎⵎⴻⵙⴽⴻⵍ ⴰⴷⴻⴱⵍⴰⵏ: ⵉⵙⴻⴳⴳⴰⵙⴻⵏ ⵏ ⵜⵜⴻⵊⵕⵉⴱⴰ ⴰⴷ ⵜⵜⵡⴰⵇⴻⵢⵢⵎⴻⵏ ⵙ 1 ⵏ ⵜⴻⵏⵇⵉⴹⵜ ⵉ ⵓⵙⴻⴳⴳⴰⵙ ⵏ ⵓⵅⴻⴷⴷⵉⵎ ⴷⴻⴳ ⵜⴻⵙⴽⴰⵍⴰ (ⵙⵓⵍⵍⴰⵎ) ⵏ 6 ⵏ ⵜⴻⵏⵇⵉⴹⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ.
ⴷ ⵎⴰⵙⵙ ⴳⵓⴻⵍⵉⵍ ⴰⵢ ⵢⴻⵍⵍⴰⵏ ⵖⴻⴼ ⵢⵉⵖⴻⴼ ⵏ ⵜⵎⴰⴳⵍⴰ ⵏ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵢ ⵢⴻⴷⴷⴰⵏ ⴰⴷ ⵎⵍⵉⵍⴻⵏ ⴷ ⵢⵉⴳⴻⵏⵙⴰⵙⴻⵏ ⵏ ⵢⵉⵙⴻⵍⵎⴰⴷⴻⵏ ⵉⵎⴳⵓⵜⴰ.
ⴰⴳⴻⵏⵙⴰⵙ ⵏ ⵡⴻⵖⵍⵉⴼ ⵢⴻⵏⵏⴰ-ⴷ ⴷⴰⴽⴽⴻⵏ ⵜⵉⵙⵉⵏ ⵏ ⵜⵎⴰⴳⵍⴰ ⵏ ⵡⴻⵖⵍⵉⴼ ⵢⴻⵙⵙⴽⴰⵏⴰⵢ-ⴷ ⴷⴰⴽⴽⴻⵏ ⴰⵖⵍⵉⴼ ⵏ ⵓⵙⵙⴻⴳⵎⵉ ⵢⴻⴱⵖⴰ ⴰⴷ ⴷ-ⵢⴻⵍⵀⵓ ⵙ ⵜⴻⵎⵙⴰⵍⵜ-ⴰ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴰⵖ ⴷ ⵜⴰⴳⵏⵉⵜ ⵉ ⵜⵓⴽⴽⵙⴰ ⵏ ⵡⴻⵖⴱⴻⵍ ⵉ ⵢⵉⵙⴻⵍⵎⴰⴷⴻⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵇⴰⴷⴻⵔ ⵏ ⵜⴻⵖⴷⴻⵎⵜ ⴷ ⵜⴳⴰⴷⴷⴰ (ⵎⵓⵙⴰⵡⴰⵜ) ⴳⴰⵔ ⴰⴽⴽ ⵉⵎⴰⵣⵡⴰⵔⴻⵏ (ⵎⵓⵔⴰⵛⵛⴰⵃⵉⵏ) ⵢⴻⴱⵖⴰⵏ ⴰⴷ ⵅⴻⴷⵎⴻⵏ ⴷⴻⴳ ⵡⴻⵃⵔⵉⵛ ⵏ ⵓⵙⵙⴻⵍⵎⴻⴷ.
.
