ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⴳⴰⵔ ⵏ 7.700 ⵏ ⵜⵏⴻⵣⴷⵓⵖⵉⵏ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴷⴻⴳ ⵜⵙⴻⵎⵙⵉⵍⵜ

ⵜⵉⵙⴻⵎⵙⵉⵍⵜ – 7.768 ⵏ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ (ⵄⵓⵎⵓⵎⵉⵢⵢⴰ) ⵏ ⵍⴻⴽⵔⴰ ⴰⵢ ⵍⴰ ⵢⴻⵜⵜⵡⴰⴱⵏⴰⵢⴻⵏ ⴷⴻⴳ ⵜⵡⵉⵍⴰⵢⵜ ⵏ ⵜⵙⴻⵎⵙⵉⵍⵜ ⵉ ⵓⴼⴻⵔⵔⵓ ⵏ ⵡⵓⴳⵓⵔ ⵏ ⵜⵏⴻⵣⴷⵓⵖⵜ ⵉⵅⵓⵚⵚⴻⵏ ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⴻⵅⵎⵉⵙ, ⵓⵡⴰⵍⵉ ⴰⴱⴷⴻⵍⵀⴰⵎⵉⴷ ⴳⵀⴰⵣⵉ.

ⴷⴻⴳ ⵡⴻⵎⵢⴰⴳⴻⵔ ⴰⵎⴰⵢⵢⵓⵔ (ⵛⴰⵀⵔⵉ) ⴷ ⵜⵖⴻⵎⵙⴰ ⵉ ⵜⵓⴽⵛⵉ ⵏ ⵢⵉⵙⴰⵍⴰⵏ ⵢⴻⵔⵣⴰⵏ ⵜⴰⵏⴻⵣⴷⵓⵖⵜ, ⵢⴻⵏⵏⴰ-ⴷ ⵓⵡⴰⵍⵉ ⴷⴰⴽⴽⴻⵏ ⵜⴰⵏⴻⵣⴷⵓⵖⵜ-ⴰ ⵍⴰ ⵜⴻⵜⵜⵡⴻⴱⵏⴰⵢ ⴷⴻⴳ ⵜⵖⵉⵡⴰⵏⵉⵏ ⵢⴻⵎⴳⴻⵔⵔⴰⴷⴻⵏ ⵏ ⵜⵡⵉⵍⴰⵢⵜ ⵢⴻⵔⵏⵓ ⴰⴼⵎⵉⴹⵉ (ⵏⵉⵙⴱⴰ) ⵏ ⵡⴻⵡⵊⴰⴷ ⵏ ⵢⵉⵙⴻⵏⴼⴰⵔⴻⵏ-ⴰ ⵢⴻⵍⵍⴰ-ⴷ ⴳⴰⵔ 5% ⴷⴻⴳ 60%.

ⴰⵡⴰⵍⵉ ⵍⴰ ⵢⴻⵙⵙⴻⴼⵔⴰⵢ ⴰⴷ ⴼⴰⴽⴻⵏⵜ, ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵓⵙⴻⴳⴳⴰⵙ-ⴰ, 1.580 ⵏ ⵜⵏⴻⵣⴷⵓⵖⵉⵏ ⵏ ⵍⴻⴽⵔⴰ ⴷ ⵜⵉⴷ ⵏ ⵓⵙⵙⴻⵣⴷⴻⵖ ⵏ ⵡⵉⴷ ⵢⴻⵍⵍⴰⵏ ⴷⴻⴳ ⵢⴻⵅⵅⴰⵎⴻⵏ ⵏ ⴷⵉⵔⵉ, ⴳⴰⵔ-ⴰⵙⴻⵏⵜ 700 ⵏ ⵜⵏⴻⵣⴷⵓⵖⵉⵏ ⵜⵉⵏⴰⴳⴷⵓⴷⵉⵏ ⵏ ⵍⴻⴽⵔⴰ ⴷⴻⴳ ⵜⴻⵎⴷⵉⵏⵜ ⵏ ⵜⵙⴻⵎⵙⵉⵍⵜ, ⵢⴻⵔⵏⵓ ⴰⴼⵎⵉⴹⵉ ⵏ ⵡⴻⵡⵊⴰⴷ ⵏ ⵜⵏⴻⵣⴷⵓⵖⵉⵏ-ⴰ ⵜⵉⵏⴻⴳⴳⵓⵔⴰ ⵢⴻⵡⵡⴻⴹ ⵖⴻⵔ 70%.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵓⵡⴰⵍⵉ ⴷⴰⴽⴽⴻⵏ ⵎⴰⵣⴰⵍ ⴰⴷ ⵔⵏⵓⵏⵜ ⴰⴷ ⵜⵜⵡⴻⴱⵏⵓⵏⵜ 6.538 ⵏ ⵜⵏⴻⵣⴷⵓⵖⵉⵏ, ⵎⴰⵛⴰ ⵡⴻⵔⵄⴰⴷ ⵓⵔ ⵢⴻⴱⴷⵉ ⵍⴻⴱⵏⵉ-ⵏⵙⴻⵏⵜ ⵉⵎⵉ ⵡⴻⵔⵄⴰⴷ ⵓⵔ ⴷ-ⵢⴻⵡⵊⵉⴷ ⵜⵜⴰⵡⵉⵍ (ⵜⵉⵕⵎⵉⵙⵉⵏ [ⵛⴰⵔⵉⴽⴰⵜ]) ⴷ ⵡⴰⴽⴰⵍ ⵏ ⵍⴻⴱⵏⵉ, ⴰⵎ ⵡⴰⴽⴽⴻⵏ ⴰⵢ ⵢⴻⵙⵄⴰ ⵓⴷⵉⵡⴰⵏ ⵏ ⵡⴻⵙⵎⴰⵍ ⴷ ⵓⵙⵙⴻⴼⵔⴻⴽ ⴰⵚⵓⴽⴰⵏ (ⵧⵒⴳⵉ) ⴽⵔⴰ ⵏ ⵡⵓⴳⵓⵔⴻⵏ. ⵏⵏⵉⴳ ⵡⴰⵢⴰ, ⵡⴻⵔⵄⴰⴷ ⵓⵔ ⴷ-ⵓⴼⵉⵏ ⴷⴰⵖ ⵜⵉⵏⴰⵔⵉⵢⵉ (ⵎⴰⴽⴰⵜⵉⴱ) ⵏ ⵜⴻⵣⵔⴰⵡⵉⵏ ⴰⵢ ⵉⵡⴰⵜⴰⵏ ⵉ ⵓⵙⴻⵏⴼⴰⵔ-ⴰ.

ⵢⴻⵏⵏⴰ-ⴷ ⴷⴰⵖ ⵎⴰⵙⵙ ⴳⵀⴰⵣⵉ ⴷⴰⴽⴽⴻⵏ ⵜⵜⵡⴰⴽⴽⵙⴻⵏⵜ 820 ⵏ ⵜⵏⴻⵣⴷⵓⵖⵉⵏ ⵉⵅⵓⵚⵚⴻⵏ ⵏⴻⵖ ⵓⵔ ⵉⵡⴰⵜⴰⵏ ⵉ ⵜⵏⴻⵣⴷⵓⵖⵜ ⴷⴻⴳ 11 ⵏ ⵢⵉⵎⵓⴽⴰⵏ ⵏ ⵜⵡⵉⵍⴰⵢⵜ ⵙⴻⴳ ⵡⴰⵙⵎⵉ ⴰⵢ ⵜⴻⴱⴷⴰ ⵜⴻⵎⵣⴻⵍⵜ (ⵄⴰⵎⴰⵍⵉⵢⵢⴰ) ⵏ ⵡⴰⵍⵍⵓⵙ ⵏ ⵓⵙⵙⴻⵣⴷⴻⵖ ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵉⵅⵓⵚⵚⴻⵏ.