ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵔⴽⴰⴹ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ: ⵜⵉⵖⵔⵉ ⵉ ⵎⵧⴳⵀⴻⵔⵉⵏⵉ ⴰⴽⴽⴻⵏ ⴰⴷ ⵜⴻⵃⵕⴻⵙ ⵎⴻⵕⵕⵓⴽ
ⴱⵔⵓⵅⴻⵍⵍⴻⵙ – ⵉⴳⴻⵔ-ⴷ ⵜⵉⵖⵔⵉ ⵓⵎⴰⵣⴰⵏ (ⵏⴰ’ⵉⴱ) ⵓⵕⵓⴼⵉ ⵊⵧⴰⵧ ⴼⴻⵔⵔⴻⵉⵔⴰ, ⴰⵙⵙ ⵏ ⵜⵜⵍⴰⵜⴰ, ⵉ ⵜⴳⴻⵏⵙⴰⵙⵜ ⵜⵓⵏⵏⵉⴳⵜ ⵏ ⵜⴷⵓⴽⵍⵉ ⵜⵓⵕⵓⴼⵉⵜ ⵉ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ, ⴼⴻⴷⴻⵔⵉⵛⴰ ⵎⵧⴳⵀⴻⵔⵉⵏⵉ, ⴰⴽⴽⴻⵏ ⴰⴷ ⵜⴻⵃⵕⴻⵙ ⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⴰⴽⴽⴻⵏ ⴰⴷ ⵇⴰⴷⵔⴻⵏ ⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵢⵉⴽⴰⵍⴻⵏ ⵢⴻⵜⵜⵡⴰⴹⴹⴼⴻⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷ ⵡⴻⵃⴱⴰⵙ ⵏ ⵡⴻⵎⵃⴰⵇ ⵏ ⵢⵉⵖⴰⵔⵉⵎⴻⵏ (ⵎⴰⴷⴰⵏⵉⵢⵢⵉⵏ) ⵉⵚⴻⵃⵔⴰⵡⵉⵢⴻⵏ.
ⴷⴻⴳ ⵢⵉⵡⴻⵜ ⵏ ⵜⵓⵜⵜⵔⴰ ⵢⵓⵔⴰⵏ ⴰⵢ ⵢⴻⵜⵜⵓⵏⴻⴼⴽⴻⵏ ⵉ ⵜⵏⴻⵖⵍⴰⴼⵜ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵏ ⵜⴷⵓⴽⵍⵉ ⵜⵓⵕⵓⴼⵉⵜ, ⵉⴳⴻⵔ-ⴷ ⴼⴻⵔⵔⴻⵉⵔⴰ ⵜⵉⵖⵔⵉ ⵉ ⵓⵙⵙⵉⴷⴻⴼ ⵏ ⵜⴻⵎⵙⴰⵍⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ ⴷⴻⴳ ⵡⴻⵎⵛⵉⵡⴻⵕ ⴰⴷⴻⵍⵙⴰⵏ ⵢⴻⵍⵍⴰⵏ ⴳⴰⵔ ⵜⵓⵕⵓⴼⵜ ⴷ ⵎⴻⵕⵕⵓⴽ ⵙ ⵓⵇⴰⴷⴻⵔ ⵏ ⵢⵉⵃⴻⵣⵣⵉⴱⴻⵏ ⵏ ⵡⴻⵎⵜⴰⵡⴰ (ⵉⵜⵜⵉⴼⴰⵇ) ⵏ ⵜⵉⴷⴷⵓⴽⵍⴰ ⴳⴰⵔ ⵙⵉⵏ-ⴰ ⵏ ⵢⵉⴷⵉⵙⴰⵏ.
ⴼⴻⵔⵔⴻⵉⵔⴰ ⵢⴻⵙⵎⴻⴽⵜⵉ-ⴷ ⴷⴰⴽⴽⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⴽⵛⴻⴼ ⵜⵉⴷⴷⵓⴽⵍⴰ ⵜⴰⵚⴻⵃⵔⴰⵡⵉⵜ ⵏ ⵢⵉⵣⴻⵔⴼⴰⵏ ⵏ ⵡⴻⵎⴷⴰⵏ, ⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⴰⵎⵏ) ⵉⵎⴻⵕⵕⵓⴽⵉⵢⴻⵏ « ⵎⴻⵃⵇⴻⵏ ⵙ ⵜⴻⴽⵔⵉⴹⵜ (ⵄⵓⵏⴼ) » ⵙⵏⴰⵜ ⵏ ⵜⵎⴻⵙⴱⴰⵏⵉⵢⵉⵏ ⵜⵉⵎⴻⵍⵡⵉⵢⵉⵏ ⴰⵢ ⴳⴰⵏ ⵢⵉⵎⴻⵣⴷⴰⵖⴻⵏ ⵉⵚⴻⵃⵔⴰⵡⵉⵢⴻⵏ ⴷⴻⴳ ⴱⵓⵊⴷⵓⵔ ⴰⴽⴽⴻⵏ ⴰⴷ ⴷ-ⵙⵙⵓⵜⵔⴻⵏ ⵜⴰⵎⴻⴷⴷⵓⵔⵜ ⵢⴻⵍⵀⴰⵏ, ⴰⵅⴻⴷⴷⵉⵎ ⴷ ⵓⴼⴰⴽⵉ ⵏ ⵜⵓⴹⴹⴼⴰ ⵜⴰⵎⴻⵕⵕⵓⴽⵉⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ.
