Asebter amenzawi

Noureddine Bedoui yemmuger lmir n Milano

LEZZAYER TAMANAɣT – Aneɣlaf n tɣawsiwin n daxel, Noureddine Bedoui, yemmuger ass n letniyen di Lezzayer tamanaɣt lmir n Milano, Giuliano Pisapia. Timlilit iḥeḍṛ-itt Lwali n Lezzayer tamanaɣt, Abdelkader Zoukh.

Deg yiwet n teɣṛi i tɣamsa ɣer taggara n temlilit, Mas Pisapia yessaḥṛeṣ ɣef "useǧhed" n wemɛawen ger Lezzayer d Ṭṭlyan. "Nebɣa ad nesseǧhed amɛiwen gar-aneɣ ladɣa mbaɛd ibeddilen ineggura d-yellan di tmendawt tazzayrit",id-yenna a.

Yenna daɣen belli yebder-d akk d Mas Bedoui "asnerni n wazal n tmeṭṭut di tmetti, aseɣhed n timanit di tamiwin akk d laman di temdinin". Yenna deg wayagi, belli laman "ur yettili s ttawil n tekṛiḍt, maca s wemtawi anmettan akk d unegmu adelsan".