Asebter amenzawi

Aneɣlaf n welmud imineg yemmuger amesɣiwan n Milano

LEZZAYER TAMANEɣT – Yemmuger uneɣlaf n welmud imineg, Tahar Hadjar, ass n letniyen, amesɣiwan n Milano, Giuliano Pisapia ay d-igan tirzi n uxeddim ɣef Lezzayer.

« Yella-d wemtawa (ittifaq) n umenzay i ussebded n yiwet n tnemselt (warca) n uxeddim yemmuzzgen deg uɛawed n uṣeggem n lbenyanat isenzikanen s lemɛawna n yimazzagen iṭalyaniyen yellan d tamurt iẓewren deg wenrar-a », ɣef wakken ay d-yenna Mass Hadjar i tɣemsa deg tgara n wemyager-a.

« 49 n yemtawayen ay yettwastenyan gar tesdawiyin tiṭalyaniyin d tdzayriyin i wesmal (tarqiya) n wemɛawen deg wenrar n unadi ussnan », ɣef wakken ay d-yenna uneɣlaf, am wakken ay d-iwekked dakken llant « teɣlamin tuxliḍin n unadi gar snat-a n tmura ».

Yella-d daɣ wawal, deg wemyager-a, ɣef « wazal n wesmal n usselmed n tṭalyanit deg tesdawiyin tidzayriyin ».

Seg yidis-nnes , iwekked-d umesɣiwan n Milano ɣef wazal n « ussejhed n wemɛawen gar tesdawiyin tidzayriyin d tṭalyaniyin ladɣa deg wenrar n unadi ussnan d ussejhed n usselmed n yilemẓiyen ».