ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵇⵙⴻⵏⵟⵉⵏⴰ 2015: ⵜⴰⴷⵢⴰⵏⵜ-ⴰ ⵜⴻⵙⴱⴰⵏ-ⴷ ⴰⵎⴻⵣⵔⵓⵢ ⵏ ⵙⵉⵔⵜⴰ
ⵇⵙⴻⵏⵟⵉⵏⴰ – ⵜⴰⴷⵢⴰⵏⵜ ⵏ « ⵇⵙⴻⵏⵟⵉⵏⴰ, ⵜⴰⵎⴰⵏⴻⵖⵜ ⵏ ⵢⴻⴷⵍⴻⵙ ⴰⵄⵕⴰⴱ ⵏ 2015 » ⵜⴻⴼⴽⴰ ⵜⴰⴳⵏⵉⵜ ⵉ ⵢⴻⵎⵙⴻⴹⵔⴰ (ⵎⵓⵅⵔⵉⴵⵉⵏ) ⴰⴽⴽⴻⵏ ⴰⴷ ⴷ-ⵙⴱⴰⵏⴻⵏ ⵉ ⵍⴻⴱⴷⴰ ⵓⴷⴻⵎ ⴰⵇⴱⵓⵔ ⵏ ⵙⵉⵔⵜⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴰⵕⴻⴱⵄⴰ, ⵢⴻⵎⵙⴻⴹⵔⵓ ⴼⴰⵔⵉⴷ ⴷⵊⵧⵓⴰⵎⴰ.
ⵜⴰⴷⵢⴰⵏⵜ-ⴰ ⵜⴻⴼⴽⴰ ⴰⵣⴰⵍ ⵉ ⵓⵎⴻⵣⵔⵓⵢ, ⵉⴷⵍⴻⵙ ⴷ ⵜⵎⴻⴷⴷⵓⵔⵜ ⴷⴻⴳ ⵇⵙⴻⵏⵟⵉⵏⴰ, ⵢⴻⵔⵏⵓ ⴷ ⴰⵢⴰ ⴰⵢ ⴷ-ⵢⴻⵍⵍⴰⵏ ⴷ ⵜⴰⴳⵏⵉⵜ ⴰⴽⴽⴻⵏ ⴰⴷ ⴷ-ⵢⴻⵜⵜⵡⴰⵅⴷⴻⵎ ⵢⵉⵡⴻⵏ ⵏ ⵓⵎⴰⵣⵔⴰⵔ ⵏ ⵢⵉⴼⴻⵜⵔⴰⵡⴻⵏ (ⴰⵛⵔⵉⵟⴰ) « ⵉ ⵓⵡⴻⴽⴽⴻⴷ ⵏ ⵛⵛⴼⴰⵡⴰⵜ ⵜⴰⵎⴰⵣⴷⴰⵢⵜ ⵏ ⵇⵙⴻⵏⵟⵉⵏⴰ » ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵎⵙⴻⴹⵔⵓ ⴷⴻⴳ ⵢⵉⵡⴻⵏ ⵏ ⵡⴻⵙⴽⴰⵙⵉ ⴰⵢ ⴷ-ⵢⴻⵍⵍⴰⵏ ⴷⴻⴼⴼⵉⵔ ⵎⴰ ⵉⵄⴻⴷⴷⴰ-ⴷ ⵓⴼⴻⵜⵔⴰⵡ ⵏ « ⵅⴰⴱⴰⵢⴰ ⵇⴰⵙⴰⵏⵟⵉⵏⴰ » (ⴰⵢⴻⵏ ⵜⴻⴼⴼⴻⵔ ⵇⵙⴻⵏⵟⵉⵏⴰ).
ⴰⵙⵄⴻⴷⴷⵉ ⵏ ⵓⴼⴻⵜⵔⴰⵡ-ⴰ ⴷⴻⴳ ⵜⵣⴻⵇⵇⴰ ⵏ ⵢⵉⵀⴰⵏⴰⵢⴻⵏ (ⵄⵓⵔⵓⴹ) ⵏ ⵃⵎⴻⴷ ⴱⴰⵢ ⵃⴻⴷⵕⴻⵏ ⴷⴻⴳ-ⵙ ⴰⵟⴰⵙ ⵏ ⵍⵖⴰⵛⵉ, ⵢⴻⵔⵏⵓ ⵉⴼⵓⵕⴻⵙ ⵢⴻⵎⵙⴻⴹⵔⵓ-ⴰ ⴰⴷ ⴷ-ⵢⵉⵏⵉ, ⴷⴻⴳ ⵜⴻⴳⵏⵉⵜ-ⴰ, ⴷⴰⴽⴽⴻⵏ ⵉⴼⴻⵜⵔⴰⵡⴻⵏ ⵖⴻⴼ ⵇⵙⴻⵏⵟⵉⵏⴰ ⵙⴷⵓⵇⵇⵙⴻⵏ-ⴷ ⵉⴷⵍⴻⵙ ⴷⴻⴳ ⵜⴻⵎⴷⵉⵏⵜ-ⴰ ⵢⴻⵔⵏⵓ ⴷ ⴰⵢⴰ ⴰⵢ ⵢⴻⴵⴵⴰⵏ ⵉⵙⴷⴰⵡⴰⵏⴻⵏ, ⵉⵏⵎⴻⵣⵔⵓⵢⴻⵏ ⴷ ⵢⴻⵎⵙⴻⴹⵔⴰ ⴰⴷ ⵣⴷⵉⵏ ⵉⵖⴰⵍⵍⴻⵏ ⴰⴽⴽⴻⵏ ⴰⴷ ⴷ-ⴳⴻⵏ ⵉⵅⴻⴷⴷⵉⵎⴻⵏ ⴷ-ⵢⴻⵙⴱⴰⵏⴰⵢⴻⵏ ⴰⵎⴻⵣⵔⵓⵢ ⴰⵇⴱⵓⵔ ⵏ ⵙⵉⵔⵜⴰ.
ⵙ ⵓⵊⴻⵎⵎⴰⵍ, 15 ⵏ ⵢⵉⵙⵓⵔⴰ (ⴳⴰⵔ-ⴰⵙⴻⵏ ⵉⴼⴻⵜⵔⴰⵡⴻⵏ, ⵉⵙⵓⵔⴰ ⵉⵡⴻⵣⵍⴰⵍⴻⵏ ⴷ ⵢⵉⵖⴻⵣⴼⴰⵏⴻⵏ) ⴰⵢ ⵢⴻⵇⴱⴻⵍ ⵓⴳⴻⵣⴷⵓ ⵏ ⵙⵙⵉⵏⵉⵎⴰ ⴰⴽⴽⴻⵏ ⴰⴷ ⵜⴻⵏ-ⵉⴷ-ⵢⴻⵙⵄⴻⴷⴷⵉ, ⴳⴰⵔ-ⴰⵙⴻⵏ ⵉⴼⴻⵜⵔⴰⵡⴻⵏ ⵖⴻⴼ ⵓⵎⴻⵖⵔⵓⵙ (ⵛⴰⵀⵉⴷ) ⵀⴰⵎⵍⴰⵧⵓⵉ, ⴰⴼⴻⵜⵔⴰⵡ ⵖⴻⴼ ⵓⵜⵜⴻⴽⴽⵉ ⵏ ⵢⴻⵇⵙⴻⵏⵟⵉⵏⵉⵢⴻⵏ ⴷⴻⴳ ⵢⵉⵎⴻⵏⵖⵉ ⵏ ⵃⵎⴻⴷ ⴱⴰⵢ ⵉ ⵓⵇⴰⴱⴻⵍ ⵏ ⵢⴻⴼⵕⴻⵏⵙⵉⵙⴻⵏ, ⴰⵙⴰⵔⵓ ⴰⵖⴻⵣⴼⴰⵏ ⵏ « ⴻⵍ ⴱⵧⵓⴳⵀⵉ » ⴰⵢ ⴷ-ⵉⵃⴻⴽⴽⵓⵏ ⵜⴰⵃⴽⴰⵢⵜ ⵏ ⴷⵊⴰⴱⴰⵍⵍⴰⵀ ⵙⴰⴰⴷ ⴰⵄⴻⵏⵏⴰⴱⵉ ⴷ ⵏⴻⴷⵊⵎⴰ, ⴷ ⵜⵉⵏ ⴰⵢⵙⴻⴳ ⴷ-ⵢⴻⵜⵜⵡⴰⴳⴻⵎ ⵢⵉⵡⴻⵏ ⵙⴻⴳ ⵢⵉⵙⴻⴼⵔⴰ ⵓⵛⴱⵉⵃⴻⵏ ⴰⴽⴽ ⵏ ⵜⵙⴻⴽⵍⴰ.
