ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵎⵓⵜⴻⵏ 13 ⵢⴻⵔⵏⵓ ⵊⴻⵔⵃⴻⵏ 29 ⴷⴻⴳ ⵢⵉⵙⴻⴳⵡⴰ ⵏ ⵡⴻⴱⵔⵉⴷ ⴷⴻⴳ 24 ⵏ ⵜⵙⴰⵄⵜⵉⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, 6 ⵢⴻⴱⵔⵉⵔ 2016 – 13 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ ⵢⴻⵔⵏⵓ ⵊⴻⵔⵃⴻⵏ 29 ⴷⴻⴳ ⵢⵉⵙⴻⵀⵡⴰ (ⵃⴰⵡⴰⴷⵉⵜ) ⵏ ⵡⴻⴱⵔⵉⴷ ⵢⴻⴹⵔⴰⵏ ⴷⴻⴳ 24 ⵏ ⵜⵙⴰⵄⵜⵉⵏ ⵜⵉⵏⴻⴳⴳⵓⵔⴰ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵎⵓⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ.

ⵜⴰⵛⵔⴰⵡⵜ (ⵃⴰⵚⵉⵍⴰ) ⵜⴰⵎⴻⵇⵔⴰⵏⵜ ⴰⴽⴽ ⵜⴻⵍⵍⴰ-ⴷ ⴷⴻⴳ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ ⴰⵏⴷⴰ 4 ⵏ ⵢⴻⵎⴷⴰⵏⴻⵏ ⴰⵢ ⵢⴻⵎⵎⵓⵜⴻⵏ, ⵢⴻⵊⵔⴻⵃ ⵢⵉⵡⴻⵏ, ⵎⵉ ⵎⵢⴻⵡⵡⴰⵜⴻⵏⵜ ⵙⵏⴰⵜ ⵏ ⵜⴽⴻⵕⵕⵓⵙⵉⵏ ⵜⵉⴼⴻⵙⵙⴰⵙⵉⵏ ⴷⴻⴳ ⵡⴻⴱⵔⵉⴷ ⴰⵖⴻⵍⵏⴰⵡ ⵡⵉⵙ 16 ⴷⴻⴳ ⵜⵖⵉⵡⴰⵏⵜ ⵏ ⴷⴱⵉⵍⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ.

ⴳⵔⴻⵏ-ⴷ ⵉⵎⴰⵏ-ⵏⵙⴻⵏ ⴷⴰⵖ ⵢⴻⵔⴳⴰⵣⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴰⴽⴽⴻⵏ ⴰⴷ ⵄⴰⵡⵏⴻⵏ ⴽⵔⴰ ⵏ ⵢⴻⵎⴷⴰⵏⴻⵏ ⵢⴻⵏⴹⴻⵔⵔⴻⵏ ⵙⴻⴳ ⵍⴳⴰⵣ ⵏ ⵓⵙⵙⴻⵃⵎⵓ ⵏ ⵡⴻⵅⵅⴰⵎ ⴷⴻⴳ ⵓⵖⴰⵔⴰⵎ (ⵃⴰⵢⵢ) ⵏ ⵎⵧⵀⴰⵎⴻⴷ-ⴳⴰⵛⴻⵎ, ⴷⴻⴳ ⵜⵖⵉⵡⴰⵏⵜ ⵏ ⵍⵎⴰⴷⴰⵏⴻⵢⵢⴰ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.

ⵉⵎⴻⴳⴳⵉⵢⴻⵏ ⵏ ⵓⵃⵓⴷⴷⵓ ⴰⵖⴰⵔⵉⵎ ⴽⴽⵙⴻⵏ ⴷⴰⵖ ⴰⵎⴰⵏ ⵏ ⵓⴳⴻⴼⴼⵓⵔ ⵙⴻⴳ ⴽⵔⴰ ⵏ ⵢⵉⵎⵓⴽⴰⵏ ⴰⵢⴷⴻⴳ ⴷ-ⵎⵙⴻⴳⵔⴰⵡⴻⵏ ⴷⴻⴳ ⵜⵡⵉⵍⴰⵢⵉⵏ ⵏ ⵜⵍⴻⵎⵙⴰⵏ ⴷ ⵄⵉⵏ ⵜⵉⵎⵓⵛⴻⵏⵜ.