Asebter amenzawi

Libya : anabaḍ n tdukkli taɣelnawt yefṛeḍ-d iman-is ɣef tedrimt

ṬṚABLUS – Anabaḍ n tdukkli taɣelnawt di Libya iḥettem ass n laṛebɛa di tsudutin s umata akken ad sxedment azamul-is d usuter n ṛṛay-is deg mayen yerzan aseṛṛef, kra n tsaɛtin mi qeblen yemḍebbṛen ur nelli d unṣiben akken as-ǧǧen amkan, id-nnan imawlan isallen.

ɣur-s tura amalas segmi d-yiweḍ ɣer Ṭṛblus, anabaḍ n tdukkli taɣelnawt ɣef bedden waɣlan yeddukklen (ONU) yerra-d ar yidis-is aṭaṣ n tsudutin ladɣa tabanka tammast, takebbanit tapitṛulit akk d waṭaṣ n temdinin tilibiyin.

Mi tt-gezment di ṛṛay temḍebbṛiwin tiṭṛblusiyin akken ad as-ǧǧent adabu, Libya ggran-as-d tura sin "inabaḍen" deg wadeg n kṛaḍ yellan yakan: win n tdukkli taɣelnawt yellan di Ṭṛablus akk d win yellan deg wegmuḍ n tmurt ɣef la ttḥettiment tmura n ddunit akken ad yeǧǧ adabu i win n tdukkli taɣelnawt.

Anrggaru-yagi, akken ad yesseǧhed adabu-inespour, iḥettem ass n laṛebɛa di tbanka tammast akken ad yessaḥbes akk ccikat yettuɣalen d ayla n yeɣlifen akk d tsudutin tiẓayaẓin ama d tin n wegmuḍ neɣ n ṭṛblus.

Ineggura-yagi ilaq-asen wurag n unabaḍ n tdukkli taɣelnawt akken ad ṣeṛfen.