ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴳⴰⵍⵎⴰ: ⵜⵓⴽⵛⵉ ⵏ ⵜⵙⵓⵔⴰ ⵏ 390 ⵏ ⵜⵏⴻⵣⴷⵓⵖⵉⵏ ⴷⴻⴳ 4 ⵏ ⵜⵖⵉⵡⴰⵏⵉⵏ

ⴳⴰⵍⵎⴰ – ⵢⴻⴱⴷⴰ-ⴷ ⵡⴻⴼⵔⴰⵇ ⵏ ⵜⵙⵓⵔⴰ ⵏ 390 ⵏ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵙ ⵓⵙⵙⴻⵏⵣⵉ ⵙ ⵍⴻⴽⵔⴰ (ⵍⵒⵍ) ⴷⴻⴳ 4 ⵏ ⵜⵖⵉⵡⴰⵏⵉⵏ ⵏ ⴳⴰⵍⵎⴰ ⴰⵙⵙ ⵏ ⵍⴻⵜⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵡⴰⵍⴰ.

ⵢⴻⴱⴷⴰ ⵡⴻⴼⵔⴰⵇ-ⴰ ⵉ ⵍⴼⴰⵢⴷⴰ ⵏ 28 ⵏ ⵢⵉⵎⴻⵙⴼⴰⵢⴷⵉⵢⴻⵏ ⵏ ⵜⵖⵉⵡⴰⵏⵉⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴷⴻⴳ ⵢⵉⵡⴻⵜ ⵏ ⵜⴼⵓⴳⵍⴰ ⴰⵢ ⵜⴻⵙⵙⴻⵍⵡⵉ ⵜⵡⴰⵍⵉⵜ ⵏ ⴳⴰⵍⵎⴰ, ⵎⴰⵙⵙⴰ ⴼⴰⵜⵉⵎⴰ ⵣⵧⵀⵔⴰ ⵔⴰⵉⵙ, ⴷⴻⴳ ⵓⵖⴰⵔⴰⵎ (ⵃⴰⵢⵢ) ⴰⵎⴰⵢⵏⵓ ⵏ ⵜⵖⵉⵡⴰⵏⵜ ⵏ ⴱⵧⵓⵎⴻⵀⵔⴰ ⴰⵀⵎⴻⴷ ⴷ-ⵢⵓⵙⴰⵏ 6 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵡⴻⴳⵎⵓⴹ (ⵛⴰⵔⵇ) ⵏ ⴳⴰⵍⵎⴰ.

ⵜⴰⴼⵓⴳⵍⴰ-ⴰ (ⵃⴰⴼⵍ) ⵏ ⵡⴻⴼⵔⴰⵇ ⵏ ⵜⵙⵓⵔⴰ ⵃⴻⴷⵕⴻⵏⵜ ⴷⴻⴳ-ⵙ ⵜⵡⴰⵛⵓⵍⵉⵏ ⵏ ⵢⵉⵎⴻⵙⴼⴰⵢⴷⵉⵢⴻⵏ ⵢⴻⵙⵄⴰⵏ ⵍⴻⵕⵢⵓⵢ ⵏ ⵓⵃⴰⵣⵉ ⵏ ⵜⵏⴻⵣⴷⵓⵖⵜ.

ⴰⴼⵔⴰⵇ-ⴰ ⵢⴻⵔⵣⴰ 200 ⵏ ⵜⵏⴻⵣⴷⵓⵖⵉⵏ ⴷⴻⴳ ⵜⵖⵉⵡⴰⵏⵜ ⵏ ⴳⴰⵍⵎⴰ, 112 ⴷⴻⴳ ⴱⵧⵓⵎⴻⵀⵔⴰ ⴰⵀⵎⴻⴷ, 50 ⴷⴻⴳ ⵜⵖⵉⵡⴰⵏⵜ ⵏ ⵎⴵⴻⵣⵣ ⵚⵚⴼⴰ ⴷ 28 ⵏ ⵜⵖⵉⵡⴰⵏⵉⵏ ⴷⴻⴳ ⵜⵖⵉⵡⴰⵏⵜ ⵏ ⵄⵉⵏ ⵔⴻⴳⴳⴰⴷⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⴰⵎⴰⵜⵓ ⵏ ⵓⴷⵉⵡⴰⵏ ⵏ ⵡⴻⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ (ⵧⵒⴳⵉ), ⵎⴰⵙⵙ ⵜⴰⵀⴻⵔ ⵣⵉⴰⵏⵉ.

ⵙⴻⴳ ⵜⴳⴰⵔⴰ ⵏ 2015 ⴰⵔ ⴰⵙⵙ-ⴰ, ⵜⵜⵡⴰⴼⴻⵔⵇⴻⵏⵜ 1710 ⵏ ⵜⵙⵓⵔⴰ ⵏ ⵜⵏⴻⵣⴷⵓⵖⵜ ⵜⴰⵏⴰⴳⴷⵓⴷⵜ ⵏ ⵓⵙⵙⴻⵏⵣⵉ ⵙ ⵍⴻⴽⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵎⴰⵣⴰⵍ ⴰⴷ ⵔⵏⵓⵏⵜ ⵜⵜⵡⴰⴼⴻⵔⵇⴻⵏⵜ 2066 ⵏ ⵜⵏⴻⵣⴷⵓⵖⵉⵏ ⵏⵉⴹⴻⵏ ⴷⴻⴳ ⵜⵖⵉⵡⴰⵏⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ-ⴰ ⴷⴻⴳ ⵡⴰⵢⵢⵓⵔⴻⵏ ⴰⵢ ⴷ-ⵢⴻⵜⵜⴻⴷⴷⵓⵏ.

ⵎⴰ ⴷ ⵜⴰⵡⴰⵍⵉⵜ ⵏ ⴳⴰⵍⵎⴰ, ⵎⴰⵙⵙⴰ ⵔⴰⵉⵙ, ⵜⵄⵓⵀⴻⴷ ⴷⴰⴽⴽⴻⵏ ⴰⴷ ⵜⴽⴻⵎⵎⴻⵍ ⴰⴼⵔⴰⵇ ⵏ ⵜⵙⵓⵔⴰ ⵉ ⵡⴰⴽⴽ ⵉⵎⴻⵙⴼⴰⵢⴷⵉⵢⴻⵏ ⵏ ⵜⵏⴻⵣⴷⵓⵖⵜ ⵜⴰⵏⵎⴻⵜⵜⵉⵜ (ⵉⴵⵜⵉⵎⴰⵄⵉⵢⵢⴰ) ⵢⴻⵔⵏⵓ ⴰⴷ ⵜⴼⴰⴽ ⵛⵛⵖⴻⵍ-ⴰ ⵓⵇⴱⴻⵍ ⵜⴳⴰⵔⴰ ⵏ ⵡⴻⵣⴳⴻⵏ ⴰⵎⴻⵣⵡⴰⵔⵓ ⵏ 2016.