ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⴼⴽⴰ ⵎⴻⵙⵙⴰⵀⴻⵍ ⵢⵉⵡⴻⵏ ⵏ ⵢⵉⵣⴻⵏ ⵏ ⴱⵧⵓⵜⴻⴼⵍⵉⴽⴰ ⵉ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⵜⵢⵓⴱⵉ
ⴰⴷⴷⵉⵙ-ⴰⴱⴻⴱⴰ –ⴰⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵜⵎⴰⵣⵖⴰ, ⵏ ⵜⴷⵓⴽⵍⵉ ⵜⴰⴼⵔⵉⵇⵉⵜ ⴰⴽⴽⴻⴷ ⵜⴻⵎⵖⵓⵏⵜ ⵏ ⵢⵉⵡⵓⵏⴰⴽ ⴰⵄⵔⴰⴱⴻⵏ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ, ⵢⴻⵔⵎⴻⵙ-ⵉⵜ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⴰⴷⴷⵉⵙ-ⴰⴱⴻⴱⴰ, ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⵜⵢⵓⴱⵉ, ⵀⴰⵉⵍⴻ ⵎⴰⵔⵉⴰⵎ ⴷⴻⵙⴰⵍⴻⴳⵏ, ⵉ ⵓⵎⵉ ⵢⴻⴼⴽⴰ ⵢⵉⵡⴻⵏ ⵏ ⵢⵉⵣⴻⵏ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
ⴰⵎⵢⵉⴳⴻⵔ-ⴰ, ⵙⴻⴳ ⵜⴰⵎⴰ, ⵢⴻⵔⵣⴰ ⴰⵙⴻⴵⵀⴻⴷ ⵏ ⵡⴰⵙⵙⴰⵖⴻⵏ ⵓⵙⵔⵉⴽⴻⵏ, ⵙⴻⴳ ⵜⴰⵎⴰ ⵏⵏⵉⴹⴻⵏ, ⵢⴻⴼⴽⴰ ⵜⴰⴳⵏⵉⵜ ⴰⴽⴽⴻⵏ ⴰⴷ ⵎⵎⴻⵙⵍⴰⵢⴻⵏ ⵖⴻⴼ ⵜⵓⵜⵜⵔⵉⵡⵉⵏ ⵜⵉⵎⵏⴰⴹⴰⵏⵉⵏ ⵢⴻⵙⵄⴰⵏ ⵍⴼⴰⵢⴷⴰ ⵏ ⵙⵏⴰⵜ ⵜⵎⵓⵔⴻ.
ⴷⴻⴳ ⵓⴽⴰⵜⴰⵔ-ⴰ, ⵉ ⵙⵉⵏ ⵢⴻⵃⵔⵉⵛⴻⵏ ⴼⴻⵔⵃⴻⵏ ⵙ ⵓⵙⴻⴷⴷⵓ ⵏ ⵜⴻⵖⵜⴰⵙⵉⵏ ⵉ ⵖⴻⴼ ⴷ-ⵎⵎⴻⵣⴳⴻⵏ ⵢⵉⵖⴻⵍⵍⴰ-ⵏⵙⴻⵏ ⵏ ⵓⵡⴰⵏⴻⴽ ⴰⵙⵎⵉ ⴷ-ⵢⴻⵔⵣⴰ ⵓⵏⴻⵖⵍⴰⴼ ⴰⵎⴻⵣⵡⴰⵔⵓ ⴰⵜⵢⵓⴱⵉ ⵖⴻⵔ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵙⴻⴳ ⵉ ⵜ-ⵉⴷ-ⵢⴻⵙⵏⴻⴱⴳⵉ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.
ⵡⵡⵉⵏ-ⴷ ⴰⵡⴰⵍ ⴷⴰⵖⴻⵏ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ, ⵎⵉ ⴰⴽⴽⴰ ⵜⴻⴷⴷⵓⵏ ⴰⴷ ⵙⵙⵉⵙⵙⵏⴻⵏ ⵏ ⵓⵏⴻⵇⵇⵉⵙ ⵏ ⵓⵎⴰⵔⴰⵢ ⴰⵎⴰⵜⵓ ⵏ ⵜⵓⴷⴷⵙⴰ ⵏ ⵢⵉⵖⵍⴰⵏⴻⵏ ⵢⴻⴷⴷⵓⴽⵍⴻⵏ (ⵧⵏⵓ) ⴰⴽⴽⴻⴷ ⵓⵙⴻⴽⵢⴻⴷ-ⵉⵙ ⵙⴻⴳ ⵖⵓⵔ ⵓⵙⵇⴰⵎⵓ ⵏ ⵜⵖⴻⵍⵍⵉⵙⵜ, ⴰⴽⴽⴻⴷ ⵖⴻⴼ ⵍⵉⵃⴰⵍⴰ ⴷⴻⴳ ⵜⴻⵍⵍⴰ ⵜⵎⵓⵔⵜ ⵏ ⵍⵉⴱⵢⴰ, ⵉⴷⴻⴳ ⵢⴻⵍⵍⴰ ⵙⵙⴰⵃⴻⵍ ⴰⴽⴽⴻⴷ ⵢⵉⵛⵛⴻⵡ ⵏ ⵜⴻⴼⵔⵉⵇⵜ, ⴷⵖⴰ ⴷⴻⴳ ⵙⵙⵓⴷⴰⵏ ⵏ ⵓⵏⵥⵓⵍ ⴰⴽⴽⴻⴷ ⵚⵚⵓⵎⴰⵍ.
ⵎⵎⴻⵣⴳⴻⵏ-ⴷ ⴰⴽⴽ ⵖⴻⴼ ⵢⵉⵡⴻⵜ ⵏ ⵜⵎⵓⵖⵍⵉ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⴽⴽ ⵜⵓⵜⵜⵔⵉⵡⵉⵏ ⵉⵖⴻⴼ ⴷ-ⵎⵎⴻⵙⵍⴰⵢⴻⵏ ⴷⴻⴳ ⵜⴻⵎⵍⵉⵍⵉⵜ-ⴰ.
