Asebter amenzawi

Japun: ad ɛerḍen ad sseɣtun aḥbu n yiwet n tsenqadt yettezzin ɣef Wines

TOKYO – Tanegga tallunant (wakala faḍa’iyya) tajapunit n Jaxa tebda, ass n letniyen, txeddem ɣef usseɣtu n weḥbu (madar) n tsenqadt tallunant n Akatsuki ay la yettezzin ɣef wemtiweg n Wines, akken ad tiɣzif tallit aydeg tezzi tsenqadt-a ɣef wemtiweg-a aḥmayan.

Ccɣel-a ad yeḍḍef tasaɛet ɣef wakken ay d-tenna tnegga n Jaxa.

I lmend n waya, yessefk ad ssiɣen 4 n yimuturen n tsenqadt-nni azal n 15 n tsinin (tawani) akken ad as-beddlen aḥbu.

S ubeddel-a n weḥbu, Jaxa tessaram ad tiɣzif tmeddurt n tsenqadt-a seg 800 n wussan ɣer 2.000 n wussan akken ad tesɛu ugar n wakud akken ad tesnirem (tastakcif) tignewt d wakal aburkanan aḥmayan n wemtiweg (kawkab) n Wines yellan d amtiweg wis sin iqerben akk ɣer tafukt.

.