« ⴷ ⵜⵉⵎⴻⵔⵡⵉⵏ (ⵄⴰⵛⴰⵔⴰⵜ) ⵏ ⵎⴻⴷⴷⴻⵏ ⴰⵢ ⵢⴻⵜⵜⵡⴰⵊⴻⵔⵃⴻⵏ ⴷⴻⴳ ⵢⵉⵡⴻⵜ ⵏ ⵜⵎⴻⵙⴱⴰⵏⵉⵜ ⵉ ⵓⵙⵙⵓⵜⴻⵔ ⵏ ⵓⵅⴻⴷⴷⵉⵎ, ⵜⴰⵎⴻⴷⴷⵓⵔⵜ ⵢⴻⵍⵀⴰⵏ ⴷ ⵓⴼⴰⴽⵉ ⵏ ⵜⵓⴹⴹⴼⴰ ⵏ ⵡⴰⴽⴰⵍ ⴷ ⵓⵖⴻⵍⵍⴻⵜ ⴰⵢ ⵜⴻⵜⵜⵖⴻⵍⵍⵉⵜ ⵎⴻⵕⵕⵓⴽ ⵜⵉⵖⴱⵓⵍⴰ (ⵎⴰⵡⴰⵔⵉⴷ) ⵜⵉⴳⴰⵎⴰⵏⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ ⴷⴻⴳ ⵡⴰⴽⵓⴷ ⴰⵢⴷⴻⴳ ⵉⵎⴻⵣⴷⴰⵖⴻⵏ ⵉⴷⵉⴳⴰⵏⴻⵏ ⴷⴷⵔⴻⵏ ⴷⴻⴳ ⵜⵍⴻⵇⵇⵉ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵖⴻⴼ ⵍⴻⵃⵙⴰⴱ ⵏ ⵓⵎⴰⵣⴰⵏ-ⴰ ⵓⵕⵓⴼⵉ, « ⴷⴻⴳ ⵜⵎⴻⵙⴱⴰⵏⵉⵜ-ⵏⵏⵉ ⵏⵉⴹⴻⵏ, ⴰⵢ ⵢⴻⵜⵜⵡⴰⵎⴻⵃⵇⴻⵏ ⵓⵍⴰ ⴷ ⵏⴻⵜⵜⴰⵜ ⵙ ⵜⴻⴽⵔⵉⴹⵜ, ⵉⵎⴻⵙⴱⴰⵏⵉⵢⴻⵏ ⵢⴻⵜⵜⴻⴽⴽⴰⵏ ⴷⴻⴳ-ⵙ ⴷ ⵉⴳⵓⵔⴷⵉⵙⴻⵏ (ⵃⴰ’ⵉⵣⵉⵏ ⵄⴰⵍⴰ ⵛⴰⵀⴰⴷⴰⵜ), ⴰⵎⵓⵔ ⴰⵎⴻⵇⵔⴰⵏ ⴷⴻⴳ-ⵙⴻⵏ ⵓⵔ ⵙⵄⵉⵏ ⴰⵅⴻⴷⴷⵉⵎ ».
ⵢⴻⵊⴱⴻⴷ-ⴷ ⴷⴰⵖ ⵎⴰⵙⵙ ⵊⵧⴰⵧ ⴼⴻⵔⵔⴻⵉⵔⴰ ⵍⵡⴻⵍⵀⴰ ⵏ ⵜⵏⴻⵖⵍⴰⴼⵜ ⵜⵓⵕⵓⴼⵉⵜ ⵏ ⵜⵖⴰⵡⵙⵉⵡⵉⵏ ⵏ ⵡⴻⵣⵖⴰⵔ ⵖⴻⵔ ⵜⴻⴳⵏⵉⵜ ⵏ ⵓⵎⴻⵃⴱⵓⵙ ⴰⵙⴻⵔⵜⴰⵏ ⴰⵚⴻⵃⵔⴰⵡⵉ ⵎⵧⵀⴰⵎⴻⴷ ⴱⴰⵎⴱⴰⵔⵉ ⴰⵢ ⵉⴳⴰⵏ ⴰⵙⵓⵏⴷⴻⴷ ⵏ ⵍⴰⵥ ⵙⴻⴳ ⵜⵍⴻⵎⵎⴰⵙⵜ ⵏ ⴷⵓⵊⴻⵎⴱⴻⵕ ⵏ 2015.
ⴰⵏⴻⵖⵎⴰⵙ-ⴰ ⴷ ⵓⵎⴻⵖⵏⴰⵙ (ⵎⵓⵏⴰⴹⵉⵍ) ⴰⵚⴻⵃⵔⴰⵡⵉ ⵢⴻⵜⵜⵡⴰⵃⴻⴱⵙⴻⵏ ⴷⴻⴳ ⵍⵃⴻⴱⵙ ⵏ ⵍⴻⵄⵢⵓⵏ ⵉⵄⴻⵡⵡⴻⵍ ⴰⴽⴽⴻⵏ ⴰⴷ ⵉⴽⴻⵎⵎⴻⵍ ⴰⵙⵓⵏⴷⴻⴷ-ⵏⵏⴻⵙ ⵏ ⵍⴰⵥ ⴰⵔⵎⴰ ⵢⴻⵜⵜⵡⴰⵛⴰⵕⴻⵄ ⵙ ⵜⴳⴰⴷⴷⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⵎⴰⵙⵙ ⴼⴻⵔⵔⴻⵉⵔⴰ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵢⵓⴳⴰⴷ ⵍⴻⵎⵎⴻⵔ ⴰⵙⵓⵏⴷⴻⴷ-ⴰ ⴰⴷ ⴰⵙ-ⵢⴻⵙⵙⵡⴰⵖ ⵜⴰⴷⴰⵡⵙⴰ ⵏ ⴱⴰⵎⴱⴰⵔⵉ ⵉ ⵍⴻⴱⴷⴰ.
