ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵣⵉ ⵡⴻⵣⵣⵓ: ⵜⴰⵎⴻⵜⵜⴰⵏⵜ ⵏ ⵓⵎⴰⵔⵓ ⵛⵀⴰⴱⴰⵏⴻ ⵧⵓⴰⵀⵉⵧⵓⵏⴻ

ⵜⵉⵣⵉ ⵡⴻⵣⵣⵓ - ⵢⴻⵡⵡⴻⴹ ⵍⴻⵄⴼⵓ ⵏ ⵕⴻⴱⴱⵉ ⵓⵎⴰⵔⵓ ⴰⴷⵣⴰⵢⵔⵉ ⵛⵀⴰⴱⴰⵏⴻ ⵧⵓⴰⵀⵉⵧⵓⵏⴻ ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ ⴷⴻⴳ ⵢⴻⵖⵔⴻⵎ ⵏ ⵜⴰⵙⴰⴼⵜ ⵏ ⵓⴳⴻⵎⵎⵓⵏ (ⵜⵉⵣⵉ ⵡⴻⵣⵣⵓ) ⵖⴻⵔ 94 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⵏⴻⵎⵀⴰⵍⵜ ⵜⴰⴷⵉⴳⴰⵏⵜ (ⵎⴰⵃⴰⵍⵍⵉⵢⵢⴰ) ⵏ ⵢⴻⴷⵍⴻⵙ, ⵏⴰⴱⵉⵍⴰ ⴳⵧⵓⵎⴻⵣⵉⴰⵏⴻ.

ⵛⵀⴰⴱⴰⵏⴻ ⵧⵓⴰⵀⵉⵧⵓⵏⴻ ⵉⵍⵓⵍ ⴰⵙⵙ ⵏ 22 ⵢⴻⴱⵔⵉⵔ 1922 ⴷⴻⴳ ⵜⴰⵙⴰⴼⵜ ⵏ ⵓⴳⴻⵎⵎⵓⵏ. ⵢⴻⵖⵔⴰ ⵍⵇⴰⵏⵓⵏ ⵢⴻⵔⵏⵓ ⵢⴻⵍⵍⴰ ⴷ ⴰⴱⵓⴳⴰⵟⵓ. ⵢⵓⵔⴰ-ⴷ 8 ⵏ ⵡⵓⵏⴳⴰⵍⴻⵏ ⵖⴻⴼ ⵜⵎⵓⵔⵜ ⵏ ⵍⴻⵇⴱⴰⵢⴻⵍ, ⴳⴰⵔ-ⴰⵙⴻⵏ « ⴰⵅⵅⴰⵎ ⵏ ⴹⴹⴻⵔⴼ ⵏ ⵜⵎⴰⵣⵉⵔⵜ » ⴰⵏⴷⴰ ⴰⵢ ⴷ-ⵢⴻⵃⴽⴰ ⵖⴻⴼ ⵜⵎⴻⴷⴷⵓⵔⵜ ⴷⴻⴳ ⵢⴻⵖⵔⴻⵎ-ⵏⵏⴻⵙ ⵏ ⵜⴰⵙⴰⴼⵜ ⴷⴻⴳ ⵜⴰⵍⵍⵉⵜ ⵏ ⵓⵙⵙⴻⵀⵔⴻⵙ (ⵉⵙⵜⵉⵄⵎⴰⵔ), « ⵜⵉⴼⴻⵔⵣⵉⵣⵡⵉⵜ » ⴰⵢⴷⴻⴳ ⴷ-ⵢⴻⵔⵔⴰ ⵜⴰⵊⵎⵉⵍⵜ ⵉ ⵡⴻⴷⵔⴰⵔ ⵏ ⴵⴻⵕⴵⴻⵕ, « ⴳⴰⵔ ⵜⵖⴰⵍⵍⵜⵉⵏ ⵓⵔ ⵢⴻⵜⵜⵡⴻⵔⵏⴰⵏ », « ⴰⴹⴹⴰⵏ-ⴰ ⵢⴻⴹⴹⴼⴻⵏ ⵍⴻⵇⵔⵓⵏ », « ⵉⴱⵔⵉⴷⴻⵏ ⵢⴻⵔⵖⴰⵏ » ⴷ « ⵢⵉⴳⵉⴷⴻⵔ ⵏ ⵜⴻⵥⵔⵓⵜ », ⵓⵏⴳⴰⵍ-ⵏⵏⴻⵙ ⴰⵏⴻⴳⴳⴰⵔⵓ ⴰⵢ ⴷ-ⵢⵓⵔⴰ ⵖⴻⵔ 89 ⵏ ⵢⵉⵙⴻⴳⴳⴰⵙⴻⵏ.

