ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵉⵎⴻⵏⵖⵉ ⵎⴳⴰⵍ ⵜⵉⴹⴹⵓⵔⴼⴰ: ⵣⵣⴰⵡⵢⴰ ⵏ ⵍⵎⴻⵔⵣⵓⴳⴻⵢⵢⴰ ⵜⴻⵔⵔⴰ-ⴷ ⵉ ⵜⴻⵖⵔⵉ ⵏ ⵓⵙⴻⵍⵡⴰⵢ ⵏ ⴱⵧⵓⵜⴻⴼⵍⵉⴽⴰ
ⴵⴻⵍⴼⴰ – ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⴵⴻⵍⴼⴰ ⴷⴰⴽⴽⴻⵏ ⵕⵕⴰⵢ ⵏ ⵣⵣⴰⵡⵢⴰ ⵏ ⵍⵎⴻⵔⵣⵓⴳⴻⵢⵢⴰ ⵉ ⵓⵃⴰⵕⴻⴱ ⵏ ⵜⵉⴹⴹⵓⵔⴼⴰ ⴷ ⵜⵓⴽⵔⵉⴹⵜ ⴷ ⵜⵉⵔⵉⵔⵉⵜ ⵉ ⵜⴻⵖⵔⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵉ ⵓⵇⴰⴱⴻⵍ ⵏ ⵓⵅⴻⵚⵚⴰⵔ-ⴰ.
ⵎⵉ ⴷ-ⵢⴻⵙⵙⴰⵡⴻⵍ ⴷⴻⴳ ⵜⴰⵣⵡⴰⵔⴰ ⵏ ⵢⵉⵡⴻⵏ ⵏ ⵡⴰⵙⵙ ⵏ ⵜⴻⵣⵔⴰⵡⵜ (ⴷⵉⵔⴰⵙⴰ) ⴰⵢ ⴷ-ⵜⴻⵙⵙⵓⴷⴷⴻⵙ ⵣⵣⴰⵡⵢⴰ ⵏ ⵍⵎⴻⵔⵣⵓⴳⴻⵢⵢⴰ ⴷⴻⴳ ⵜⵖⵉⵡⴰⵏⵜ ⵏ ⴱⴻⵏⵀⴰⵔ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⴰⵙⴻⵏⵜⴻⵍ ⵏ « ⴷⴷⵓⵕ ⵏ ⵣⵣⴰⵡⵢⴰⵜ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⴻⴽⵔⵉⴹⵜ ⴷ ⵜⵉⴹⴹⵓⵔⴼⴰ ⴷⴻⴳ ⵜⵜⴰⵡⵉⵍⴰⵜ ⵉⵎⴰⵢⵏⵓⵜⴻⵏ ⵏ ⵜⴻⵖⵡⴰⵍⵜ » ⴷ ⴰⵙⴻⵏⵜⴻⵍ ⵢⴻⵍⵀⴰⵏ.
ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵢⴰ ⴷ ⵜⵉⵔⵉⵔⵉⵜ ⵉ ⵜⴻⵖⵔⵉ ⵏ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⵉ ⵍⵉⵎⴰⵎⴰⵜ ⴷⴻⴳ ⵢⵉⵏⴰⵡ-ⵏⵏⴻⵙ ⵏ ⵜⵎⴻⵔⵖⵔⴰ ⵏ ⵜⵔⴻⵏⵏⴰⵡⵜ (ⵄⵉⴷ ⴰⵏ-ⵏⴰⵚⵔ) ⵏ 19 ⵎⴻⵖⵔⴻⵙ ⵢⴻⵣⵔⵉⵏ.
ⵙ ⵡⴰⵢⴰ, ⵢⴻⵏⵏⴰ-ⴷ ⴷⴰⴽⴽⴻⵏ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ « ⵉⵄⴻⵢⵢⴻⵏ-ⴷ ⵉ ⵡⴻⵖⵍⴰⵏ ⵖⴻⴼ ⵓⵎⵉⵀⵉ (ⵅⴰⵟⴰⵔ) ⴰⵢ ⴰⵖ-ⵢⴻⵜⵜⵅⴰⵜⴰⵍⴻⵏ, ⵡⵉⵏ ⵏ ⵓⵙⵙⴻⵀⵔⴻⵙ ⴰⵎⴰⵢⵏⵓ ⵓⵔ ⵢⴻⵙⵙⴻⵇⴷⴰⵛⴻⵏ ⵍⴰ ⵉⵙⴻⵔⴷⴰⵙⴻⵏ ⵡⴰⵍⴰ ⵉⵎⴷⴻⵔⵔⵄⴻⵏ (ⵎⵓⴷⴰⵔⵔⴰⵄⴰⵜ), ⵡⴰⵏⴰⴳ ⵢⴻⵙⵙⴻⵇⴷⴰⵛ ⵜⵉⴽⵜⴰ ⵜⵉⴱⴻⵕⵕⴰⵏⵉⵢⵉⵏ ⴷ ⵍⵉⵎⴰⵏ ⵙ ⵜⴽⴻⵔⴽⴰⵙ ».
ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴷⴻⴳ ⵜⴻⴳⵏⵉⵜ-ⴰ, « ⴰⵙⵙⴻⵀⵔⴻⵙ (ⵉⵙⵜⵉⵄⵎⴰⵔ) ⴰⵎⴰⵢⵏⵓ ⵢⴻⵙⵙⴻⵇⴷⴰⵛ ⵜⵜⴰⵡⵉⵍⴰⵜ ⵉⵜⵔⴰⵔⴻⵏ ⴰⴽⴽⴻⵏ ⴰⴷ ⵢⴻⴱⴹⵓ ⴰⵖⵍⴰⵏ ⵉⵏⴻⵙⵍⴻⵎ ⵢⴻⵔⵏⵓ ⴰⴷ ⵉⵄⴰⵡⴻⴷ ⴰⴷ ⵜ-ⵉⴷ-ⵢⴻⴱⵏⵓ ⵖⴻⴼ ⵍⵍⵙⴰⵙ ⵏ ⵟⵟⴰⵢⴼⴰⵜ ⴰⴷ ⵉⵣⴻⵔⵄⴻⵏ ⴱⴻⴹⴹⵓ ⴷⴻⴳ ⵢⵉⵡⴻⵜ ⵏ ⵜⵎⵓⵔⵜ ⴳⴰⵔ ⵢⵉⵙⵓⵏⵏⵉⵢⴻⵏ ⴷ ⵢⵉⵛⵉⵄⵉⵢⴻⵏ, ⵉⴱⴱⴰⴹⵉⵢⴻⵏ ⴷ ⵢⵉⵎⴰⵍⵉⴽⵉⵢⴻⵏ ⴷ ⵢⵉⵣⴰⵢⴷⵉⵢⴻⵏ ⴷ ⵢⵉⵙⵓⵏⵏⵉⵢⴻⵏ ⵢⴻⵔⵏⵓ ⵓⵍⴰ ⴳⴰⵔ ⵢⵉⵎⴰⵙⵉⵃⵉⵢⴻⵏ ⴷ ⵢⵉⵏⵙⴻⵍⵎⴻⵏ ».
« ⵢⴰⵍ ⵜⴰⵎⵓⵔⵜ ⵢⴻⵍⵍⴰⵏ ⴷⴻⴳ ⵓⵎⴰⴹⴰⵍ ⵉⵏⴻⵙⵍⴻⵎ ⵉⵃⵓⴽⴻⵕ-ⵉⵜⵜ ⵢⴻⵙⵡⵉ-ⴰ ⵏ ⵓⵙⵙⴻⴼⵛⴻⵍ ⵏ ⵜⴰⵖⴻⵛⵜ ⵏ ⵓⵡⴰⵏⴰⴽ (ⴷⴰⵡⵍⴰ) ⴰⴽⴽⴻⵏ ⴰⴷ ⵢⵓⵖⴰⵍ ⵓⵡⴰⵏⴰⴽ ⵓⵔ ⵢⴻⵙⵄⵉ ⴰⴽⴽ ⴰⵏⴰⵎⴻⴽ, ⵢⴻⵔⵏⵓ ⵓⵍⴰ ⴷ ⵍⴷⵣⴰⵢⴻⵔ ⵢⴻⵔⵣⴰ-ⵜⵜ ⵡⴰⵢⴰ, ⵜⵉⵏ ⵢⴻⵍⵍⴰⵏ ⴷ ⵜⴰⵎⵓⵔⵜ ⵏ ⵓⵎⴻⵍⵢⵓⵏ ⴷ ⵡⴻⵣⴳⴻⵏ ⵏ ⵢⵉⵎⴻⵖⵔⵓⵙⴻⵏ, ⵜⵉⵏ ⴰⵢ ⴱⵖⴰⵏ ⴰⴷ ⵜⵜ-ⴱⴹⵓⵏ ⴽⵔⴰ ⴷ ⵉⵡⴰⵏⴰⴽⴻⵏ ⵉⵎⴻⵥⵢⴰⵏⴻⵏ ⴷ ⵟⵟⴰⵢⴼⴰⵜ ⴰⴷ ⵢⴻⵜⵜⵏⴰⵖⴻⵏ ⴳⴰⵔ-ⴰⵙⴻⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⵧⵀⴰⵎⴻⴷ ⴰⵉⵙⵙⴰ.
