Asebter amenzawi

Takunfidiṛalit Tafriqit n Ujudo: d Mohamed Meridja ay yettwafernen d anmazul n uselway

TUNES TAMANEɣT – Yettwafren Udzayri Mohamed Meridja d anmazul n uselway amezwaru n Tkunfidiṛalit Tafriqit n Ujudo mi ifuk wegraw amatu n tefrant ay d-yellan deg Gammarth (deg ugafa n Tunes Tamaneɣt).

D Amali Habib Sissoukou ay yettwafernen d aselway amaynu n Tkunfidiṛalit Tafriqit n Ujudo deg wemkan n Yivwaṛi Lassana Palenfo.

Tanarit (maktab) n Tkunfidiṛalit ttekkan deg-s daɣ Estoni Haiti (d Tabotswanit) yellan d tamarut tamatut n Tkunfidiṛalit d Andre Angoi (d Agabuni), aneẓraf amatu.

Aselway n Tkunfidiṛalit Tatunsit n Ujudo, Skander Hachicha, yettwafren d amaslaḍ (ɛuḍw) deg tnarit taslekmant (tanfidiyya) n Tkunfidiṛalit Tafriqit n Ujudo yernu d netta ad yilin d anmazul n uselway wis sin.

Tanarit tamaynut ad tebdu axeddim deffir Wuraren Ulimpiyen n Rio de Janeiro ad d-yilin deg Ɣuct ay d-yetteddun, yernu lewṣaya-nnes ad teḍḍef 4 n yiseggasen arma d Uraren Ulimpiyen n Tokyo n 2020.