ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⴻⴱⴷⴰ ⵓⵙⴻⵏⴼⴰⵔ ⵏ ⵍⴻⴱⵏⵉ ⵏ ⵍⵍⵓⵣⵉⵏ ⵏ ⵓⵙⵉⵎⴰⵏ ⵏ ⵙⵉⴳⵓⵙ (ⵓⵎ ⵍⴻⴱⵡⴰⵇⵉ)

ⵓⵎ ⵍⴻⴱⵡⴰⵇⵉ – ⵢⴻⵏⵏⴰ-ⴷ ⵓⵏⴻⵎⵀⴰⵍ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴷ ⵍⵎⵉⵏⴰⵜ, ⵢⴰⵣⵉⴷ ⴽⵧⵓⴰⵀ, ⴰⵙⵙ ⵏ ⵍⴻⵜⵏⵉⵢⴻⵏ, ⴷⴰⴽⴽⴻⵏ ⵢⴻⴱⴷⴰ ⵓⵙⴻⵏⴼⴰⵔ ⵏ ⵍⴻⴱⵏⵉ ⵏ ⵍⵍⵓⵣⵉⵏ ⵜⴰⵎⴰⵢⵏⵓⵜ ⵏ ⵓⵙⵉⵎⴰⵏ ⵏ ⵜⵖⵉⵡⴰⵏⵜ ⵏ ⵙⵉⴳⵓⵙ ⴷ-ⵢⵓⵙⴰⵏ 50 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ-ⵓⵜⵔⵉⵎ (ⵛⴰⵎⴰⵍ ⵖⴰⵔⴱ) ⵏ ⵓⵎ ⵍⴻⴱⵡⴰⵇⵉ.

ⵍⵍⵓⵣⵉⵏ-ⴰ ⴰⴷ ⵜⴻⵜⵜⵡⴻⴱⵏⵓ ⴷⴻⴳ ⵡⴰⴽⴰⵍ ⵏ 102 ⵏ ⵢⵉⵇⴻⵟⵟⴰⵔⴻⵏ, ⴰⴷ ⵜⴻⵙⵄⵓ ⵜⵉⴳⴳⵜⵉⵏ (ⵡⴰⵃⴰⴷⴰⵜ) ⵏ ⵓⴼⴰⵔⴻⵙ, ⵜⵉⵎⵚⵓⴽⵉⵏ ⵜⵉⵎⵙⴻⵏⵣⵉⵢⵉⵏ ⴷ ⵜⴻⵎⵚⵓⴽⵉⵏ ⵜⵉⴷⴻⴱⵍⴰⵏⵉⵏ, ⴰⵎ ⵡⴰⴽⴽⴻⵏ ⴰⴷ ⵜⴻⵙⵄⵓ ⴰⵣⴰⴷⵓⵔ ⵏ ⵜⵏⴻⵣⴷⵓⵖⵜ ⵏ ⵢⵉⵅⴻⴷⴷⴰⵎⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ).

ⵍⴻⴱⵏⵉ ⵏ ⵍⵍⵓⵣⵉⵏ-ⴰ ⴰⴷ ⴷ-ⵢⴻⵙⵇⴰⵎ 40 ⵏ ⵢⵉⵎⴻⵍⵢⴰⵕⴻⵏ ⵏ ⵢⵉⴷⵉⵏⴰⵕⴻⵏ ⴷ 450 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ ⵉ ⵜⴻⴳⵔⴰⵡⵜ ⵜⴰⵎⴳⵓⵔⴰⵏⵜ ⵏ ⵢⵉⵙⵉⵎⴰⵏⴻⵏ ⵏ ⵍⴻⵣⵣⴰⵢⴻⵔ (ⴳⵉⵛⴰ) ⴰⴷ ⵜⵜ-ⵉⵖⴻⵍⵍⵜⴻⵏ, ⵢⴻⵔⵏⵓ ⴰⴷ ⵜⵓⵖⴰⵍ ⴰⴷ ⴷ-ⵜⴻⵜⵜⴰⴽⴼ 2 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵟⵓⵏⴻⵏ ⵏ ⵓⵙⵉⵎⴰⵏ ⵉ ⵓⵙⴻⴳⴳⴰⵙ, ⴰⵎ ⵡⴰⴽⴽⴻⵏ ⴰⴷ ⵜⴻⵜⵜⴻⴽⴽⵉ ⴷⴻⴳ ⵓⵙⵙⴻⵕⵡⵓ ⵏ ⵙⵙⵓⵇ ⵏ ⵓⵙⵉⵎⴰⵏ ⴷⴻⴳ ⵍⴻⵣⵣⴰⵢⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵜⴻⵎⴳⵓⵔⵉ ⴷ ⵍⵎⵉⵏⴰⵜ.

ⵍⵍⵓⵣⵉⵏ-ⴰ ⴰⴷ ⵜⴻⵙⵙⴻⵊⵀⴻⴷ ⴷⴰⵖ ⵜⴰⴷⴰⵎⵙⴰ ⵏ ⵜⵖⵉⵡⴰⵏⵜ ⵏ ⵙⵉⴳⵓⵙ ⵙ ⵡⴻⵙⵏⵓⵍⴼⵓ ⵏ 450 ⵏ ⵢⵉⵎⵓⴽⴰⵏ ⵏ ⵓⵅⴻⴷⴷⵉⵎ ⵓⵙⵔⵉⴷ ⴷ 2500 ⵏ ⵢⵉⵅⴻⴷⴷⵉⵎⴻⵏ ⵉⵔⵓⵙⵔⵉⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵓⵎⴰⵙⴰⵢ-ⴰ.