ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵣⵣⴰⵡⵢⴰⵜ: ⵜⵉⵖⵔⵉ ⵉ ⵡⴻⴱⴷⴰⴷ ⵉ ⵢⵉⵖⴻⴱⵍⴰⵏ ⵏ ⵢⵉⵍⴻⵎⵥⵉⵢⴻⵏ (ⵍⴻⵡⵚⴰⵢⴰⵜ)
ⴵⴻⵍⴼⴰ – ⴳⵔⴻⵏ-ⴷ ⵜⵉⵖⵔⵉ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵡⴰⵙⵙ ⵏ ⵜⴻⵣⵔⴰⵡⵜ ⴰⵢ ⴷ-ⵢⴻⵍⵍⴰⵏ ⴷⴻⴳ ⵣⵣⴰⵡⵢⴰ ⵏ ⵍⵎⴻⵔⵣⵓⴳⴻⵢⵢⴰ ⴷⴻⴳ ⵜⵖⵉⵡⴰⵏⵜ ⵏ ⴱⴻⵏⵀⴰⵔ, ⴷⴻⴳ ⴵⴻⵍⴼⴰ, ⴰⵙⵙ ⵏ ⵍⴻⵅⵎⵉⵙ, ⵉ ⵡⴻⴱⴷⴰⴷ ⵉ ⵢⵉⵖⴻⴱⵍⴰⵏ ⵏ ⵢⵉⵍⴻⵎⵥⵉⵢⴻⵏ.
ⴷⴻⴳ ⵍⴻⵡⵚⴰⵢⴰⵜ ⵏ ⵡⴻⵎⵢⴰⴳⴻⵔ-ⴰ ⵢⴻⵙⵄⴰⵏ ⴰⵙⴻⵏⵜⴻⵍ ⵏ « ⴷⴷⵓⵕ ⵏ ⵣⵣⴰⵡⵢⴰⵜ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⴻⴽⵔⵉⴹⵜ ⴷ ⵜⵉⴹⴹⵓⵔⴼⴰ ⴷⴻⴳ ⵜⵜⴰⵡⵉⵍⴰⵜ ⵉⵎⴰⵢⵏⵓⵜⴻⵏ ⵏ ⵜⴻⵖⵡⴰⵍⵜ (ⵉⵜⵜⵉⵚⴰⵍ) » ⴷ-ⵢⴻⵍⵍⴰⵏ ⴷⴷⴰⵡ ⵜⵙⴻⵍⵡⵉⵜ ⵏ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ, ⵎⵧⵀⴰⵎⴻⴷ ⴰⵉⵙⵙⴰ, ⴳⵔⴻⵏ-ⴷ ⵜⵉⵖⵔⵉ ⵢⴻⵎⵜⵜⴻⴽⴽⵉⵢⴻⵏ ⵉ « ⵍⴻⵛⵢⴰⵅ ⵏ ⵣⵣⴰⵡⵢⴰⵜ ⴰⴽⴽⴻⵏ ⴰⴷ ⴼⴽⴻⵏ ⵓⴳⴰⵔ ⵏ ⵡⴰⵣⴰⵍ ⵉ ⵢⵉⵖⴻⴱⵍⴰⵏ ⵏ ⵢⵉⵍⴻⵎⵥⵉⵢⴻⵏ ⵙ ⵓⵙⵙⵓⴷⴷⴻⵙ (ⵜⴰⵏⴹⵉⵎ) ⵏ ⵢⵉⵙⴰⵔⴰⴳⴻⵏ ⴷ ⵜⴻⵎⵍⵉⵍⵉⵢⵉⵏ ⵏ ⵡⴻⵙⵃⵓⵍⴼⵓ » ⴷⴻⴳ ⵜⴻⵎⵙⴰⵍⵜ-ⴰ.
ⵏⵏⴰⵏ-ⴷ ⴷⴰⵖ ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏ ⵢⵉⵙⴻⵇⵇⵓⵎⴰ ⵓⵙⵙⵏⴰⵏⴻⵏ ⴷⴻⴳ ⵣⵣⴰⵡⵢⴰⵜ, ⴷ ⵡⵉⴷ ⴰⵢⴷⴻⴳ ⴰⴷ ⵜⵜⴻⴽⴽⵉⵏ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏ ⵜⵎⴻⵣⵣⵓⴳⵉⵏ (ⵉⵅⵜⵉⵚⴰⵚⴰⵜ) ⵢⴻⵎⴳⴻⵔⵔⴰⴷⴻⵏ.
ⵙⵙⵓⵜⵔⴻⵏ ⴷⴰⵖ ⵢⵉⵎⴰⵙⴰⵢⴻⵏ (ⵎⴰⵙ’ⵓⵍⵉⵏ) ⵏ ⵣⵣⴰⵡⵢⴰⵜ ⵙⴻⴳ ⵡⴻⵖⵍⵉⴼ ⵏ ⵜⵖⴰⵡⵙⵉⵡⵉⵏ ⵏ ⴷⴷⵉⵏ ⴷ ⵓⵡⴰⵍⵉ ⵏ ⴵⴻⵍⴼⴰ, ⴰⴱⴷⴻⵍⴽⴰⴷⴻⵔ ⴷⵊⴻⵍⴰⵧⵓⵉ, ⴰⴽⴽⴻⵏ ⴰⴷ ⵔⵔⴻⵏ ⴰⵎⵢⴰⴳⴻⵔ-ⴰ ⵢⴻⵜⵜⵉⵍⵉ-ⴷ ⵢⴰⵍ ⴰⵙⴻⴳⴳⴰⵙ.
ⵜⴳⴻⵔ-ⴷ ⴷⴰⵖ ⵣⵣⴰⵡⵢⴰ-ⴰ ⵜⵉⵖⵔⵉ ⵉ ⵢⵉⵏⴻⵖⵎⴰⵙⴻⵏ ⴷ ⵢⴻⵎⵅⴻⵎⵎⴻⵎⴻⵏ ⴰⴽⴽⴻⵏ ⴰⴷ ⵅⴻⵎⵎⴻⵎⴻⵏ ⵖⴻⴼ ⵓⵙⴻⵏⵜⴻⵍ (ⵎⴰⵡⴹⵓⵄ) ⵏ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ ⴰⵢⴷⴻⴳ ⴰⴷ ⴷ-ⵢⵉⵍⵉ ⵡⴰⵡⴰⵍ ⵖⴻⴼ ⵜⵜⴰⵡⵉⵍⴰⵜ ⵢⴻⵍⵀⴰⵏ ⵉ ⵓⵇⴻⴷⴷⴻⵎ ⵏ ⵜⵚⵓⴼⵉⵜ ⴷ ⵢⴻⴷⵍⴻⵙ ⵏ ⵣⵣⴰⵡⵢⴰⵜ ⵉ ⵢⵉⵍⴻⵎⵥⵉⵢⴻⵏ.
ⵉⵎⵜⵜⴻⴽⴽⵉⵢⴻⵏ ⵔⵔⴰⵏ ⴷⴰⵖ ⵜⴰⵊⵎⵉⵍⵜ ⵉ ⵢⴻⵏⵎⴰⵀⴰⵍⴻⵏ (ⵙⵓⴼⴰⵔⴰ’) ⵏ ⵎⴰⵚⴻⵔ, ⴼⴰⵍⴻⵙⵟⵉⵏ ⴷ ⵍⴻⴽⵡⵉⵜ ⴰⵢ ⵉⵃⴻⴷⵕⴻⵏ ⴷⴻⴳ ⵢⴻⵎⵢⴰⴳⴻⵔ-ⴰ.
