ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵜⵎⴰⵛⴰⵀⵓⵜ ⵏ « ⴰⴱⴷⴻⵍⵀⴰⵎⵉⴷ ⴱⴻⵏⵀⴰⴷⵧⵓⴳⴰ » ⴰⴷ ⴷ-ⵜⵓⵖⴰⵍ ⴷⴻⴳ ⵏⵡⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⵓⵏ

ⵍⴱⵓⵕⵊ ⴱⵓⵄⵕⵉⵕⵉⵊ – ⵜⴰⴼⴰⵙⴽⴰ ⵜⴰⴳⵔⴰⵖⵍⴰⵏⵜ ⵏ ⵜⵎⴰⵛⴰⵀⵓⵜ ⵏ « ⴰⴱⴷⴻⵍⵀⴰⵎⵉⴷ ⴱⴻⵏⵀⴰⴷⵧⵓⴳⴰ » ⴰⴷ ⴷ-ⵜⵓⵖⴰⵍ ⴷⴻⴳ ⵏⵡⴻⵎⴱⴻⵕ ⴰⵢ ⴷ-ⵢⴻⵜⵜⴻⴷⴷⵓⵏ ⵖⴻⵔ ⵜⴻⵎⴷⵉⵏⵜ ⵏ ⵍⴱⵓⵕⵊ ⴱⵓⵄⵕⵉⵕⵉⵊ ⴷⴻⴳ ⵜⴻⵥⵔⵉⴳⵜ-ⵏⵏⴻⵙ (ⵟⴰⴱⵄⴰ) ⵜⵉⵙ 15, ⴷⴻⴼⴼⵉⵔ ⵎⴰ ⵜⴻⵃⴱⴻⵙ 4 ⵏ ⵢⵉⵙⴻⴳⴳⴰⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵜⵜⵍⴰⵜⴰ, ⵓⵏⴻⵎⵀⴰⵍ ⴰⴷⴻⵍⵙⴰⵏ, ⵎⵉⵍⵧⵓⴷ ⴱⴻⵏⵀⴻⵏⵉⵛⵀⴻ.

ⵙⴻⴳ ⵎⴻⵍⵎⵉ ⴽⴰⵏ ⴰⵢ ⵢⴻⵇⴱⴻⵍ ⵡⴻⵖⵍⵉⴼ ⵏ ⵢⴻⴷⵍⴻⵙ ⴰⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵜⵜⵉⵄⴰⴷ-ⴰ ⴰⵙⴻⴽⵍⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴰⵢ ⴷ-ⵉⵡⴻⴽⴽⴷⴻⵏ ⴷⴰⴽⴽⴻⵏ ⵉⴷⵓⴱⴰ (ⵙⵓⵍⵓⵟⴰⵜ) ⵏ ⵍⴱⵓⵕⵊ ⴱⵓⵄⵕⵉⵕⵉⵊ ⵄⴻⵡⵡⵍⴻⵏⵜ ⴰⴷ ⵅⴻⴷⵎⴻⵏⵜ ⴰⴽⴽⴻⵏ ⴰⴷ ⴹⴻⵎⵏⴻⵏⵜ ⴰⴽⴽ ⵜⵉⴳⵏⴰⵜⵉⵏ ⵉⴳⴻⵔⵔⵣⴻⵏ ⵉ ⵓⵙⵙⴻⵔⴱⴻⵃ ⵏ ⵜⴻⵥⵔⵉⴳⵜ-ⴰ ⵜⵉⵙ 15 ⵏ ⵜⴼⴰⵙⴽⴰ.

ⴰⴷ ⵜⵜⴻⴽⴽⵉⵏ ⴷⴻⴳ ⵜⴼⴰⵙⴽⴰ-ⴰ ⴰⵟⴰⵙ ⵏ ⵢⵉⵎⵓⵔⴰ ⴷ ⵢⵉⵏⴰⵍⵍⴰⵙⴻⵏ ⵏ ⵜⵎⵓⵛⵓⵀⴰ ⵙⴻⴳ ⵡⴰⵛⵃⴰⵍ ⵏ ⵜⵎⵓⵔⴰ ⵜⴰⵄⵕⴰⴱⵉⵏ, ⵖⴻⵔ ⵢⵉⴷⵉⵙ ⵏ ⵢⴻⵙⴷⴰⵡⴰⵏⴻⵏ ⵉⴷⵣⴰⵢⵔⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵅⴻⴱⴱⵔⴻⵏ.

ⴰⴷ ⴷ-ⵉⵍⵉⵏⵜ ⴷⴰⵖ ⵜⵣⵉⴽⴽⵏⵉⵏ ⵏ ⵜⵥⵓⵔⵉ ⵖⴻⴼ ⵜⵎⴻⴷⴷⵓⵔⵜ ⴷ ⵓⵅⴻⴷⴷⵉⵎ ⵏ ⵓⵎⴰⵔⵓ ⴰⵎⴻⵕⵃⵓⵎ ⴰⴱⴷⴻⵍⵀⴰⵎⵉⴷ ⴱⴻⵏⵀⴰⴷⵧⵓⴳⴰ ⴷⴻⴳ ⵜⴻⵥⵔⵉⴳⵜ-ⴰ ⵜⵉⵙ 15 ⵏ ⵜⴼⴰⵙⴽⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⵓⵏⴻⵎⵀⴰⵍ ⵏ ⵢⴻⴷⵍⴻⵙ.

ⴰⴱⴷⴻⵍⵀⴰⵎⵉⴷ ⴱⴻⵏⵀⴰⴷⵧⵓⴳⴰ (1925-1996) ⴷ ⵢⵉⵡⴻⵏ ⵙⴻⴳ ⵢⵉⵎⵓⵔⴰ ⵉⵎⴻⵇⵔⴰⵏⴻⵏ ⴰⴽⴽ ⵏ ⵍⴷⵣⴰⵢⴻⵔ, ⴷ ⵢⵉⵡⴻⵏ ⵙⴻⴳ ⵢⵉⵖⴼⴰⵡⴻⵏ ⵏ ⵜⵙⴻⴽⵍⴰ ⵏ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴷⴻⴳ ⵍⴷⵣⴰⵢⴻⵔ, ⵢⵓⵔⴰ-ⴷ ⴰⵎⵎⵓⴷⴻⵏ ⵏ ⵜⵓⵍⵍⵉⵙⵉⵏ, ⴰⵎⵎⵓⴷⴻⵏ ⵏ ⵢⵉⵙⴻⴼⵔⴰ ⴷ ⵡⴰⵛⵃⴰⵍ ⵏ ⵡⵓⵏⴳⴰⵍⴻⵏ, ⴳⴰⵔ-ⴰⵙⴻⵏ « ⴰⴹⵓ ⵏ ⵡⴻⵏⵥⵓⵍ » ⴰⵢ ⴷ-ⵢⴻⵜⵜⵡⴰⵙⵙⴻⵣⴳⴻⵏ ⴷ ⴰⵙⴰⵔⵓ.