ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴰⵎⴻⵏⵣⴰⵢ ⵏ ⵍⴻⵣⵣⴰⵢⴻⵔ ⴰⴽⴽⴻⵏ ⵓⵔ ⵜⴻⵜⵜⴰⴷⴻⴼ ⴷⴻⴳ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵏ ⵜⵎⵓⵔⴰ
ⵔⵉⵢⴰⴹ – ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⴰⴷⴷⵓⴷ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴽⵔⴰ ⵏ ⵜⴻⵎⵙⴰⵍ ⵜⵉⵡⴻⵄⵕⴰⵏⵉⵏ ⴰⵢ ⴷ-ⵢⴻⵍⵍⴰⵏ ⴷⴻⴳ ⵓⵎⴰⴹⴰⵍ ⴰⵄⵕⴰⴱ ⵢⴻⵔⵏⵓ ⵍⵍⵙⴰⵙ ⵏ ⵡⴰⴷⴷⵓⴷ-ⴰ ⴷ ⵜⵉⴷⴷⵉⵜ-ⵏⵏⴻⵙ ⵜⴰⵎⴻⵣⵔⵓⵢⴰⵏⵜ ⴰⵢⴷⴻⴳ ⵓⵔ ⵜⴻⴳⴳⴰⵔ ⵉⵎⴰⵏ-ⵏⵏⴻⵙ ⴷⴻⴳ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵏ ⵜⵎⵓⵔⴰ ⵏⵉⴹⴻⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴰⴷⴷⵓⴷ-ⴰ ⵓⵔ ⵜ-ⵜⴻⴷⴷⵉⵎ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⵜⵉⵍⵉ « ⵎⴳⴰⵍ » ⵜⵉⵛⵔⵉⴽⵉⵏ-ⵏⵏⴻⵙ ⵜⴰⵄⵕⴰⴱⵉⵏ ⵏⵉⴹⴻⵏ.
ⴷⴻⴳ ⵢⵉⵡⴻⵜ ⵏ ⵜⵙⴻⵖⵔⵓⵜ (ⵜⴰⵚⵔⵉⵃ) ⵉ ⵜⵖⴻⵎⵙⴰ ⴰⵢ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵡⴻⵎⵢⴰⴳⴻⵔ ⴳⴰⵔ ⵓⴳⴻⵍⵍⵉⴷ ⴰⵙⴰⵄⵓⴷⵉ ⵙⴰⵍⵎⴰⵏ ⴱⴻⵏ ⴰⴱⴷⴻⵍⴰⵣⵉⵣ ⴰⵍ ⵙⴰⵧⵓⴷ, ⵢⴻⵏⵏⴰ-ⴷ ⵓⵏⴻⵚⵚⴰⵃ ⵓⵣⵣⵉⴳ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⵜⴰⵢⴻⴱ ⴱⴻⵍⴰⵉⵣ ⴷⴰⴽⴽⴻⵏ ⵢⴻⵡⵡⵉ-ⴷ ⵜⴰⴱⵕⴰⵜ ⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉ ⵓⴳⴻⵍⵍⵉⴷ ⴰⵙⴰⵄⵓⴷⵉ ⴰⴽⴽⴻⵏ ⴰⴷ ⴷ-ⵢⴻⵙⵙⴻⴼⵀⴻⵎ ⴷⴻⴳ-ⵙ ⴰⴷⴷⵓⴷ ⵏ ⵍⴻⵣⵣⴰⵢⴻⵔ.
