ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⵒⴰⵣⴰ: ⵉⵙⴻⵏⴼⴰⵔⴻⵏ ⵉⵎⴻⵇⵔⴰⵏⴻⵏ ⵏ ⵜⵎⴻⵔⵔⵉⵜ ⵉ ⵓⵀⴻⵢⵢⵉ ⵏ 18.000 ⵏ ⵡⵓⵙⵓⵜⴻⵏ

ⵜⵉⵒⴰⵣⴰ - ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷ ⵜⵎⴻⵔⵔⵉⵜ, ⴰⵎⴰⵔ ⴳⵀⵧⵓⵍ, ⴰⵙⵙ ⵏ ⵍⴻⵅⵎⵉⵙ, ⴷⴰⴽⴽⴻⵏ ⴰⴷ ⴷ-ⵉⵍⵉⵏ ⴷⴻⴳ ⵜⵉⵒⴰⵣⴰ ⴰⵛⵃⴰⵍ ⵏ ⵢⵉⵙⴻⵏⴼⴰⵔⴻⵏ ⵏ ⵜⵎⴻⵔⵔⵉⵜ (ⵙⵉⵢⴰⵃⴰ) ⴰⴷ ⵢⴻⵙⵙⵉⵡⴹⴻⵏ ⵜⴰⵣⵎⴻⵔⵜ ⵏ ⵓⵎⵎⴰⴳⴻⵔ ⵏ ⵜⵡⵉⵍⴰⵢⵜ-ⴰ ⵖⴻⵔ 18.000 ⵏ ⵡⵓⵙⵓⵜⴻⵏ.

ⵎⵉ ⴷ-ⵢⴻⵙⵙⴰⵡⴻⵍ ⴷⴻⴳ ⵜⴻⵎⵍⵉⵍⵉⵜ ⵏ ⵓⵇⴻⴷⴷⴻⵎ ⵏ ⵓⵣⴻⵏⵣⵉⵖ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷⴻⴳ ⵡⴻⵅⵅⴰⵎ ⵏ ⵜⵡⵉⵍⴰⵢⵜ-ⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵜⵉⵒⴰⵣⴰ ⴰⴷ ⵜⴻⵙⵄⵓ ⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵉⵎⴻⵇⵔⴰⵏⴻⵏ ⵏ ⵜⵎⴻⵔⵔⵉⵜ ⴰⴷ ⵢⴻⵙⵎⴻⵖⵔⴻⵏ ⵜⴰⵣⵎⴻⵔⵜ-ⵏⵏⴻⵙ ⵏ ⵓⵎⵎⴰⴳⴻⵔ ⵙⴻⴳ 2.000 ⵏ ⵡⵓⵙⵓⵜⴻⵏ (ⴰⴽⴽⴻⵏ ⵜⴻⵍⵍⴰ ⵉⵎⵉⵔ-ⴰ) ⵖⴻⵔ 20.000 ⵏ ⵡⵓⵙⵓⵜⴻⵏ ⵙ ⵍⵇⵉⵙ ⴰⵍⴻⵎⵎⴰⵙ.

ⵙ ⵡⴰⵢⴰ, ⵉⴳⴻⵔ-ⴷ ⵜⵉⵖⵔⵉ ⵉ ⵢⵉⴷⵓⴱⴰ ⵉⵙⵍⴻⴽⵎⴰⵏⴻⵏ (ⵜⴰⵏⴼⵉⴷⵉⵢⵢⴰ) ⵏ ⵜⵡⵉⵍⴰⵢⵜ-ⴰ ⴰⴽⴽⴻⵏ ⴰⴷ ⴱⴻⴷⴷⴻⵏ ⵖⴻⵔ ⵢⵉⴷⵉⵙ ⵏ ⵓⵣⴻⵏⵣⵉⵖ ⴰⵖⴻⵍⵏⴰⵡ ⵏ ⵓⵀⴻⵢⵢⵉ ⵏ ⵡⴰⴽⴰⵍ ⴷⴻⴳ ⵓⴽⴰⵜⴰⵔ ⵏ ⵜⵎⵓⵖⵍⵉ ⵜⴰⵖⴻⵍⵏⴰⵡⵜ ⵢⴻⵎⵜⴰⵡⴰⵏ ⵢⴻⵔⵏⵓ ⴷ ⵜⵉⵏ ⵢⴻⵙⵙⵎⴰⴷⴰⵢⴻⵏ ⵉⵃⵔⵉⵛⴻⵏ ⵉⴷⴰⵎⵙⴰⵏⴻⵏ ⵏⵉⴹⴻⵏ.

