ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵙⴻⵏⴼⴰⵔⴻⵏ ⵏ ⵡⴻⴱⵔⵉⴷ ⵏ ⵡⵓⵣⵣⴰⵍ ⵏ ⴵⴻⵍⴼⴰ ⴷ ⴰⵃⵔⵉⵛ ⵡⵉⵙ 10 ⵙⴻⴳ ⵡⴰⵀⵉⵍ ⴰⵖⴻⵍⵏⴰⵡ ⵏ ⵢⴻⴱⵔⵉⴷⴻⵏ ⵏ ⵡⵓⵣⵣⴰⵍ
ⴵⴻⵍⴼⴰ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵎⴻⵙⵏⵉ, ⴱⵧⵓⴷⵊⴻⵎⴰⴰ ⵜⴰⵍⴰⵉ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴵⴻⵍⴼⴰ, ⴷⴰⴽⴽⴻⵏ ⵉⵙⴻⵏⴼⴰⵔⴻⵏ ⵏ ⵢⴻⴱⵔⵉⴷⴻⵏ ⵏ ⵡⵓⵣⵣⴰⵍ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴷⴻⴳ ⵜⵡⵉⵍⴰⵢⵜ-ⴰ ⵙ ⵜⴻⵖⵣⴻⴼ ⵏ 320 ⵏ ⵢⵉⴽⵉⵍⵓⵎⵉⵜⵔⴻⵏ ⵜⵜⴳⴻⵏⵙⵉⵙⴻⵏ-ⴷ 10% ⵙⴻⴳ ⵓⵊⴻⵎⵎⴰⵍ ⵏ ⵢⵉⵙⴻⵏⴼⴰⵔⴻⵏ ⵏ ⵢⴻⴱⵔⵉⴷⴻⵏ ⵏ ⵡⵓⵣⵣⴰⵍ ⴰⴷ ⵢⴻⵜⵜⵡⴻⴱⵏⵓⵏ ⴷⴻⴳ ⵜⵎⵓⵔⵜ ⵙ ⵍⴻⴽⵎⴰⵍ-ⵏⵏⴻⵙ.
ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⵉⴳⴰ ⴷⴻⴳ ⵜⴳⴰⵔⴰ ⵏ ⵜⴻⵔⵣⵉ-ⵏⵏⴻⵙ ⵏ ⵓⵅⴻⴷⴷⵉⵎ ⴷ ⵓⵙⵙⴻⴼⵇⴻⴷ ⵏ ⵢⵉⵡⴻⵏ ⵡⴰⵙⵙ ⵖⴻⴼ ⵜⵡⵉⵍⴰⵢⵜ ⵏ ⴵⴻⵍⴼⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵉⵙⴻⵏⴼⴰⵔⴻⵏ ⵏ ⵡⴻⴱⵔⵉⴷ ⵏ ⵡⵓⵣⵣⴰⵍ ⵙⵄⴰⵏ ⴰⵣⴰⵍ ⴷ ⴰⵎⴻⵇⵔⴰⵏ ⴷⴻⴳ ⵜⵡⵉⵍⴰⵢⵜ-ⴰ ⵖⴻⴼ ⵍⴵⴰⵍ ⵏ ⵍⴰⵜⴻⵕ ⴰⴷⴰⵎⵙⴰⵏ ⴷ ⵡⴻⵏⵎⴻⵜⵜⵉ (ⵉⴵⵜⵉⵎⴰⵄⵉ) ⴰⵢ ⵙⵄⴰⵏ ⵖⴻⴼ ⵜⴻⵎⵏⴰⴹⵉⵏ ⴰⵢⵙⴻⴳ ⴰⴷ ⵄⴻⴷⴷⵉⵏ. ⵏⵏⵉⴳ ⵡⴰⵢⴰ, ⵉⴱⵔⵉⴷⴻⵏ ⵏ ⵡⵓⵣⵣⴰⵍ ⵙⵙⴻⵊⵀⴰⴷⴻⵏ ⴰⵎⴻⵙⵏⵉ (ⵏⴰⵇⵍ) ⵏ ⵢⴻⵎⵙⵉⴽⵍⴻⵏ ⴷ ⵙⵙⴻⵍⵄⴰ ⵢⴻⵔⵏⵓ ⵜⴰⵡⵉⵍⴰⵢⵜ ⵏ ⴵⴻⵍⴼⴰ ⵜⴻⵙⵄⴰ ⴰⵎⴽⴰⵏ ⴰⴷ ⵢⵓⵔⴰⵔⴻⵏ ⴷⴷⵓⵕ ⴷ ⴰⵎⴻⵇⵔⴰⵏ ⴷⴻⴳ ⵡⴻⵃⵔⵉⵛ-ⴰ ⴷⴻⴳ ⵜⵎⵓⵔⵜ ⵏ ⵍⴻⵣⵣⴰⵢⴻⵔ.
ⵢⴻⵔⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵉⵙⴻⵏⴼⴰⵔⴻⵏ ⵏ ⵡⴻⴱⵔⵉⴷ ⵏ ⵡⵓⵣⵣⴰⵍ ⴰⵢ ⵍⴰ ⴱⴻⵏⵏⵓⵏⵜ ⵜⴻⵕⵎⵉⵙⵉⵏ ⵜⵉⵖⴻⵍⵏⴰⵡⵉⵏ ⴷ ⵢⵉⴽⴰⵜⴰⵔⴻⵏ ⵉⴷⵣⴰⵢⵔⵉⵢⴻⵏ ⴷⴻⴳ ⵜⴻⵎⵏⴰⴹⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵖⵉⵡⴰⵏⵜ-ⴰ ⴰⴷ ⴵⴵⴻⵏ ⴷⴰⵖ ⵜⴰⵎⵓⵔⵜ ⴰⴷ ⴷ-ⵜⴻⴳ ⴰⵙⴰⴳⴻⵏ (ⵎⵉⵏⴰ’) ⴰⴽⵉⵡⴰⵏ ⴷ ⵜⵖⴻⵔⵖⴻⵔⵜ ⵜⴰⵍⵓⵊⵉⵙⵜⵉⵜ ⴰⴷ ⴷ-ⵢⴻⵙⴷⵓⵇⵇⵙⴻⵏ ⵜⴰⴷⴰⵎⵙⴰ ⵜⴰⵖⴻⵍⵏⴰⵡⵜ.
ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⴰⴳⴻⵏ-ⵏⵏⵉ ⴰⴽⵉⵡⴰⵏ ⴷ ⵜⵖⴻⵖⴻⵔⵜ-ⵏⵏⵉ ⵜⴰⵍⵓⵊⵉⵙⵜⵉⵜ ⴰⴷ ⵜⵜⴻⴽⴽⵉⵏ ⴷⴻⴳ ⵓⵙⵙⴻⵏⵇⴻⵙ ⵏ ⵓⵎⴻⵚⵔⵓⴼ ⵏ ⵓⵎⴻⵙⵏⵉ ⵏ ⵙⵙⴻⵍⵄⴰ ⵖⴻⵔ ⵢⵉⵙⵓⴳⴰⵏ ⵉⵎⴻⵇⵔⴰⵏⴻⵏ ⵏ ⵡⴻⴼⵔⴰⵇ, ⴰⵎ ⵡⴰⴽⴽⴻⵏ ⴰⴷ ⴷ-ⵢⴻⵙⴷⵓⵇⵇⴻⵙ ⴰⵢⴰ ⴰⵔⵎⵓⴷ (ⵏⴰⵛⴰⵟ) ⴰⴷⴰⵎⵙⴰⵏ.
ⵎⵉ ⵢⴻⵙⵙⴻⴼⵇⴻⴷ ⵓⵏⴻⵖⵍⴰⴼ ⵍⵍⵓⵣⵉⵏ ⵏ ⵓⴼⴰⵔⴻⵙ (ⵉⵏⵜⴰⴵ) ⵏ ⵜⵎⴻⵣⴳⴰⵔⵉⵏ ⵏ ⵓⴱⵉⵟⵓⵏ ⵏ ⵃⴰⵙⵉ ⴱⴻⵃⴱⴰⵃ (50 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⴳⴰⴼⴰ ⵏ ⴵⴻⵍⴼⴰ) ⴰⵢ ⵜⴻⵜⵜⵖⴻⵍⵍⵉⵜ ⵜⴻⵕⵎⵉⵙⵜ ⵏ ⵉⵏⴼⵔⴰⵔⴰⵉⵍ, ⵢⴻⵏⵏⴰ-ⴷ ⴷⴰⴽⴽⴻⵏ ⵍⵍⵓⵣⵉⵏ-ⴰ (ⴰⵢ ⵢⴻⴱⴷⴰⵏ ⴰⵅⴻⴷⴷⵉⵎ ⵙⴻⴳ ⵎⴻⵍⵎⵉ ⴽⴰⵏ) ⴷ ⵔⵔⴱⴻⵃ ⵏ ⵜⵉⴷⴻⵜ ⵉ ⵜⵎⵓⵔⵜ ⵢⴻⵔⵏⵓ ⵜⴻⵜⵜⴻⴳ ⵉⴼⴰⴷⴷⴻⵏ ⵉ ⵓⴼⴰⵔⴻⵙ ⴰⵖⴻⵍⵏⴰⵡ.
