ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵄⴻⴷⴷⵉ ⵏ ⵢⵉⵙⵓⵔⴰ ⵉ ⵡⴻⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 400 ⵏ ⵜⵎⴻⵜⵜⴰⵏⵜ ⵏ ⵙⴻⵔⵠⴰⵏⵜⴻⵙ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵉ ⵍⵎⴻⵏⴷ ⵏ ⵡⴻⵙⴼⵓⴳⴻⵍ ⵏ ⵓⵎⵓⵍⵍⵉ ⵡⵉⵙ 400 ⵏ ⵜⵎⴻⵜⵜⴰⵏⵜ ⵏ ⵓⵎⴰⵔⵓ ⴰⵙⵒⴻⵏⵢⵓⵍⵉ ⵎⵉⴳⵓⴻⵍ ⴷⴻ ⵛⴻⵔⵠⴰⵏⵜⴻⵙ, ⵢⴻⴱⴷⴰ-ⴷ, ⴰⵙⵙ ⵏ ⵍⴻⵅⵎⵉⵙ, ⵡⴻⵙⵄⴻⴷⵉ ⵏ ⵢⵉⴼⴻⵜⵔⴰⵡⴻⵏ (ⴰⵛⵔⵉⵟⴰ ⵡⴰⵜⴰ’ⵉⵇⵉⵢⵢⴰ) ⵖⴻⴼ ⵜⵎⴻⴷⴷⵓⵔⵜ ⵏ ⵓⵎⴰⵔⵓ-ⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ.
ⵜⴰⴷⵢⴰⵏⵜ-ⴰ ⵜⴻⵍⵍⴰ-ⴷ ⴷⴻⴳ ⵓⵙⵓⴷⵓ ⵏ ⵛⴻⵔⵠⴰⵏⵜⴻⵙ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵙ ⵡⴻⵎⵄⴰⵡⴻⵏ ⴷ ⵡⴻⵏⵎⴰⵀⴰⵍ ⵏ ⵙⵒⴻⵏⵢⵓⵍ ⴷⴻⴳ ⵍⴻⵣⵣⴰⵢⴻⵔ. ⴰⵙⵓⴷⵓ ⵏ ⵛⴻⵔⵠⴰⵏⵜⴻⵙ ⴰⴷ ⴷ-ⵢⴻⵙⵄⴻⴷⴷⵉ 4 ⵏ ⵢⵉⵙⵓⵔⴰ ⵜⵉⴽⴽⴻⵍⵜ ⵉ ⴷⴷⵓⵕⵜ, ⵢⴻⵔⵏⵓ ⴰⴷ ⵉⴽⴻⵎⵎⴻⵍ ⵡⴰⵢⴰ ⴰⵔⵎⴰ ⴷ ⴰⵙⵙ ⵏ 28 ⵢⴻⴱⵔⵉⵔ. ⴰⵙⴰⵔⵓ ⴰⵎⴻⵣⵡⴰⵔⵓ ⴰⵢ ⴷ-ⵙⵄⴻⴷⴷⴰⵏ ⴷ « ⵜⵉⵙⵙⴻⵍⴱⵉⵡⵉⵏ ⵏ ⴷⵧⵏ ⵇⵓⵉⵊⵧⵜⴻ » ⴰⵢ ⴷ-ⵢⴻⵙⵙⴰⵡⴰⵍⴻⵏ ⵖⴻⴼ ⵡⴻⵎⵙⵓⴷⴻⵎ-ⵏⵏⵉ (ⵛⴰⵅⵚⵉⵢⵢⴰ) ⵎⴻⵛⵀⵓⵕⴻⵏ ⴰⵢ ⴷ-ⵢⴻⵙⵏⵓⵍⴼⴰ ⵓⵎⴰⵔⵓ-ⴰ.