ⵢⴻⵔⵣⴰ ⵎⴰⵙⵙ ⴳⵀⵧⵓⵍ ⵖⴻⴼ ⵡⴰⵟⴰⵙ ⵏ ⵢⵉⵙⴻⵏⴼⴰⵔⴻⵏ ⵏ ⵡⴻⵃⵔⵉⵛ-ⵏⵏⴻⵙ ⵖⴻⵔ ⵢⵉⴷⵉⵙ ⵏ ⵓⵡⴰⵍⵉ ⵏ ⵜⵉⵒⴰⵣⴰ, ⴰⴱⴷⴻⵍⴽⴰⴷⴻⵔ ⴽⴰⴷⵉ, ⵢⴻⵔⵏⵓ ⵙⵙⴻⵔⵙⴻⵏ ⴰⵥⵔⵓ ⴰⵎⴻⵣⵡⴰⵔⵓ ⴷⴻⴳ ⵍⴻⴱⵏⵉ ⵏ ⵢⵉⵙⵓⴷⴷⵉⵙⴻⵏ (ⵎⵓⵔⴰⴽⴽⴰⴱⴰⵜ) ⴷ ⵢⵉⵖⴻⵔⵎⴰⵏ ⵉⵎⴻⵔⵔⴰⵢⴰⵏⴻⵏ ⴷⴻⴳ ⵜⵡⵉⵍⴰⵢⵜ-ⴰ. ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ « ⵜⵉⵒⴰⵣⴰ ⵜⴻⵍⵍⴰ-ⴷ ⴷ ⴰⵎⵓⵜⵓⵔ ⴰⴷ ⵢⴻⵙⵙⴻⴷⴷⵓⵏ ⵜⴰⵎⴻⵔⵔⵉⵜ ⴷⴻⴳ ⵍⴻⵣⵣⴰⵢⴻⵔ ».

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵉⴳⴻⵔ-ⴷ ⵓⵏⴻⵖⵍⴰⴼ ⵜⵉⵖⵔⵉ ⵉ ⵓⴼⴰⵕⴻⵙ ⵏ ⵜⴻⴳⵏⵉⵜ ⵉ ⵓⵙⵙⴻⴼⵜⵉ ⴷⴻⴳ ⵜⴻⵎⵏⴰⴹⵜ ⵏ ⵓⵙⵙⴻⵎⵖⴻⵔ ⵏ ⵜⵎⴻⵔⵔⵉⵜ ⵏ ⵎⴰⵟⴰⵔⵉⵙ-ⵛⵛⴻⵏⵡⴰ ⴰⵢ ⴷ-ⵜⴻⵙⵙⴻⴱⴷⴻⴷ ⵜⵡⵉⵍⴰⵢⵜ ⴰⵙⵙ ⵏ ⵍⴰⵕⴻⴱⵄⴰ. ⵜⴰⵎⵏⴰⴹⵜ-ⴰ ⴰⴷ ⵜⴻⵙⵄⵓ 30 ⵏ ⵢⵉⵙⴻⵏⴼⴰⵔⴻⵏ ⵉⵎⴻⵔⵔⴰⵢⴰⵏⴻⵏ ⴰⴷ ⵢⴻⴹⴹⴼⴻⵏ 157 ⵏ ⵢⵉⵇⴻⵟⵟⴰⵔⴻⵏ.

ⵎⴰⵙⵙ ⴳⵀⵧⵓⵍ ⵢⴻⵛⴽⴻⵕ-ⴷ ⴷⴰⵖ ⵓⵙⵙⵉⵙⴻⵏ (ⵎⴰⴵⵀⵓⴷⴰⵜ) ⵏ ⵓⵡⴰⵍⵉ ⴰⵢ ⵢⴻⵙⵙⴻⴷⴷⴰⵏ ⵍⴻⵛⵖⴰⵍ-ⴰ ⵖⴻⵔ ⵙⴷⴰⵜ ⴷⴻⴼⴼⵉⵔ ⵎⴰ ⵃⴻⴱⵙⴻⵏ ⴰⵣⴰⵍ ⵏ 10 ⵏ ⵢⵉⵙⴻⴳⴳⴰⵙⴻⵏ.