ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵢⵓⵣⴻⵏ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵉⵣⴻⵏ ⵏ ⵓⵄⴻⵣⵣⵉ ⵉ ⵜⵡⴰⵛⵓⵍⵜ ⵏ ⵓⵎⴻⵔⵃⵓⵎ ⵎⵧⵀⴰⵎⴻⴷ ⵙⴰⵉⴷ ⵎⴰⴰⵣⵧⵓⵣⵉ

ⵍⴻⵣⵣⴰⵢⴻⵔ – ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⵓⵣⴻⵏ ⵢⵉⵡⴻⵏ ⵏ ⵢⵉⵣⴻⵏ ⵏ ⵓⵄⴻⵣⵣⵉ ⵉ ⵜⵡⴰⵛⵓⵍⵜ ⵏ ⵓⵎⴵⴰⵀⴻⴷ ⵎⵧⵀⴰⵎⴻⴷ ⵙⴰⵉⴷ ⵎⴰⴰⵣⵧⵓⵣⵉ, ⵢⴻⵎⵎⵓⵜ ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵍⴻⵄⵎⴻⵔ-ⵉⵙ 92 ⵉⵙⴻⴳⴳⴰⵙⴻⵏ, ⴰⵏⴷⴰ ⵉ ⵉⵣⵓⵍ ⵜⴰⵖⴰⵔⴰ ⴰⴽⴽⴻⴷ ⵢⵉⵣⴰⵍⴻⵏ ⵏ ⵓⵎⴻⵔⵃⵓⵎ.

’ⵙ ⵢⵉⵡⴻⵜ ⵏ ⵜⴻⵇⵔⵉⵃⵜ ⵜⴰⵎⴻⵇⵇⵔⴰⵏ ⴰⴽⴽⴻⴷ ⵍⴻⵃⵣⴻⵏ ⵍⵇⴰⵢⴻⵏ ⵉ ⵙⵍⵉⵖ ⵉ ⵜⵎⴻⵜⵜⴰⵏⵜ ⵏ ⵓⵎⴵⴰⵀⴻⴷ ⵎⵧⵀⴰⵎⴻⴷ ⵙⴰⵉⴷ ⵎⴰⴰⵣⵧⵓⵣⵉ ⵉ ⴷ-ⵢⴻⵡⵡⵉⵏ ⴰⴱⵔⵉ ⵖⴻⵣⵣⵉⴼⴻⵏ ⵏ ⵓⵎⴻⵏⵏⵓⵖ ⵢⴻⵙⵙⴻⴷⴷⴰ ⵙ ⵡⴰⵍⵍⴰⵍⴻⵏ ⵢⴻⵎⵎⴻⵥⵍⴻⵏ ⵎⴳⴰⵍ ⴰⵎⵃⴻⵔⵙⴰⵏ’’, ⵉ ⵢⵓⵔⴰ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵣⴻⵏ-ⵉⵙ.

‘’ⵙⴻⴳ ⵜⴻⵡⵡⵉ ⵜⵎⵓⵔⵜ ⴰⵣⴰⵔⵓⴳ-ⵉⵙ, ⵉⴽⴻⵎⵎⴻⵍ ⴰⵎⴻⵏⵏⵓⵖ ⴷⴻⴳ ⵍⴻⴱⵏⵉ ⴰⴽⴽⴻⴷ ⵓⵙⵏⴻⴼⵍⵉ ⵏ ⵜⵎⵓⵔⵜ-ⵉⵙ. ⵢⴻⵟⵟⴻⴼ ⵜⴰⵎⴰⵙⵉⵜ ⴷⴻⴳ ⵢⵉⵎⴻⴹⵇⴰⵏ ⵓⵏⵏⵉⴳⴻⵏ ⴷⴻⴳ ⴷⴷⴻⵇⵙ ⵏ ⵜⴻⵖⵓⵍⴰ ⴷⵖⴰ ⴰⵙⵎⵉ ⵢⴻⵍⵍⴰ ⴷ ⴰⵏⴻⵖⵍⴰⴼ ⵏ ⵓⵎⴻⵙⵏⵉ. ⵢⴻⵎⵎⵓⵜ ⵎⴰⵛⴰ ⵢⴻⴵⴵⴰ-ⴷ ⵉ ⵜⵡⴰⵛⵓⵍⵜ-ⵉⵙ ⴰⵢⴻⵏ ⵢⴻⵍⵀⴰⵏ ⵎⴰ ⴷ-ⵉⵎⴻⴷⴷⵓⴽⴰⵍ-ⵉⵙ ⵛⴼⴰⵡⴰⵜ ⵓⵔ ⵜⴻⵜⵜⵓⵏ ⴷ ⴰⵢⴻⵏ ⴰⵔⴰ ⵢⴻⵙⵙⵉⴼⴻⵙⵙⴻⵏ ⵜⴰⵇⵔⵉⵃⵜ-ⵏⵙⴻⵏ’’, ⵉ ⵏⴻⵖⵔⴰ ⴷⴻⴳ ⵢⵉⵣⴻⵏ ⵏ ⵓⵖⴻⵍⵍⴰ ⵏ ⵓⵡⴰⵏⴻⴽ.

‘’ⴰⴷ ⵄⴻⵣⵣⵉⵖ ⵙⴻⴳ ⵡⵓⵍ, ⴰⴷ ⵙⵙⵓⵜⵔⴻⵖ ⴰⵢⵓⵛ (ⵔⴻⴱⴱⵉ), ⴱⵓ ⵜⴻⵣⵎⴻⵔⵜ ⵜⴰⵎⴻⵇⵇⵔⴰⵏⵜ, ⴰⴽⴽⴻⴷ ⴰⴷ ⴰⵙ-ⵉⵙⴻⵎⵎⴻⵃ, ⴰⴷ ⵜ-ⵉⵙⴻⵔⵙ ⴷⴻⴳ ⵍⴵⴻⵏⵏⴻⵜ-ⵉⵙ ⵜⴰⵎⴻⵇⵇⵔⴰⵏⵜ ⴰⴽⴽⴻⴷ ⵓⵄⵉⵡⴻⵏ ⵏ ⵜⵡⴰⵛⵓⵍⵜ-ⵉⵙ ⴷⴻⴳ ⵜⴻⵇⵔⵉⵃⵜ-ⴰ’’, ⵉ ⴷ-ⵉⵙⴻⵇⵔⴰ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ.