Asebter amenzawi

Tagnit deg Uneẓruf Utrim: tagrawt tuṛufit tecɣeb-itt temsalt

BRUXELLES – Tenna-d tegrawt tucrikt n Wemni Uṛufi « Talwit i Weɣref Aṣeḥrawi », ass n ttlata deg Bruxelles dakken tecɣeb-itt aṭas temsalt n ussefɛel n uɣawas (muxaṭṭaṭ) n talwit i ugguccelman n weɣref n Uneẓruf Utrim ladɣa ɣef lǧal n tedyanin tineggura ay d-yeḍran deg temnaḍt.

« Tagrawt tucrikt temlal akken ad d-tessken aḥunnu-nnes d webdad ɣer yidis n weɣref aṣeḥrawi, am wakken ay tebɣa, ladɣa, ad d-tessken acɣab ameqran ay tt-tecɣeb tsertit tamihawt (xaṭira) ay teḍfer Meṛṛuk deg Uneẓruf Utrim », ɣef wakken ay aɣ-d-yenna uneɣlaf anesmigal (mandub) aṣeḥrawi i Tuṛuft, Mohamed Sidati.

Tagrawt tucrikt temlal ddaw tselwit n umazan (na’ib) uṛufi almani Norbert Neuser yernu tefra-tt-id ad tessuter, war leɛḍil, seg tsuda (hay’at) tuṛufiyin, ladɣa Aseqqamu d Tseqqamut-nnes, akken ad d-rrent lwelha-nsent ɣer tegnit n Uneẓruf Utrim.

Imazanen uṛufiyen Ivo Vajgl (n Sluvinya), Paloma Lopez (n Spenyul) d Bodil Valero (n Sswid) nnan-d dakken yessefk ad d-tettwanced Tdukli Tuṛufit akken ad turar dduṛ yelhan ugar deg uferru n taluft-a s weḥṛas n Meṛṛuk akken ad tqader lqanun d webdad ijehden ugar ɣer yidis n wussisen (maǧhudaaat) n Yeɣlanen Yeddukklen.

Imaslaḍen (aɛḍa’) n tegrawt-a tucrikt nnan-d dakken fkan azal i terzi n Umaru Amatu n Yeɣlanen Yeddukklen ɣef temnaḍt (ay d-yellan deg tezwara n Meɣres), yernu nnan-d dakken aya ad ikemmel asmal (tarqiya) n ukala n Yeɣlanen Yeddukklen i uferru n taluft n Uneẓruf Utrim.