Asebter amenzawi

Turarin tulambiyin-2016 : Ad ssaɣen asafu ulambi ass n 21 yebrir Ulamb deg Tegrikt

ATHENES - Ssaɣen asafu ulambi ass n 21 yebrir deg temdint n Ulamb, deg Tegrikt, i Turarin n Rio ara d-yeḍrun deg useggas 2016, akka i d-caren yiduba n tegrikt ass n ttlata.

D izeffanen yelsan iselsa igrikiyen iqburen, udren-d ayuc Apollon deg ukafan ihudden n Héra, d tawessart n 2600 iseggasen, sakin ssaɣen asafu s lemri i wehhan s iṭij. Sakin ad teṭṭef abrid-is akken ad tezzi i tmurt akk.

Ad fken sakin asafu i yiduba ulambiyen ibriziliyen ass n 27 yebrir deg yiwen n usfugel deg unrar Athènes, anda i yuraren deg useggas 1896, i tikkelt tamezwarut deg tallit-a tatrart, Turarin tulambiyin, akka i d-icar uselway n Usqamu ulambi agriki Spyros Capralos akked uselway n tesmilt yettwakelfen akken ad tesseddu asafu ulambi Giannis Karras.