Asebter amenzawi

Yefka Messahel yiwen n yizen n Bouteflika i uneɣlaf Amezwaru atyubi

ADDIS-ABEBA –Aneɣlaf n Tɣawsiwin n tmazɣa, n Tdukli tafriqit akked Temɣunt n Yiwunak aɛraben, Abdelkader Messahel, yermes-it, ass n ttlata deg Addis-Abeba, uneɣlaf Amezwaru atyubi, Haile Mariam Desalegn, i umi yefka yiwen n yizen n uselway n Tegduda, Abdelaziz Bouteflika.

Amyiger-a, seg tama, yerza aseǧhed n wassaɣen usriken, seg tama nniḍen, yefka tagnit akken ad mmeslayen ɣef tuttriwin timnaḍanin yesɛan lfayda n snat tmure.

Deg ukatar-a, i sin yeḥricen ferḥen s useddu n teɣtasin i ɣef d-mmezgen yiɣella-nsen n Uwanek asmi d-yerza uneɣlaf Amezwaru atyubi ɣer Lezzayer tamaneɣt, seg i t-id-yesnebgi uselway n Tegduda.

Wwin-d awal daɣen ɣef Uneẓruf Utrim, mi akka teddun ad ssissnen n uneqqis n umaray amatu n Tuddsa n Yiɣlanen Yedduklen (ONU) akked usekyed-is seg ɣur Usqamu n tɣellist, akked ɣef liḥala deg tella Tmurt n Libya, ideg yella Ssaḥel akked Yiccew n Tefriqt, dɣa deg Ssudan n unẓul akked Ṣṣumal.

Mmezgen-d akk ɣef yiwet n tmuɣli deg wayen yerzan akk tuttriwin iɣef d-mmeslayen deg temlilit-a.