ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⵙⵕⴰⵢⵉⵍ ⵜⴻⴱⴷⴰ ⵍⴻⴱⵏⵉ ⵏ ⵡⴻⵖⵔⴰⴱ ⵏ ⵓⴱⴻⴹⴹⵓ ⴷⴻⴳ ⵜⴻⵎⴷⵉⵏⵜ ⵏ ⴱⴰⵢⵜⵍⴰⵃⵎ

ⴱⴰⵢⵜⵍⴰⵃⵎ (ⴰⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ) – ⴱⴷⴰⵏ ⵢⵉⴷⵓⴱⴰ ⵉⵙⵕⴰⵢⵉⵍⵉⵢⴻⵏ ⵍⴻⴱⵏⵉ ⵏ ⵢⵉⵡⴻⵏ ⵏ ⵡⴻⵖⵔⴰⴱ ⵏ ⵓⴱⴻⴹⴹⵓ, ⵢⴻⴼⴼⵖⴻⵏ ⵉ ⵍⵇⴰⵏⵓⵏ ⵖⴻⴼ ⵍⴻⵃⵙⴰⴱ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ, ⴷⴻⴳ ⵜⴻⵎⴷⵉⵏⵜ ⵏ ⴱⴰⵢⵜⵍⴰⵃⵎ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵜⵜⵡⴰⴹⴹⴼⴻⵏ, ⵢⴻⵔⵏⵓ ⴷ ⴰⵢⴰ ⴰⵢ ⴷ-ⵢⴻⵙⵏⴻⴽⵔⴻⵏ ⵢⵉⵡⴻⵏ ⵏ ⵡⴻⵣⴱⵓ (ⵎⵓⵇⴰⵡⴰⵎⴰ) ⴷ ⴰⵇⴻⵙⵃⴰⵏ ⵙⵖⵓⵔ ⵢⵉⴼⴰⵍⴻⵙⵟⵉⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ ⴰⵙⵙ ⵏ ⵍⴻⵅⵎⵉⵙ.

ⴱⴷⴰⵏ ⵢⴻⵎⵙⴰⵙⴰⵢⴻⵏ (ⵔⴰⴼⵉⵄⴰⵜ), ⴰⵙⵙ ⵏ ⵍⴻⵅⵎⵉⵙ, ⵙⵔⵓⵙⵓⵢⴻⵏ ⵉⵃⴻⴷⵔⴻⵏ ⵏ ⵓⴱⵉⵟⵓⵏ ⵏ 8 ⵏ ⵍⵎⵉⵜⵔⴰⵜ ⵏ ⵍⴻⵄⵍⵓ ⴷⴻⴳ ⵢⵉⵡⴻⵏ ⵏ ⵡⴻⵎⴽⴰⵏ ⵉⵇⴻⵔⴱⴻⵏ ⵖⴻⵔ ⵜⴻⵎⴷⵉⵏⵜ ⵏ ⴱⴰⵢⵜⵍⴰⵃⵎ, ⵖⴻⴼ ⵍⴻⵃⵙⴰⴱ ⵏ ⵜⵜⴰⵡⵉⵍⴰⵜ ⵏ ⵢⵉⵙⴰⵍⴰⵏ.

ⵍⴻⴱⵏⵉ ⵏ ⵡⴻⵖⵔⴰⴱ-ⴰ ⴷⴻⴳ ⵜⴻⵎⵏⴰⴹⵜ ⵏ ⵜⴻⵎⴷⵉⵏⵜ-ⴰ « ⵢⴻⴷⴷⴰ ⴷ ⵜⵙⴻⵔⵜⵉⵜ ⵏ ⴰⵒⴰⵔⵜⵀⴻⵉⴷ (ⵜⴰⵎⴻⵃⵢⴰⴼⵜ) ⵏ ⵓⵏⴰⴱⴰⴹ ⵉⵙⵕⴰⵢⵉⵍⵉ ⴷⴻⴳ ⵓⴳⴻⵎⵎⴰⴹ ⵓⵜⵔⵉⵎ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵅⴰⵠⵉⴻⵔ ⴰⴱⵧⵓ ⴻⵉⴷ, ⴰⵏⴻⵟⵟⴰⵇ ⵏ ⵜⵓⴷⴷⵙⴰ ⵏ ⵡⴻⵙⵍⴻⵍⵍⵉ ⵏ ⴼⴰⵍⴻⵙⵟⵉⵏ.

ⵉⴼⴰⵍⴻⵙⵟⵉⵏⵉⵢⴻⵏ ⵓⵔ ⵇⴱⵉⵍⴻⵏ ⵍⴻⴱⵏⵉ ⵏ ⵡⴻⵖⵔⴰⴱ-ⴰ ⵢⴻⵔⵏⵓ ⴳⴰⵏ ⴰⵣⴱⵓ ⵎⴳⴰⵍ ⵍⴻⴱⵏⵉ-ⵏⵏⴻⵙ, ⵍⴰⴷⵖⴰ ⵉⴼⴰⵍⴻⵙⵟⵉⵏⵉⵢⴻⵏ ⵉⵎⴰⵙⵉⵃⵉⵢⴻⵏ ⴰⵢ ⵢⴻⵙⵙⴰⵡⴹⴻⵏ ⴰⴷ ⵙⵇⴻⵏⵄⴻⵏ ⵓⵍⴰ ⴷ ⴰⴱⴰⴱⴰⵙ ⴰⴽⴰⵟⵓⵍⵉ ⴰⴽⴽⴻⵏ ⴰⴷ ⴷ-ⵉⴳⴻⵔ ⵉⵎⴰⵏ-ⵏⵏⴻⵙ ⵉ ⵍⴼⴰⵢⴷⴰ-ⵏⵙⴻⵏ. ⴰⵎⵖⵉⵡⴰⵏ ⴰⵎⴰⵙⵉⵃⵉ ⴰⴼⴰⵍⴻⵙⵟⵉⵏⵉ ⵉⴳⴰ ⴰⵟⴰⵙ ⵏ ⵜⵎⴻⵙⴱⴰⵏⵉⵢⵉⵏ ⵢⴻⵔⵏⵓ ⵢⴻⵙⵙⴰⵡⴻⴹ ⵜⴰⵎⵙⴰⵍⵜ ⵓⵍⴰ ⵖⴻⵔ ⵛⵛⵕⴻⵄ ⵉⵙⵕⴰⵢⵉⵍⵉ.

ⵉⵎⴻⵣⴷⴰⵖⴻⵏ ⵏ ⵜⴻⵎⵏⴰⴹⵜ-ⴰ ⵛⵛⴻⵜⴽⴰⵏ-ⴷ ⴷⴰⵖ ⵖⴻⴼ ⵜⵓⴽⴽⵙⴰ ⵏ ⵡⴰⴽⴰⵍ-ⵏⵙⴻⵏ ⴷ ⵓⴱⴻⴹⴹⵓ ⵏ ⵜⵎⴻⴷⴷⵓⵔⵜ-ⵏⵙⴻⵏ. ⵉⵣⵉⵔⵉⴳ ⴰⴷ ⵢⴻⴹⴼⴻⵔ ⵡⴻⵖⵔⴰⴱ-ⴰ ⴷ ⵜⵜⴰⵡⵉⵍ ⴰⴷ ⵜⴻⵙⵙⴻⵇⴷⴻⵛ ⵉⵙⵕⴰⵢⵉⵍ ⴰⴽⴽⴻⵏ ⴰⴷ ⵜⴻⵙⵙⴻⵎⵖⴻⵔ ⴰⴽⴰⵍ ⵏ ⵜⵀⴻⵔⵙⵉⵏ (ⵎⵓⵙⵜⴰⵡⵟⴰⵏⴰⵜ) ⴰⵢ ⴷ-ⵉⵇⴻⵔⴱⴻⵏ ⵖⴻⵔ ⵜⴻⵎⵏⴰⴹⵜ-ⴰ, ⵢⵉⵍⵉ ⵓⵍⴰ ⴷ ⵜⵉⵀⴻⵔⵙⵉⵏ-ⵏⵏⵉ ⴼⴼⵖⴻⵏⵜ ⵉ ⵍⵇⴰⵏⵓⵏ ⵖⴻⴼ ⵍⴻⵃⵙⴰⴱ ⵏ ⵍⵇⴰⵏⵓⵏ ⴰⴳⵔⴰⵖⵍⴰⵏ.

