ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⴳⵏⵉⵜ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ: ⵜⴰⴳⵔⴰⵡⵜ ⵜⵓⵕⵓⴼⵉⵜ ⵜⴻⵛⵖⴻⴱ-ⵉⵜⵜ ⵜⴻⵎⵙⴰⵍⵜ
ⴱⵔⵓⵅⴻⵍⵍⴻⵙ – ⵜⴻⵏⵏⴰ-ⴷ ⵜⴻⴳⵔⴰⵡⵜ ⵜⵓⵛⵔⵉⴽⵜ ⵏ ⵡⴻⵎⵏⵉ ⵓⵕⵓⴼⵉ « ⵜⴰⵍⵡⵉⵜ ⵉ ⵡⴻⵖⵔⴻⴼ ⴰⵚⴻⵃⵔⴰⵡⵉ », ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴱⵔⵓⵅⴻⵍⵍⴻⵙ ⴷⴰⴽⴽⴻⵏ ⵜⴻⵛⵖⴻⴱ-ⵉⵜⵜ ⴰⵟⴰⵙ ⵜⴻⵎⵙⴰⵍⵜ ⵏ ⵓⵙⵙⴻⴼⵄⴻⵍ ⵏ ⵓⵖⴰⵡⴰⵙ (ⵎⵓⵅⴰⵟⵟⴰⵟ) ⵏ ⵜⴰⵍⵡⵉⵜ ⵉ ⵓⴳⴳⵓⵛⵛⴻⵍⵎⴰⵏ ⵏ ⵡⴻⵖⵔⴻⴼ ⵏ ⵓⵏⴻⵥⵔⵓⴼ ⵓⵜⵔⵉⵎ ⵍⴰⴷⵖⴰ ⵖⴻⴼ ⵍⴵⴰⵍ ⵏ ⵜⴻⴷⵢⴰⵏⵉⵏ ⵜⵉⵏⴻⴳⴳⵓⵔⴰ ⴰⵢ ⴷ-ⵢⴻⴹⵔⴰⵏ ⴷⴻⴳ ⵜⴻⵎⵏⴰⴹⵜ.
« ⵜⴰⴳⵔⴰⵡⵜ ⵜⵓⵛⵔⵉⴽⵜ ⵜⴻⵎⵍⴰⵍ ⴰⴽⴽⴻⵏ ⴰⴷ ⴷ-ⵜⴻⵙⵙⴽⴻⵏ ⴰⵃⵓⵏⵏⵓ-ⵏⵏⴻⵙ ⴷ ⵡⴻⴱⴷⴰⴷ ⵖⴻⵔ ⵢⵉⴷⵉⵙ ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ, ⴰⵎ ⵡⴰⴽⴽⴻⵏ ⴰⵢ ⵜⴻⴱⵖⴰ, ⵍⴰⴷⵖⴰ, ⴰⴷ ⴷ-ⵜⴻⵙⵙⴽⴻⵏ ⴰⵛⵖⴰⴱ ⴰⵎⴻⵇⵔⴰⵏ ⴰⵢ ⵜⵜ-ⵜⴻⵛⵖⴻⴱ ⵜⵙⴻⵔⵜⵉⵜ ⵜⴰⵎⵉⵀⴰⵡⵜ (ⵅⴰⵟⵉⵔⴰ) ⴰⵢ ⵜⴻⴹⴼⴻⵔ ⵎⴻⵕⵕⵓⴽ ⴷⴻⴳ ⵓⵏⴻⵥⵔⵓⴼ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵏⴻⵖⵍⴰⴼ ⴰⵏⴻⵙⵎⵉⴳⴰⵍ (ⵎⴰⵏⴷⵓⴱ) ⴰⵚⴻⵃⵔⴰⵡⵉ ⵉ ⵜⵓⵕⵓⴼⵜ, ⵎⵧⵀⴰⵎⴻⴷ ⵙⵉⴷⴰⵜⵉ.