ⵢⴻⴱⴷⴰ ⵜⵉⵔⴰⵡⵜ ⵏ ⵡⵓⵏⴳⴰⵍⴻⵏ ⴷⴻⴳ 1946, ⴰⵙⵎⵉ ⴰⵢ ⵢⴻⵎⵍⴰⵍ ⴷ ⵎⵧⵓⵍⵧⵓⴷ ⵎⴰⵎⵎⴻⵔⵉ. ⴷⴷⴰ ⵛⴻⵄⴱⴰⵏ ⵢⵓⵖⴰⵍ, ⵙⴰⴽⴽⵉⵏ, ⴷ ⵉⵎⵙⴻⵖⵜⵓ (ⵎⵓⵚⴰⵃⵃⵉⵜà ⴷⴻⴳ ⵜⴻⵥⵔⵉⴳⵉⵏ ⵏ ⵜⴻⵕⵎⵉⵙⵜ ⵜⴰⵖⴻⵍⵏⴰⵡⵜ ⵏ ⵡⴻⵥⵔⴰⴳ ⴷ ⵡⴻⵙⵏⴻⵣⵡⵉ.

ⵎⵉ ⴰⵙ-ⵏⴻⵖⵔⴰ ⵉ ⵎⴰⵙⵙⴰ ⴳⵧⵓⵎⴻⵣⵉⴰⵏⴻ ⵖⴻⴼ ⵜⴻⵎⵙⴰⵍⵜ ⵏ ⵜⵎⴻⵜⵜⴰⵏⵜ-ⵏⵏⴻⵙ, ⵜⵄⴻⵣⵣⴰ-ⴷ ⵉⵎⴰⵡⵍⴰⵏ ⵏ ⵓⵎⴻⵕⵃⵓⵎ ⴷ ⵢⵉⵎⴻⴷⴷⵓⴽⴰⵍ-ⵏⵏⴻⵙ, ⵢⴻⵔⵏⵓ ⵜⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⴻⵜⵜⴰⵏⵜ ⵏ ⵡⴻⵎⴷⴰⵏ-ⴰ ⵢⴻⵙⵕⵓⵃ-ⴰⵖ ⵢⵉⵡⴻⵏ ⵙⴻⴳ ⵢⵉⵙⵎⴰⵡⴻⵏ ⵉⵎⴻⵇⵔⴰⵏⴻⵏ ⵏ ⵜⵙⴻⴽⵍⴰ ⵜⴰⴷⵣⴰⵢⵔⵉⵜ.

ⴷⵖⴰ ⵙ ⵢⵉⵎⴻⵟⵟⴰⵡⴻⵏ ⴰⵢ ⴰⵖ-ⴷ-ⵜⴻⵏⵏⴰ ⴷⴰⴽⴽⴻⵏ « ⵉⴳⵉⴷⴻⵔ ⵢⴻⴵⴵⴰ ⵜⴰⵥⵔⵓⵜ-ⵉⵙ, ⵢⵓⴼⴻⴳ, ⵢⵓⵖⴰⵍ ⵖⴻⵔ ⴱⴰⴱ-ⵉⵙ ».

ⴰⴷ ⴰⵙ-ⵔⵔⴻⵏ ⵜⴰⵊⵎⵉⵍⵜ ⵎⴻⵖⵖⵔⴻⵏ ⵉ ⵛⵀⴰⴱⴰⵏⴻ ⵧⵓⴰⵀⵉⵧⵓⵏⴻ ⵙ ⵢⵉⵡⴻⵜ ⵏ ⵜⵣⵉⴽⴽⴻⵏⵜ ⵖⴻⴼ ⵓⵅⴻⴷⴷⵉⵎ ⴷ ⵓⵎⴻⵛⵡⴰⵕ-ⵏⵏⴻⵙ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵡⴻⵅⵅⴰⵎ ⵏ ⵢⴻⴷⵍⴻⵙ ⵏ ⵎⵧⵓⵍⵧⵓⴷ ⵎⴰⵎⵎⴻⵔⵉ, ⴷⴻⴳ ⵜⵉⵣⵉ ⵡⴻⵣⵣⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵎⵀⴰⵍⵜ ⵏ ⵢⴻⴷⵍⴻⵙ.

ⴰⵙⵙ ⵏ ⵍⵊⴻⵎⵄⴰ, ⵔⵔⴰⵏ-ⴰⵙ ⵜⴰⵊⵎⵉⵍⵜ ⴷⴻⴳ ⵢⴻⵖⵔⴻⵎ-ⵏⵏⴻⵙ ⵏ ⵜⴰⵙⴰⴼⵜ ⵏ ⵓⴳⴻⵎⵎⵓⵏ (ⵜⴰⵖⵉⵡⴰⵏⵜ ⵏ ⵢⵉⴱⵓⴷⵔⴰⵔⴻⵏ), ⵎⴰⵛⴰ ⵓⵔ ⵢⴻⵙⵙⴰⵡⴻⴹ ⴰⴷ ⵢⴻⵃⴷⴻⵕ ⴷⴻⴳ-ⵙ ⵉⵎⵉ ⴰⵢ ⵢⴻⵍⵍⴰ ⴷ ⴰⵎⵓⴹⵉⵏ ⴷⴻⴳ ⵡⵓⵙⵓ.