« ⴽⵔⴰ ⵣⴻⵎⵔⴻⵏ ⴰⴷ ⵃⴻⵙⴱⴻⵏ ⴷⴰⴽⴽⴻⵏ ⴰⴷⴷⵓⴷⴻⵏ ⵏ ⵍⴻⵣⵣⴰⵢⴻⵔ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴽⵔⴰ ⵏ ⵜⴻⵎⵙⴰⵍ ⵜⵉⵡⴻⵄⵕⴰⵏⵉⵏ ⴷⴻⴳ ⵓⵎⴰⴹⴰⵍ ⴰⵄⵕⴰⴱ, ⵏⴻⵖ ⵓⵍⴰ ⴷⴻⴳ ⵜⴻⵎⵏⴰⴹⵜ, ⴷ ⴰⴷⴷⵓⴷⴻⵏ ⵢⴻⵍⵍⴰⵏ ⵎⴳⴰⵍ ⴽⵔⴰ ⵙⴻⴳ ⵢⴻⵛⵔⵉⴽⴻⵏ-ⵏⵏⴻⵙ ⴰⵄⵕⴰⴱⴻⵏ », ⵎⴰⵛⴰ, ⴷⴻⴳ ⵜⵉⴷⴻⵜ, ⴰⴷⴷⵓⴷⴻⵏ ⵏ ⵍⴻⵣⵣⴰⵢⴻⵔ ⵜⵜⵡⴰⴳⵎⴻⵏ-ⴷ ⵙⴻⴳ ⵜⴳⴻⵎⵎⵉ-ⵏⵏⴻⵙ ⵜⴰⵎⴻⵣⵔⵓⵢⴰⵏⵜ ⵙⴻⴳ ⵡⴰⵙⵎⵉ ⴰⵢ ⵜⴻⵏⵏⵓⵖ ⴰⵎⴳⴰⵔⵓ (ⵃⴰⵔⴱ) ⵏ ⵡⴻⵙⵍⴻⵍⵍⵉ, ⵢⴻⵔⵏⵓ ⵙⴻⴳ ⵢⵉⵎⵉⵔ-ⵏⵏⵉ ⴰⵢ ⵜⵄⵓⵀⴻⴷ ⴰⴷ ⵜⵇⴰⴷⴻⵔ ⴰⵎⴻⵏⵣⴰⵢ ⴰⵢⴷⴻⴳ ⵓⵔ ⵜⴻⴳⴳⴰⵔ ⵉⵎⴰⵏ-ⵏⵏⴻⵙ ⴷⴻⴳ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵏ ⵜⵎⵓⵔⴰ ⵏⵉⴹⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵏⵏⵉⴳ ⵡⴰⵢⴰ, ⵢⴻⵏⵏⴰ-ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴷⴰⴽⴽⴻⵏ ⴰⴷⴷⵓⴷ ⵏ ⵍⴻⵣⵣⴰⵢⴻⵔ ⵢⴻⵜⵜⵡⴰⴳⴻⵎ-ⴷ ⵙⴻⴳ « ⵜⵎⴻⵏⴹⴰⵡⵉⵏ-ⵏⵏⴻⵙ (ⴷⴰⵙⴰⵜⵉⵔ) ⴰⵢ ⵉⴳⴻⴷⵍⴻⵏ ⴰⴼⵔⴰⵇ ⵏ ⵢⵉⵖⴰⵍⵍⴻⵏ ⵉⵎⵙⴻⵍⵍⵃⴻⵏ ⵉⴷⵣⴰⵢⵔⵉⵢⴻⵏ ⴱⴻⵕⵕⴰ ⵉ ⵜⵍⵉⵙⴰ ⵏ ⵜⵎⵓⵔⵜ », ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⵢⴰ ⵓⵔ ⵢⴻⴱⵖⵉ ⴰⴷ ⴷ-ⵢⵉⵏⵉ ⴷⴰⴽⴽⴻⵏ ⵍⴻⵣⵣⴰⵢⴻⵔ ⵓⵔ ⵜⴻⵜⵜⴰⴽⴼ ⴰⴼⵓⵙ ⵏ ⵍⴻⵎⵄⴰⵡⵏⴰ ⵉⵊⴻⵀⴷⴻⵏ ⵉ ⵜⵎⵓⵔⴰ ⵏⵉⴹⴻⵏ ⴷⴻⴳ ⵢⵉⵏⵓⵔⴰⵔ ⵏⵉⴹⴻⵏ.
ⵢⴻⵙⵎⴻⴽⵜⵉ-ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴰⵖ ⴷⴻⴳ ⵜⴻⴱⵕⴰⵜ ⴰⵢ ⴷ-ⵢⴻⵙⵙⴰⵡⴻⴹ ⵓⵏⴻⵚⵚⴰⵃ-ⵏⵏⴻⵙ ⵓⵣⵣⵉⴳ ⴷⴰⴽⴽⴻⵏ ⵍⴻⵣⵣⴰⵢⴻⵔ « ⵜⴻⵙⵃⴰⵕⵕⴻⵎ ⵖⴻⴼ ⵢⵉⵎⴰⵏ-ⵏⵏⴻⵙ ⴰⴷ ⵜⴳⴻⵔ ⵉⵎⴰⵏ-ⵏⵏⴻⵙ ⴷⴻⴳ ⵜⵖⴰⵡⵙⵉⵡⵉⵏ ⵏ ⴷⴰⵅⴻⵍ ⵏ ⵜⵎⵓⵔⴰ ⴷ ⵢⵉⵖⴻⵔⴼⴰⵏ ⴰⵎ ⵡⴰⴽⴽⴻⵏ ⴰⵢ ⵜⴻⵙⵎⴻⵏⵢⴰⴼⴰⵢ ⴷⵉⵎⴰ ⵜⵉⴼⵔⴰⵜⵉⵏ ⵜⵉⵙⴻⵔⵜⴰⵏⵉⵏ ⵜⵉⵎⴻⵍⵡⵉⵢⵉⵏ (ⵙⵉⵍⵎⵉⵢⵢⴰ), ⴰⵎ ⵡⴰⴽⴽⴻⵏ ⴰⵢ ⵜⵓⴳⵉ ⵜⴰⴽⵔⵉⴹⵜ (ⵄⵓⵏⴼ) ⴰⵢ ⴷ-ⵢⴻⵜⵜⴰⵔⵡⴻⵏ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⵍⴰ ⵜⴰⴽⵔⵉⴹⵜ ⵏⵉⴹⴻⵏ ».