ⵜⴰⴳⵔⴰⵡⵜ ⵜⵓⵛⵔⵉⴽⵜ ⵜⴻⵎⵍⴰⵍ ⴷⴷⴰⵡ ⵜⵙⴻⵍⵡⵉⵜ ⵏ ⵓⵎⴰⵣⴰⵏ (ⵏⴰ’ⵉⴱ) ⵓⵕⵓⴼⵉ ⴰⵍⵎⴰⵏⵉ ⵏⵧⵔⴱⴻⵔⵜ ⵏⴻⵓⵙⴻⵔ ⵢⴻⵔⵏⵓ ⵜⴻⴼⵔⴰ-ⵜⵜ-ⵉⴷ ⴰⴷ ⵜⴻⵙⵙⵓⵜⴻⵔ, ⵡⴰⵔ ⵍⴻⵄⴹⵉⵍ, ⵙⴻⴳ ⵜⵙⵓⴷⴰ (ⵀⴰⵢ’ⴰⵜ) ⵜⵓⵕⵓⴼⵉⵢⵉⵏ, ⵍⴰⴷⵖⴰ ⴰⵙⴻⵇⵇⴰⵎⵓ ⴷ ⵜⵙⴻⵇⵇⴰⵎⵓⵜ-ⵏⵏⴻⵙ, ⴰⴽⴽⴻⵏ ⴰⴷ ⴷ-ⵔⵔⴻⵏⵜ ⵍⵡⴻⵍⵀⴰ-ⵏⵙⴻⵏⵜ ⵖⴻⵔ ⵜⴻⴳⵏⵉⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
ⵉⵎⴰⵣⴰⵏⴻⵏ ⵓⵕⵓⴼⵉⵢⴻⵏ ⵉⵠⵧ ⵠⴰⵊⴳⵍ (ⵏ ⵙⵍⵓⵠⵉⵏⵢⴰ), ⵒⴰⵍⵧⵎⴰ ⵍⵧⵒⴻⵣ (ⵏ ⵙⵒⴻⵏⵢⵓⵍ) ⴷ ⴱⵧⴷⵉⵍ ⵠⴰⵍⴻⵔⵧ (ⵏ ⵙⵙⵡⵉⴷ) ⵏⵏⴰⵏ-ⴷ ⴷⴰⴽⴽⴻⵏ ⵢⴻⵙⵙⴻⴼⴽ ⴰⴷ ⴷ-ⵜⴻⵜⵜⵡⴰⵏⵛⴻⴷ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴽⴽⴻⵏ ⴰⴷ ⵜⵓⵔⴰⵔ ⴷⴷⵓⵕ ⵢⴻⵍⵀⴰⵏ ⵓⴳⴰⵔ ⴷⴻⴳ ⵓⴼⴻⵔⵔⵓ ⵏ ⵜⴰⵍⵓⴼⵜ-ⴰ ⵙ ⵡⴻⵃⵕⴰⵙ ⵏ ⵎⴻⵕⵕⵓⴽ ⴰⴽⴽⴻⵏ ⴰⴷ ⵜⵇⴰⴷⴻⵔ ⵍⵇⴰⵏⵓⵏ ⴷ ⵡⴻⴱⴷⴰⴷ ⵉⵊⴻⵀⴷⴻⵏ ⵓⴳⴰⵔ ⵖⴻⵔ ⵢⵉⴷⵉⵙ ⵏ ⵡⵓⵙⵙⵉⵙⴻⵏ (ⵎⴰⴵⵀⵓⴷⴰⴰⴰⵜ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.
ⵉⵎⴰⵙⵍⴰⴹⴻⵏ (ⴰⵄⴹⴰ’) ⵏ ⵜⴻⴳⵔⴰⵡⵜ-ⴰ ⵜⵓⵛⵔⵉⴽⵜ ⵏⵏⴰⵏ-ⴷ ⴷⴰⴽⴽⴻⵏ ⴼⴽⴰⵏ ⴰⵣⴰⵍ ⵉ ⵜⴻⵔⵣⵉ ⵏ ⵓⵎⴰⵔⵓ ⴰⵎⴰⵜⵓ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵖⴻⴼ ⵜⴻⵎⵏⴰⴹⵜ (ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴻⵣⵡⴰⵔⴰ ⵏ ⵎⴻⵖⵔⴻⵙ), ⵢⴻⵔⵏⵓ ⵏⵏⴰⵏ-ⴷ ⴷⴰⴽⴽⴻⵏ ⴰⵢⴰ ⴰⴷ ⵉⴽⴻⵎⵎⴻⵍ ⴰⵙⵎⴰⵍ (ⵜⴰⵔⵇⵉⵢⴰ) ⵏ ⵓⴽⴰⵍⴰ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⵉ ⵓⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ.
