Asebter amenzawi

Arkaḍ n yizerfan n wemdan deg Uneẓruf Utrim: tiɣri i Mogherini akken ad teḥṛes Meṛṛuk

BRUXELLES – Iger-d tiɣri umazan (na’ib) uṛufi Joao Ferreira, ass n ttlata, i tgensast tunnigt n Tdukli Tuṛufit i tɣawsiwin n wezɣar, Federica Mogherini, akken ad teḥṛes iduba imeṛṛukiyen akken ad qadren izerfan n wemdan deg yikalen yettwaḍḍfen n Uneẓruf Utrim d weḥbas n wemḥaq n yiɣarimen (madaniyyin) iṣeḥrawiyen.

Deg yiwet n tuttra yuran ay yettunefken i tneɣlaft n tɣawsiwin n wezɣar n Tdukli Tuṛufit, iger-d Ferreira tiɣri i ussidef n temsalt n yizerfan n wemdan deg Uneẓruf Utrim yettwaḍḍfen deg wemciweṛ adelsan yellan gar Tuṛuft d Meṛṛuk s uqader n yiḥezziben n Wemtawa (ittifaq) n Tiddukla gar sin-a n yidisan.

Ferreira yesmekti-d dakken, ɣef wakken ay d-tekcef Tiddukla Taṣeḥrawit n Yizerfan n Wemdan, iɣallen n tɣellist (amn) imeṛṛukiyen « meḥqen s tekriḍt (ɛunf) » snat n tmesbaniyin timelwiyin ay gan yimezdaɣen iṣeḥrawiyen deg Bujdur akken ad d-ssutren tameddurt yelhan, axeddim d ufaki n tuḍḍfa tameṛṛukit deg Uneẓruf Utrim.

« D timerwin (ɛacarat) n medden ay yettwajerḥen deg yiwet n tmesbanit i ussuter n uxeddim, tameddurt yelhan d ufaki n tuḍḍfa n wakal d uɣellet ay tettɣellit Meṛṛuk tiɣbula (mawarid) tigamanin n Uneẓruf Utrim deg wakud aydeg imezdaɣen idiganen ddren deg tleqqi », ɣef wakken ay d-yenna.

ɣef leḥsab n umazan-a uṛufi, « deg tmesbanit-nni niḍen, ay yettwameḥqen ula d nettat s tekriḍt, imesbaniyen yettekkan deg-s d igurdisen (ḥa’izin ɛala cahadat), amur ameqran deg-sen ur sɛin axeddim ».

Yejbed-d daɣ Mass Joao Ferreira lwelha n tneɣlaft tuṛufit n tɣawsiwin n wezɣar ɣer tegnit n umeḥbus asertan aṣeḥrawi Mohamed Bambari ay igan asunded n laẓ seg tlemmast n Dujembeṛ n 2015.

Aneɣmas-a d umeɣnas (munaḍil) aṣeḥrawi yettwaḥebsen deg lḥebs n Leɛyun iɛewwel akken ad ikemmel asunded-nnes n laẓ arma yettwacaṛeɛ s tgadda, ɣef wakken ay d-iwekked Mass Ferreira ay d-yernan dakken yugad lemmer asunded-a ad as-yesswaɣ tadawsa n Bambari i lebda.