Asebter amenzawi

Yebda usenfar n lebni n lluzin n usiman n Sigus (Um Lebwaqi)

UM LEBWAQI – Yenna-d unemhal n temguri (ṣinaɛa) d lminat, Yazid Kouah, ass n letniyen, dakken yebda usenfar n lebni n lluzin tamaynut n usiman n tɣiwant n Sigus d-yusan 50 n yikilumitren deg ugafa-utrim (camal ɣarb) n Um Lebwaqi.

Lluzin-a ad tettwebnu deg wakal n 102 n yiqeṭṭaren, ad tesɛu tiggtin (waḥadat) n ufares, timṣukin timsenziyin d temṣukin tideblanin, am wakken ad tesɛu azadur n tnezduɣt n yixeddamen, ɣef wakken ay d-yenna umasay-a (mas’ul).

Lebni n lluzin-a ad d-yesqam 40 n yimelyaṛen n yidinaṛen d 450 n yimelyunen n wuṛuten i Tegrawt Tamgurant n Yisimanen n Lezzayer (Gica) ad tt-iɣellten, yernu ad tuɣal ad d-tettakf 2 n yimelyunen n yiṭunen n usiman i useggas, am wakken ad tettekki deg usseṛwu n ssuq n usiman deg Lezzayer, ɣef wakken ay d-yenna unemhal n temguri d lminat.

Lluzin-a ad tessejhed daɣ tadamsa n tɣiwant n Sigus s wesnulfu n 450 n yimukan n uxeddim usrid d 2500 n yixeddimen irusriden, ɣef wakken ay d-iwekked umasay-a.