Asebter amenzawi

Galma: tukci n tsura n 390 n tnezduɣin deg 4 n tɣiwanin

GALMA – Yebda-d wefraq n tsura n 390 n tnezduɣin tinagdudin s ussenzi s lekra (LPL) deg 4 n tɣiwanin n Galma ass n letniyen, ɣef wakken ay d-nwala.

Yebda wefraq-a i lfayda n 28 n yimesfaydiyen n tɣiwanin ay terza temsalt deg yiwet n tfugla ay tesselwi twalit n Galma, Massa Fatima Zohra Rais, deg uɣaram (ḥayy) amaynu n tɣiwant n Boumehra Ahmed d-yusan 6 n yikilumitren deg wegmuḍ (carq) n Galma.

Tafugla-a (ḥafl) n wefraq n tsura ḥedṛent deg-s twaculin n yimesfaydiyen yesɛan leṛyuy n uḥazi n tnezduɣt.

Afraq-a yerza 200 n tnezduɣin deg tɣiwant n Galma, 112 deg Boumehra Ahmed, 50 deg tɣiwant n Mǧezz Ṣṣfa d 28 n tɣiwanin deg tɣiwant n Ɛin Reggada, ɣef wakken ay d-yenna unemhal amatu n Udiwan n Wesmal d Ussefrek Aṣukan (OPGI), Mass Taher Ziani.

Seg tgara n 2015 ar ass-a, ttwaferqent 1710 n tsura n tnezduɣt tanagdudt n ussenzi s lekra, ɣef wakken ay d-yenna umasay-a (mas’ul) ay d-yernan dakken mazal ad rnunt ttwaferqent 2066 n tnezduɣin niḍen deg tɣiwanin yemgerraden n twilayt-a deg wayyuren ay d-yetteddun.

Ma d tawalit n Galma, Massa Rais, tɛuhed dakken ad tkemmel afraq n tsura i wakk imesfaydiyen n tnezduɣt tanmettit (iǧtimaɛiyya) yernu ad tfak ccɣel-a uqbel tgara n wezgen amezwaru n 2016.