Asebter amenzawi

Tafaska tagraɣlant n tmacahut n « Abdelhamid Benhadouga » ad d-tuɣal deg Nwembeṛ ay d-yettedun

LBUṚJ BUƐṚIṚIJ – Tafaska tagraɣlant n tmacahut n « Abdelhamid Benhadouga » ad d-tuɣal deg Nwembeṛ ay d-yetteddun ɣer temdint n Lbuṛj Buɛṛiṛij deg teẓrigt-nnes (ṭabɛa) tis 15, deffir ma teḥbes 4 n yiseggasen, ɣef wakken ay d-yenna, ass n ttlata, unemhal adelsan, Miloud Benheniche.

Seg melmi kan ay yeqbel weɣlif n yedles assuddes (tanḍim) n ttiɛad-a aseklan, ɣef wakken ay d-yenna umasay-a (mas’ul) ay d-iwekkden dakken iduba (suluṭat) n Lbuṛj Buɛṛiṛij ɛewwlent ad xedment akken ad ḍemnent akk tignatin igerrzen i usserbeḥ n teẓrigt-a tis 15 n tfaska.

Ad ttekkin deg tfaska-a aṭas n yimura d yinallasen n tmucuha seg wacḥal n tmura taɛṛabin, ɣer yidis n yesdawanen idzayriyen, ɣef wakken ay aɣ-d-xebbren.

Ad d-ilint daɣ tzikknin n tẓuri ɣef tmeddurt d uxeddim n umaru ameṛḥum Abdelhamid Benhadouga deg teẓrigt-a tis 15 n tfaska, ɣef wakken ay d-ixebber unemhal n yedles.

Abdelhamid Benhadouga (1925-1996) d yiwen seg yimura imeqranen akk n Ldzayer, d yiwen seg yiɣfawen n tsekla n tutlayt taɛṛabt deg Ldzayer, yura-d ammuden n tullisin, ammuden n yisefra d wacḥal n wungalen, gar-asen « Aḍu n Wenẓul » ay d-yettwassezgen d asaru.