Asebter amenzawi

Tagrawt tagernabaḍit n weswir ɛlayen ger Lezzayer d Fṛansa ad d-tili tedwilt tis 3 lḥedd di Lezzayer

LEZZAYER TAMANAɣT- Tqdwilt tis kṛaḍ n tegrawt tagernabaḍit n weswir ɛlayen ger Lezzayer d Fṛansa (CIHN), ad d-teḍṛu ass n lḥedd di Lezzayer ddaw uselwi ucrik n yineɣlafen imezwura n snat n tmura, Abdelmalek Sellal d Manuel Valls.

Anejmuɛ-agi yekcem di tirza ara yexdem Mas Valls ɣer Lezzayer, ass n ssebt d lḥedd, ara d-yufraren s temliliyin timazdayin ger yemḍebbṛen aɛlayanen izzayriyen d yifṛansawiyen almend n wezraw n tmuɣliwin n wemɛiwen ger snat n tmura.

Ladɣa ayen yerzan aḥric n temguri, n tfellaḥt, n waman akk d twennaḍt, asegmi, amesni, tiɣawsiwin n daxel akk d teɣdemt, aselmed unnig, idles akk tɣawsiwin n ddin.

Daɣen, tadwilt tis kṛaḍ n tegrawt CIHN ad d-telhu s wezraw n kuẓ isenfaren n yemtawiyen yerzan aḍṛu, lgaz, tussna tamgurant akk d ttawilat uselḥu akk d usmuqel anemḍayan.