Asebter amenzawi
Tunes akked Lezzayer mmezgent-d ɣef wakken, yessefk ad tili yiwet n tifrat tasertant i liḥala deg Libya
LEZZAYER TAMANEɣT – Aselway n Ugraw n yigensasen n uɣref n Tegduda tatunsit, Mohamed Ennaceur yenna-d ass n ttlata deg tmaneɣt dakken tamurt-is akked Lezzayer mmezgent-d ɣef wakken yessefk ad tili yiwet n tifrat tasertant i liḥala deg Libya, yettwali dakken ‘’yiwen yiswi’’ i tecrek Lezzayer akked Tunes.
Deg yiwet tseɣrut i tɣamsa deg taggara n temlilit akked uneɣlaf n Uwanek, aneɣlaf n Tɣawsiwin n berra akked umedhel agraɣlan, Ramtane Lamamra, Mass Ennaceur yenna-d dakken ‘’amciwer yerza tuttriwin n lfayda tucrik ula d amennuɣ mgal taremɣa akked liḥala deg temnaḍt dɣa deg tmurt n Libya.
Amasay atunsi iderrer-d dakken dakken ‘’Tunes tedda akked unabaḍ n tdukli taɣelnawt n Libya akked lmeǧhud yerzan tifin n tifrat tasertant s useqreb n tmuɣliwin n yeḥricen ilibiyen’’, yerna yenna-d aya d ’’yiwen n yiswi tecrek Lezzayer akked Tunes’’.