ⵉⵙⵕⴰⵢⵉⵍ ⵜⴻⴱⴷⴰ ⵜⴱⴻⵏⵏⵓ ⴰⵖⵔⴰⴱ ⵏ ⵓⴱⴻⴹⴹⵓ ⵏ ⵓⴳⴻⵎⵎⴰⴹ ⵓⵜⵔⵉⵎ ⴷⴻⴳ 2002, ⵎⵉ ⴷ-ⵜⴻⵍⵍⴰ ⵜⵏⴻⴽⵔⴰ-ⵏⵏⵉ ⵏ ⵍⵉⵏⵜⵉⴼⴰⴹⴰ. ⴰⵖⵔⴰⴱ ⴰⵎⴻⵇⵔⴰⵏ ⵏ ⵓⴱⴻⴹⴹⵓ ⵏ ⵓⴳⴻⵎⵎⴰⴹ ⵓⵜⵔⵉⵎ ⵡⴻⵊⴷⴻⵏ-ⴷ ⵙⴻⴳ-ⵙ ⵙⵉⵏ ⵏ ⵢⵉⵎⵓⵔⴻⵏ ⵖⴻⴼ 3 ⵢⴻⵔⵏⵓ, ⴰⵙⵎⵉ ⴰⴷ ⵉⴼⴰⴽ, ⴰⴷ ⵢⴻⵙⵄⵓ 700 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵜⴻⵖⵣⴻⴼ. ⴰⵖⵔⴰⴱ-ⴰ ⴷ ⵢⵉⵡⴻⵏ ⵙⴻⴳ ⵍⴻⵛⵖⴰⵍ ⵢⴻⵙⵙⴻⵅⵍⴰⵄⴻⵏ ⴰⴽⴽ ⵏ ⵜⵓⴹⴹⴼⴰ ⵜⵉⵙⵕⴰⵢⵉⵍⵉⵜ ⴷⴻⴳ ⴼⴰⵍⴻⵙⵟⵉⵏ ⵢⴻⵔⵏⵓ ⴷ ⵢⵉⵡⴻⵏ ⵙⴻⴳ ⵢⵉⵣⵓⵎⴰⵍ ⵢⴻⵜⵜⵡⴰⴽⴻⵕⵀⴻⵏ ⴰⴽⴽ ⴷⴻⴳ ⵜⴰⵍⵓⴼⵜ-ⴰ ⵏ ⵓⵙⵙⴻⵀⵔⴻⵙ-ⴰ (ⵉⵙⵜⵉⵄⵎⴰⵔ).

ⴰⵖⵔⴰⴱ-ⴰ ⵢⴻⵙⵙⴻⵡⵄⴻⵕ-ⴰⵙⴻⵏ ⵎⵍⵉⵃ ⵜⴰⵎⴻⴷⴷⵓⵔⵜ ⵉ ⵢⵉⴼⴰⵍⴻⵙⵟⵉⵏⵉⵢⴻⵏ ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴰ ⵜⵉⵍⵉⵙⴰ ⵜⵉⵎⴰⵢⵏⵓⵜⵉⵏ ⵉ ⵢⵉⴽⴰⵍⴻⵏ ⵉⴼⴰⵍⴻⵙⵟⵏⵉⵢⴻⵏ ⵉⵎⵉ 85% ⵙⴻⴳ ⵡⴻⵖⵔⴰⴱ-ⴰ ⵢⵓⵙⴰ-ⴷ ⴷⴻⴳ ⵡⴰⴽⴰⵍ ⵏ ⵓⴳⴻⵎⵎⴰⴹ ⵓⵜⵔⵉⵎ ⵢⴻⵔⵏⵓ ⵢⴻⵄⵣⴻⵍ 9,4% ⵙⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵏⵏⴰⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ.