Asebter amenzawi

Lalman tɛewwel ad temɛawan d Lezzayer deg ussileɣ n yinelmaden d yikataren

LEZZAYER TAMANEɣT, – Iwekked-d wenmazul n uselway n wemni (barlaman) almani (Bundestag), Ulrich Sholer) ass n ttlata ɣef uɛewwel n Lalman akken ad temɛawan d Lezzayer deg ussileɣ (takwin) n yinelmaden d yikataren, am wakken ay d-yenna dakken yebɣa ccerḍ n tririt n yineɣlafen ɣef tuttriwin n yimazanen (nuwwab) idzayriyen ad yers deg tmenḍawt.

Deg yiwen n udiwenni ay iga d uselway n tegrawt tawamnit n tammidwa gar Lezzayer d Lalman, Ahmed Kharchi, yenna-d Mass Scholer dakken « Amni almani (Bundestag) iɛewwel ad yemɛawan d Lezzayer deg wenrar n ussileɣ n yinelmaden d yikataren (iṭarat) yernu yebɣa lemmer ad yettwasmenḍew ccerḍ n uḥettem n yineɣlafen akken ad d-rren ɣef tuttriwin n yimazanen idzayriyen yellan d ccerḍ iweɛṛen akken ad iɛeddi deg tmurt-nnes ».

Ma d Mass Kharchi yessawel d umasay-a (mas’ul) almani ɣef ucegger (muraǧaɛa) aneggaru n tmenḍawt tadzayrit am wakken ay d-iwekked dakken Lezzayer tessebded-d Aseqqamu Imineg i Tmeḍrit (cabab) i « wesduqqes n dduṛ n yilemẓiyen deg tmeddurt tasertant ».

Yessawel-d daɣ ɣef « tenwit (taɛdil) ay yettḥettimen ineɣlafen ad d-rren ɣef tuttriwin tinimiyin (cafawiyya) d tid yuran war ma ɛeḍḍlen », am wakken ay d-yenna dakken « aya yella-d i ussejhed n lecɣal n wemni ».

Seg yidis niḍen, iger-d Mass Kharchi tiɣri i « wesbuɣer (itra’) n wassaɣen iwamniyen gar Lezzayer d Lalman s wembaddel n terza d ttejṛibat i lmend n ussali n weswir n wassaɣen-a deg wakk inurar, ladɣa deg wid n tdamsa, taẓwert (ṭaqa) d temḥaddit ».