ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

Seg Tasanayt s tmaziɣt imunen
Neggez ar: ẓer isebtar, anadi

ⵉⵙⴻⵍⵎⴰⴷⴻⵏ ⵉⵎⴳⵓⵜⴰ: ⵜⴻⵙⵙⴻⴱⴷⴻⴷ-ⴷ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ ⵢⵉⵡⴻⵜ ⵏ ⵜⵙⴻⵇⵇⴰⵎⵓⵜ ⵜⵓⵅⵍⵉⴹⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵜⵜⵡⴰⵙⵙⴻⴱⴷⴻⴷ-ⴷ ⵢⵉⵡⴻⵜ ⵏ ⵜⵙⴻⵇⵇⴰⵎⵓⵜ ⵜⵓⵅⵍⵉⴹⵜ, ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ, ⴷⴻⴳ ⵡⴻⵖⵍⵉⴼ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ ⵉ ⵡⴻⴱⴷⴰⴷ ⵉ ⵢⵉⵖⴻⴱⵍⴰⵏ ⵏ ⵢⵉⵙⴻⵍⵎⴰⴷⴻⵏ ⵉⵎⴳⵓⵜⴰ (ⵎⵓⵜⴰⵄⴰⵇⵉⴷⵉⵏ) ⴰⵢ ⴷ-ⵢⴻⴱⴷⴰⵏ ⴰⵎⵓⵙⵙⵓ ⵏ ⵓⵛⵛⴻⵜⴽⵉ, ⵢⴻⵔⵏⵓ ⴰⴷ ⴷ-ⵜⴻⵍⵀⵓ ⵜⵙⴻⵇⵇⴰⵎⵓⵜ-ⴰ ⵍⴰⴷⵖⴰ ⴷ ⵓⵚⴻⴳⴳⴻⵎ ⵏ ⵜⵛⴻⵀⵕⵉⵢⵉⵏ ⴷ ⵜⵓⴽⵛⵉ ⵏ ⴽⵔⴰ ⵏ ⵜⴻⴽⴼⵉⵡⵉⵏ (ⵎⵉⵏⴰⵃ) ⵉ ⵢⵉⵙⴻⵍⵎⴰⴷⴻⵏ-ⴰ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵡⴻⵖⵍⵉⴼ.

« ⵜⴻⵎⵎⵓⴳⴻⵔ ⵜⵏⴻⵖⵍⴰⴼⵜ ⵉ ⵜⵉⴽⴽⴻⵍⵜ ⵜⵉⵙ 3, ⵉ ⵡⵓⴳⴰⵔ ⵏ 3 ⵏ ⵜⵙⴰⵄⵜⵉⵏ, ⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⵉⵙⴻⵍⵎⴰⴷⴻⵏ ⵉⵎⴳⵓⵜⴰ. ⵜⴻⴷⴷⴻⵎ ⵕⵕⴰⵢ ⵏ ⵓⵙⵙⴻⴱⴷⴻⴷ ⵏ ⵜⵙⴻⵇⵇⴰⵎⵓⵜ ⵜⵓⵅⵍⵉⴹⵜ (ⵙ ⵓⵇⴰⴷⴻⵔ ⵏ ⵍⵄⴰⵀⴻⴷ-ⵏⵏⴻⵙ) ⴰⴽⴽⴻⵏ ⴰⴷ ⵜⴻⴼⵔⵓ, ⴳⴰⵔ ⵜⴻⵎⵙⴰⵍ ⵏⵉⴹⴻⵏ, ⵜⴰⵎⵙⴰⵍⵜ ⵏ ⵓⵄⴻⴹⴹⴻⵍ ⵏ ⵜⵛⴻⵀⵕⵉⵢⵉⵏ ⴷ ⵜⵓⴽⵛⵉ ⵏ ⴽⵔⴰ ⵏ ⵜⴻⴽⴼⵉⵡⵉⵏ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵎⴰⵔⵓ ⴰⵎⴰⵜⵓ ⵏ ⵡⴻⵖⵍⵉⴼ, ⴰⴱⴷⴻⵍⵀⴰⴽⵉⵎ ⴱⴻⵍⴰⴱⴻⴷ, ⴷⴻⴳ ⵜⴳⴰⵔⴰ ⵏ ⵜⴻⵎⵍⵉⵍⵉⵜ-ⵏⵏⵉ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵛⵛⴻⵔⴹ ⴰⵎⴻⵇⵔⴰⵏ ⴰⴽⴽ ⵏ ⵢⵉⵙⴻⵍⵎⴰⴷⴻⵏ ⵉⵎⴳⵓⵜⴰ, ⵡⵉⵏ ⵏ ⵡⴻⵙⵏⵓⵎⵎⴻⴷ-ⵏⵙⴻⵏ (ⵉⴷⵎⴰⴵ) ⵡⴰⵔ ⵛⵛⴻⵔⴹ, ⵜⴻⵙⵎⴻⴽⵜⵉ-ⴷ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ ⴷⴰⴽⴽⴻⵏ ⴷ ⴰⵡⴻⵣⵖⵉ ⴰⴷ ⵜⵜⵡⴰⵙⵅⴻⴷⵎⴻⵏ ⵢⵉⵅⴻⴷⴷⴰⵎⴻⵏ-ⴰ ⵙⵔⵉⴷ, ⵎⴰⵛⴰ ⵜⴻⵏⵏⴰ-ⴷ ⴷⴰⴽⴽⴻⵏ ⵉⵙⴻⴳⴳⴰⵙⴻⵏ-ⵏⵙⴻⵏ ⵏ ⵜⵜⴻⵊⵕⵉⴱⴰ ⴰⴷ ⴰⵙⴻⵏ-ⵜⵜⵡⴰⵃⴻⵙⴱⴻⵏ.

ⵜⴻⵏⵏⴰ-ⴷ ⵢⴰⴳⵉ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⵜⵉⵎⴻⵔⵏⵉⵡⵜ ⵏ ⵢⵉⵙⴻⴳⴳⴰⵙⴻⵏ ⵏ ⵓⵅⴻⴷⴷⵉⵎ ⴷⴻⴳ ⵍⴻⵃⵙⴰⴱ ⵏ ⵜⴻⵏⵇⵉⴹⵉⵏ ⴷ « ⵓⵙⵙⵉⵙ (ⵎⴰⴵⵀⵓⴷ) ⴰⵎⴻⵇⵔⴰⵏ » ⴰⵢ ⵜⴳⴰ ⵜⵡⵓⵔⵉ ⵜⴰⵏⴰⴳⴷⵓⴷⵜ (ⵡⴰⴹⵉⴼ ⵄⵓⵎⵓⵎⵉ).

ⵎⴰ ⴷ ⴰⴳⴻⵏⵙⴰⵙ ⵏ ⵢⵉⵙⴻⵍⵎⴰⴷⴻⵏ ⵉⵎⴳⵓⵜⴰ, ⴱⴰⵛⵀⵉⵔ ⵙⴰⵉⴷⵉ, ⵢⴻⵏⵏⴰ-ⴷ ⵉ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵏ ⵍⴻⵣⵣⴰⵢⴻⵔ ⴷⴰⴽⴽⴻⵏ « 3-ⵏⵏⵉ ⵏ ⵜⵙⴰⵄⵜⵉⵏ ⵏ ⵍⴻⵎⵛⴰⵡⵕⴰⵜ ⵓⵔ ⴷ-ⵡⵡⵉⵏⵜ ⴰⵛⴻⵎⵎⴰ ⵏ ⵓⵎⴰⵢⵏⵓ ».

