ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⴻⵜⵜⴻⴼ ⵏ ⴼⵉⴼⴰ ⵏ ⵢⴻⴱⵔⵉⵔ ⵏ 2016: ⵍⴻⵣⵣⴰⵢⴻⵔ ⴷ ⵜⵉⵙ 33 ⴷⴻⴳ ⵓⵎⴰⴹⴰⵍ, ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵜⴻⴼⵔⵉⵇⵜ

ⵣⵓⵔⵉⵛⵀ – ⵜⴻⵔⴱⴻⵃ-ⴷ ⵜⴻⵖⵍⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵛⵉⵔⵜ ⵏ ⵓⴹⴰⵔ 4 ⵏ ⵢⵉⵎⵓⴽⴰⵏ ⵢⴻⵔⵏⵓ ⵜⴻⵡⵡⴻⴹ-ⴷ ⵖⴻⵔ ⵡⴻⵎⴽⴰⵏ ⵡⵉⵙ 33 ⴷⴻⴳ ⵓⵙⴻⵜⵜⴻⴼ ⴰⵎⴰⵢⵢⵓⵔ ⵏ ⵢⴻⴱⵔⵉⵔ ⴰⵢ ⴷ-ⵜⴻⵙⵙⵓⴼⴼⴻⵖ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⵜ ⵏ ⵓⴹⴰⵔ, ⴷⵖⴰ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵣⴻⴳⵣⴰⵡⴻⵏ ⴰⴷ ⴷ-ⵓⵖⴰⵍⴻⵏ ⵖⴻⵔ ⵡⴻⵎⴽⴰⵏ ⴰⵎⴻⵣⵡⴰⵔⵓ ⴷⴻⴳ ⵓⵙⴻⵜⵜⴻⴼ ⴰⴼⵔⵉⵇⵉ ⴷⴻⴼⴼⵉⵔ ⵎⴰ ⵙⵕⵓⵃⴻⵏ ⴰⵎⴽⴰⵏ-ⴰ ⴽⵔⴰ ⵏ ⵡⴰⵢⵢⵓⵔⴻⵏ.

ⵍⴷⵣⴰⵢⴻⵔ ⵜⴻⵣⵡⴰⵔ ⵛôⵜⴻ ⴷ’ⵉⵠⵧⵉⵔⴻ ⵙ ⵢⵉⵡⴻⵏ ⵏ ⵡⴻⵎⴽⴰⵏ. ⵙ ⵡⴰⵢⴰ, ⵜⴰⵏⴻⴳⴳⴰⵔⵓⵜ-ⴰ ⵜⵓⵙⴰ-ⴷ ⴷ ⵜⵉⵙ 34 ⴷⴻⴳ ⵓⵎⴰⴹⴰⵍ ⵢⴻⵔⵏⵓ ⴷ ⵜⵉⵙ ⵙⵏⴰⵜ ⴷⴻⴳ ⵜⴻⴼⵔⵉⵇⵜ. ⵎⴰ ⴷ ⴳⵀⴰⵏⴰ, ⵜⵉⵙ 3 ⴷⴻⴳ ⵜⴻⴼⵔⵉⵇⵜ, ⵜⵓⵙⴰ-ⴷ ⴷ ⵜⵉⵙ 38 ⴷⴻⴳ ⵓⵎⴰⴹⴰⵍ.

ⵙⵉⵏⵉⴳⴰⵍ, ⵜⵉⵙ 4 ⴷⴻⴳ ⵜⴻⴼⵔⵉⵇⵜ, ⵜⵓⵙⴰ-ⴷ ⴷ ⵜⵉⵙ 43 ⴷⴻⴳ ⵓⵎⴰⴹⴰⵍ, ⵎⴰ ⴷ ⵎⴰⵚⴻⵔ, ⴷ ⵜⵉⵙ 5 ⴷⴻⴳ ⵜⴻⴼⵔⵉⵇⵜ, ⵜⵓⵙⴰ-ⴷ ⴷ ⵜⵉⵙ 44 ⴷⴻⴳ ⵓⵙⴻⵜⵜⴻⴼ ⴰⴳⵔⴰⵖⵍⴰⵏ. ⵉⵖⴻⴼ ⴰⵣⴻⴳⵣⴰⵡ ⵢⴻⵍⵍⴰⵏ ⵙⴻⴳ ⴳⴰⵔ ⵜⵎⴻⵣⵡⵓⵔⴰ ⴷⴻⴳ ⵜⴻⴼⵔⵉⵇⵜ, ⵜⴻⵖⵍⵉ-ⴷ ⵖⴻⵔ ⵡⴻⵎⴽⴰⵏ ⵡⵉⵙ 6 ⴷⴻⴳ ⵓⵙⴻⵜⵜⴻⴼ ⴰⴼⵔⵉⵇⵉ ⵢⴻⵔⵏⵓ ⵜⵓⵙⴰ-ⴷ ⴷⴰⵖ ⴷ ⵜⵉⵙ 47 ⴷⴻⴳ ⵓⵙⴻⵜⵜⴻⴼ ⴰⴳⵔⴰⵖⵍⴰⵏ.

ⴰⵙⴻⵜⵜⴻⴼ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⵜ ⵏ ⵓⴹⴰⵔ ⵏ ⵡⴰⵢⵢⵓⵔ ⵏ ⵢⵓⵏⵢⵓ ⴰⵢ ⴷ-ⵢⴻⵜⵜⴻⴷⴷⵓⵏ ⴰⴷ ⵢⴰⴷⴻⴼ ⴷⴻⴳ ⵍⴻⵃⵙⴰⴱ ⴷⴻⴳ ⵜⴻⵙⵖⴰⵔⵜ ⴰⴷ ⴷ-ⵢⵉⵍⵉⵏ ⵉ ⵓⵄⴻⴷⴷⵉ ⵖⴻⵔ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ 2018 ⵏ ⵔⵓⵙⵢⴰ (ⵜⴰⵎⵏⴰⴹⵜ ⵏ ⵜⴻⴼⵔⵉⵇⵜ). 5 ⵏ ⵜⵎⵓⵔⴰ ⴰⴷ ⵢⵉⵍⵉⵏ ⴷ ⵜⵉⵎⴻⵣⵡⵓⵔⴰ ⵉⵎⵉⵔ-ⵏⵏⵉ ⴰⴷ ⴰⵙⴻⵏⵜ-ⵜⴻⵜⵜⵓⵏⴻⴼⴽ ⵜⵓⵣⵡⵉⵔⵜ ⴷⴻⴳ ⵜⴻⵙⵖⴰⵔⵜ-ⴰ.