Asebter amenzawi

Zzawyat: tiɣri i webdad i yiɣeblan n yilemẓiyen (lewṣayat)

ǦELFA – Gren-d tiɣri yemttekkiyen deg wass n tezrawt ay d-yellan deg zzawya n Lmerzugeyya deg tɣiwant n Benhar, deg Ǧelfa, ass n lexmis, i webdad i yiɣeblan n yilemẓiyen.

Deg lewṣayat n wemyager-a yesɛan asentel n « Dduṛ n zzawyat deg yimenɣi mgal tekriḍt d tiḍḍurfa deg ttawilat imaynuten n teɣwalt (ittiṣal) » d-yellan ddaw tselwit n uneɣlaf n tɣawsiwin n ddin, Mohamed Aissa, gren-d tiɣri yemttekkiyen i « lecyax n zzawyat akken ad fken ugar n wazal i yiɣeblan n yilemẓiyen s ussuddes (tanḍim) n yisaragen d temliliyin n wesḥulfu » deg temsalt-a.

Nnan-d daɣ yessefk ad d-ilin yiseqquma ussnanen deg zzawyat, d wid aydeg ad ttekkin yimazzayen (xubara’) n tmezzugin (ixtiṣaṣat) yemgerraden.

Ssutren daɣ yimasayen (mas’ulin) n zzawyat seg weɣlif n tɣawsiwin n ddin d uwali n Ǧelfa, Abdelkader Djelaoui, akken ad rren amyager-a yettili-d yal aseggas.

Tger-d daɣ zzawya-a tiɣri i yineɣmasen d yemxemmemen akken ad xemmemen ɣef usentel (mawḍuɛ) n wemyager ay d-yetteddun aydeg ad d-yili wawal ɣef ttawilat yelhan i uqeddem n tṣufit d yedles n zzawyat i yilemẓiyen.

Imttekkiyen rran daɣ tajmilt i yenmahalen (sufara’) n Maṣer, Falesṭin d Lekwit ay iḥedṛen deg yemyager-a.