ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵙⵉⵍⴻⵖ ⴰⵙⴰⴷⵓⵔⴰⵏ: ⵉⵃⴻⵜⵜⴻⵜ-ⴷ ⵎⴰⵙⵙ ⵎⴻⴱⴰⵔⴽⵉ ⵖⴻⴼ ⵓⵙⵙⵉⵍⴻⵖ ⵏ ⵢⴻⵎⵙⵉⵍⵖⴻⵏ
ⵎⵙⵉⵍⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵙⵙⵉⵍⴻⵖ (ⵜⴰⴽⵡⵉⵏ), ⵎⵧⵀⴰⵎⴻⴷ ⵎⴻⴱⴰⵔⴽⵉ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵎⵙⵉⵍⴰ, ⴷⴰⴽⴽⴻⵏ ⵛⵛⵖⴻⵍ ⴰⵎⴻⵇⵔⴰⵏ ⵏⵉⴹⴻⵏ ⴰⵢⵢⴻⵙ ⴰⵢ ⵢⴻⵙⵙⴻⴼⴽ ⴰⴷ ⴷ-ⵢⴻⵍⵀⵓ ⵡⴻⵖⵍⵉⴼ-ⵏⵏⴻⵙ ⵏⴻⵜⵜⴰ ⴷ ⴰⵙⵙⵉⵍⴻⵖ ⵏ ⵢⴻⵎⵙⵉⵍⵖⴻⵏ (ⵎⵓⴽⴰⵡⵡⵉⵏⵉⵏ) ⴰⴽⴽⴻⵏ ⴰⴷ ⵙⵍⴻⵎⴷⴻⵏ ⵚⵚⴻⵏⵄⴰⵜ ⵉⵡⴰⵜⴰⵏ ⵙⵙⵓⵇ ⵏ ⵓⵅⴻⴷⴷⵉⵎ.
ⵎⵉ ⵢⴻⵔⵣⴰ ⵖⴻⴼ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵢⵉⴱⴻⵃⵏⴰⵇ ⵏ ⵜⴻⵎⴳⵓⵔⵉ ⵏ ⵜⵉⵏⴷⴰⵍ, ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵜⵜⵡⴰⴽⴻⵙⴱⴻⵏⵜ ⵜⵜⴻⵊⵕⵉⴱⴰⵜ ⵏ ⵜⴻⵕⵎⵉⵙⵉⵏ (ⵛⴰⵔⵉⴽⴰⵜ) ⵜⵉⴱⴻⵕⵕⴰⵏⵉⵢⵉⵏ ⴷⴻⴳ ⵡⴻⵃⵔⵉⵛ ⵏ ⵡⴻⵖⵔⴰⴼ (ⵚⵉⵏⴰⵄⴰ) ⵏ ⵢⵉⴱⴻⵃⵏⴰⵇ ⴷ ⵡⴰⵢⴻⵏ ⵢⴻⵇⵇⵏⴻⵏ ⵖⴻⵔ-ⵙⴻⵏⵜ, ⵉⵎⵉ ⵉⴽⴰⵜⴰⵔⴻⵏ ⵉⵖⴻⵍⵏⴰⵡⴻⵏ ⴰⴷ ⴷ-ⵉⴽⴻⵙⴱⴻⵏ ⵜⵜⴻⵊⵕⵉⴱⴰ-ⴰ « ⴰⴷ ⴷ-ⵙⵙⵉⵍⵖⴻⵏ ⵉⵍⴻⵎⵥⵉⵢⴻⵏ ⴷⴻⴳ ⵚⵚⴻⵏⵄⴰⵜ ⵢⴻⵇⵇⵏⴻⵏ ⵖⴻⵔ ⵛⵛⵖⴻⵍ ⵏ ⵜⴻⵕⵎⵉⵙⵜ ⵏ ⵜⵉⵏⴷⴰⵍ ».
ⴷⴻⴳ ⵡⴰⵎⵎⴰⵙ ⵏ ⵓⵚⴻⴳⴳⴻⵎ ⵏ ⵜⵜⴰⵡⵉⵍ ⵏ ⵜⴻⵕⵎⵉⵙⵜ ⵏ ⵛⵧⵙⵉⴷⴻⵔ, ⴰⵏⴷⴰ ⴰⵢ ⵢⴻⵙⵙⴻⴼⵇⴻⴷ ⴰⵙⵙⵉⵍⴻⵖ ⴰⵢ ⵜⵜⴳⴻⵏ ⵉ ⵢⵉⵏⴻⵀⵀⴰⵕⴻⵏ ⵏ ⵢⴻⵎⵙⴰⵙⴰⵢⴻⵏ (ⵔⴰⴼⵉⵄⴰⵜ) ⴷ ⵜⵎⴰⵛⵉⵏⵉⵏ ⵏ ⵓⵙⵙⴻⵇⵄⴻⴷ ⵏ ⵡⴰⴽⴰⵍ, ⵢⴻⵙⵙⵓⵎⴻⵔ-ⴷ ⵉ ⵛⵧⵙⵉⴷⴻⵔ ⴰⴽⴽⴻⵏ ⴰⴷ ⵜⵅⴻⵎⵎⴻⵎ ⵖⴻⴼ ⵡⴻⵔⵥⴰⵎ ⵏ ⵡⴰⵎⵎⴰⵙⴻⵏ ⵏ ⵓⵙⵙⵉⵍⴻⵖ ⵉ ⵢⴻⵎⵙⵉⵍⵖⴻⵏ ⴷⴻⴳ ⵓⵥⴻⴹⴹⴰ-ⵏⵏⴻⵙ ⴰⵖⴻⵍⵏⴰⵡ ⴰⴽⴽⴻⵏ ⴰⴷ ⵜⵓⵖⴰⵍ ⵜⴻⵕⵎⵉⵙⵜ-ⴰ ⴰⴷ ⴷ-ⵜⴻⵜⵜⴰⴽⴼ ⵉⵎⵙⵉⵍⵖⴻⵏ ⵉ ⵢⵉⵖⴻⵔⴱⴰⵣⴻⵏ ⵏ ⵓⵙⵙⵉⵍⴻⵖ ⵏ ⵜⵎⵓⵔⵜ.
« ⵍⴻⵅⵚⴰⵚ ⵏ ⵢⵉⵏⴻⵀⵀⴰⵕⴻⵏ ⵏ ⵜⵎⴰⵛⵉⵏⵉⵏ ⵏ ⵢⵉⵛⴰⵏⵟⵉⵢⴻⵏ ⵏ ⵍⴻⴱⵏⵉ ⴷ ⵢⴻⴱⵔⵉⴷⴻⵏ ⵢⴻⵣⵎⴻⵔ ⴰⴷ ⵢⴻⴼⵔⵓ ⵙ ⵓⵙⵙⵉⵍⴻⵖ ⵏ ⵢⴻⵎⵙⵉⵍⵖⴻⵏ, ⵢⴻⵔⵏⵓ ⴰⵢⴰ ⴰⴷ ⵢⵉⵍⵉ ⴷ ⴰⵙⵓⵔⵉⴼ ⴰⵎⴻⵣⵡⴰⵔⵓ » ⵉ ⵡⴻⵙⵏⵓⵍⴼⵓ ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⴷⴻⴳ ⵡⴻⵃⵔⵉⵛ-ⴰ ⴰⵢⴷⴻⴳ ⵅⵓⵚⵚⴻⵏ ⵢⵉⵅⴻⴷⴷⴰⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵖⵍⴰⴼ.
ⴷⴻⴳ ⵜⴳⴻⵔⵎⴰⵏⵜ-ⵏⵏⴻⵙ (ⵎⵓⴷⴰⵅⴰⵍⴰ) ⵙⴷⴰⵜ ⵢⵉⵎⴰⵏⵓⵏⴻⵏ (ⵎⵓⵜⴰⵔⴰⴱⴱⵉⵚⵉⵏ) ⵏ ⵍⵍⵓⵣⵉⵏ ⵏ ⵓⵙⵉⵎⴰⵏ ⵏ ⵍⴰⴼⴰⵔⴳⴻ ⴷⴻⴳ ⵃⴻⵎⵎⴰⵎ ⴷⴻⵍⵍⴰⵄ, ⵉⵃⴻⵜⵜⴻⵜ-ⴷ ⵎⴰⵙⵙ ⵎⴻⴱⴰⵔⴽⵉ ⵖⴻⴼ ⵓⵙⵙⴻⵣⴳⵉ ⵏ ⵓⵙⵙⵉⵍⴻⵖ ⴰⴽⴽⴻⵏ ⴰⴷ ⵉⵡⴰⵜⵉ ⵚⵚⴻⵏⵄⴰⵜ ⴰⵢ ⵜⴻⵃⵡⴰⴵ ⵢⴰⵍ ⵜⴰⵎⵏⴰⴹⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴷⴰⴽⴽⴻⵏ ⴰⵙⵙⵉⵍⴻⵖ ⵙ ⵜⴰⵏⵏⴰⵏⵜ ⴷ « ⴰⵊⴳⵓ ⵏ ⵡⴻⵄⵔⵓⵔ » ⵏ ⵡⴻⵃⵔⵉⵛ ⵏ ⵓⵙⵙⵉⵍⴻⵖ.