« ⴰⴷ ⵏⴻⵙⵙⵉⵡⴻⴹ ⵜⵉⴳⵔⴰⵢⵉⵏ ⵏ ⵜⴻⵎⵍⵉⵍⵉⵜ-ⴰ ⵉ ⵢⵉⵙⴻⵍⵎⴰⴷⴻⵏ ⵉⵎⴳⵓⵜⴰ ⵢⴻⵍⵍⴰⵏ ⵉⵎⵉⵔ-ⴰ ⴷⴻⴳ ⴱⵓⴷⵡⴰⵡ, ⴰⴽⴽⴻⵏ ⴰⴷ ⵜⵜ-ⵉⴷ-ⵏⴻⴼⵔⵓ ⵖⴻⴼ ⵡⴰⵎⴻⴽ ⴰⴷ ⵏⴽⴻⵎⵎⴻⵍ ⵜⵉⴳⴰⵡⵜ-ⵏⵏⴻⵖ, ⵓⵍⴰ ⵎⴰ ⵏⴻⵥⵔⴰ ⴷⴰⴽⴽⴻⵏ ⵢⴻⵍⵍⴰ ⵛⵛⴻⴽ ⴷ ⴰⵎⴻⵇⵔⴰⵏ ⴰⴷ ⴽⴻⵎⵎⵍⴻⵏ ⵜⵉⴷⴷⵉⵜ-ⵏⵙⴻⵏ ⴰⵔⵎⴰ ⵜⵜⵓⵏⴻⴼⴽⴻⵏ-ⴰⵙⴻⵏ-ⴷ ⴰⴽⴽ ⵢⵉⵣⴻⵔⴼⴰⵏ-ⵏⵙⴻⵏ ⵓⵣⵔⵉⴼⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.

ⵉⵙⴻⵍⵎⴰⴷⴻⵏ ⵉⵎⴳⵓⵜⴰ ⴱⴷⴰⵏ-ⴷ ⵓⴳⴰⵔ ⵏ ⴷⴷⵓⵕⵜ ⴰⵢⴰ ⵢⵉⵡⴻⵜ ⵏ ⵜⵉⴷⴷⵉⵜ ⵏ ⵓⵛⵛⴻⵜⴽⵉ ⵙⴻⴳ ⴱⴳⴰⵢⴻⵜ ⵖⴻⵔ ⵍⴻⵣⵣⴰⵢⴻⵔ ⴰⴽⴽⴻⵏ ⴰⴷ ⴷ-ⵙⵙⵉⵡⴹⴻⵏ ⵜⴰⵖⴻⵛⵜ-ⵏⵙⴻⵏ ⵉ ⵢⴻⵎⴹⴻⴱⴱⵔⴻⵏ.

ⴰⴷ ⴷ-ⵜⵉⵍⵉ ⵢⵉⵡⴻⵜ ⵏ ⵜⴻⵎⵙⵉⵣⵡⴻⵔⵜ ⴰⵙⵙ ⵏ 30 ⵢⴻⴱⵔⵉⵔ ⵉ ⵓⵙⵙⵉⴷⴻⴼ ⵏ 28.000 ⵏ ⵢⵉⵙⴻⵍⵎⴰⴷⴻⵏ ⵏ 3 ⵏ ⵢⴻⵙⵡⵉⵔⴻⵏ ⵏ ⵓⵙⵙⴻⴳⵎⵉ (ⴰⵎⴻⵏⵣⵓ, ⴰⵍⴻⵎⵎⴰⵙ ⴷ ⵡⴻⵙⵏⴰⵡⴰⵏ).

ⵉ ⵍⵎⴻⵏⴷ ⵏ ⵡⴰⵢⴰ, ⵜⴻⵏⵛⴻⴷ-ⴷ ⵜⵏⴻⵖⵍⴰⴼⵜ ⵉⵙⴻⵍⵎⴰⴷⴻⵏ ⵉⵎⴳⵓⵜⴰ ⵢⴻⵜⵜⴻⴽⴽⴰⵏ ⴷⴻⴳ ⵜⵉⴷⴷⵉⵜ-ⴰ ⵏ ⵓⵛⵛⴻⵜⴽⵉ ⴰⴽⴽⴻⵏ ⴰⴷ ⵎⵎⴻⵕⴽⵉⵏ ⵉⵎⴰⵏ-ⵏⵙⴻⵏ « ⵙ ⵜⵖⴰⵡⵍⴰ » ⵖⴻⵔ ⵜⴻⵎⵙⵉⵣⵡⴻⵔⵜ ⵜⴰⵖⴻⵍⵏⴰⵡⵜ ⵏ ⵓⵙⵙⵉⴷⴻⴼ ⵓⵇⴱⴻⵍ 14 ⵢⴻⴱⵔⵉⵔ ⴰⴽⴽⴻⵏ ⴰⴷ ⵜⵜⴻⴽⴽⵉⵏ ⴷⴻⴳ-ⵙ.