ⴰⵙⴰⵔⵓ-ⴰ ⵜⴼⵓⵔⴻⵙ-ⵉⵜ-ⵉⴷ ⵜⵍⵉⵥⵔⵉ ⵜⴰⵙⵒⴻⵏⵢⵓⵍⵉⵜ, ⵢⴻⵜⵜⴰⴹⴹⴰⴼ ⵙⵏⴰⵜ ⵏ ⵜⵙⴰⵄⵜⵉⵏ ⵢⴻⵔⵏⵓ ⵢⴻⵙⵄⴻⴷⴷⴰⵢ-ⴷ ⵜⵉⴷⵢⴰⵏⵉⵏ ⵜⵉⵅⴰⵜⴰⵔⵉⵏ (ⵀⴰⵎⵎⴰ) ⵏ ⴷⵧⵏ ⵇⵓⵉⵊⵧⵜⴻ ⴷ ⵜⵓⵇⵇⵏⴰ-ⵏⵙⴻⵏⵜ ⵖⴻⵔ ⵓⵎⴻⵣⵔⵓⵢ ⴷ ⵜⵙⴻⵔⵜⵉⵜ (ⵜⴰⴳⴰⵔⴰ ⵏ ⵍⵇⴻⵔⵏ ⵡⵉⵙ 16 ⴷ ⵜⴻⵣⵡⴰⵔⴰ ⵏ ⵡⵉⵙ 17) ⴰⵢ ⵢⴻⴵⴵⴰⵏ ⵛⴻⵔⵠⴰⵏⵜⴻⵙ ⴰⴷ ⵢⴰⵔⵓ ⵖⴻⴼ ⵡⴰⵢⴰ. ⴰⴷⵍⵉⵙ ⵏ ⴷⵧⵏ ⵇⵓⵉⵊⵧⵜⴻ ⵢⴻⴱⴷⴻⵔ-ⴷ 5-ⵏⵏⵉ ⵏ ⵢⵉⵙⴻⴳⴳⴰⵙⴻⵏ ⴰⵢ ⵢⴻⴽⴽⴰ ⵛⴻⵔⵠⴰⵏⵜⴻⵙ ⴷ ⴰⵎⴻⵃⴱⵓⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵙⵎⵉ ⴰⵢ ⵜⴻⵍⵍⴰ ⴷⴷⴰⵡ ⵓⴷⴰⴱⵓ ⴰⵄⴻⵜⵎⴰⵏⵉ.
ⵜⴰⴷⵢⴰⵏⵜ-ⴰ ⵏ ⵡⴻⵙⵄⴻⴷⴷⵉ ⵏ ⵢⵉⵙⵓⵔⴰ ⵙⴻⵎⵎⴰⵏ-ⴻⵙ « ⴰⵍⵍⵓⵙ ⵏ ⵜⴻⵔⵣⵉ ⵖⴻⴼ ⵛⴻⵔⵠⴰⵏⵜⴻⵙ » ⵢⴻⵔⵏⵓ ⵜⴻⵍⵍⴰ-ⴷ ⵖⴻⵔ ⵢⵉⴷⵉⵙ ⵏ ⵢⴻⵔⵎⵓⴷⴻⵏ (ⵏⴰⵛⴰⵟⴰⵜ), ⴳⴰⵔ-ⴰⵙⴻⵏ ⴰⵡⵡⴰⵢ ⵏ ⵢⵉⴱⴰⵍⵎⵓⴷⴻⵏ (ⵜⴰⵍⴰⵎⵉⴷ) ⴰⴽⴽⴻⵏ ⴰⴷ ⵃⴻⵡⵡⵙⴻⵏ ⴷⴻⴳ ⵍⴻⵣⵣⴰⵢⴻⵔ ⵢⴻⵔⵏⵓ ⴰⴷ ⵙⵙⵏⴻⵏ ⴰⵎⴽⴰⵏ ⴰⵢⴷⴻⴳ ⵢⴻⵇⵇⵉⵎ ⵛⴻⵔⵠⴰⵏⵜⴻⵙ ⵙⴻⴳ 1575 ⵖⴻⵔ 1580, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⵎⵀⴰⵍⵜ ⵏ ⵓⵙⵓⴷⵓ ⵏ ⵛⴻⵔⵠⴰⵏⵜⴻⵙ, ⵔⴰⵇⵓⴻⵍ ⵔⵧⵎⴻⵔⵧ ⴳⵓⵉⵍⵍⴻⵎⴰⵙ.
ⵜⵉⵔⵣⵉ-ⴰ ⴷ-ⵢⴻⵍⵍⴰⵏ ⵉ ⵍⴼⴰⵢⴷⴰ ⵏ ⵢⵉⴱⴰⵍⵎⵓⴷⴻⵏ ⵏ ⵢⵉⵖⴻⵔⴱⴰⵣⴻⵏ ⵉⵏⴰⴳⴷⵓⴷⴻⵏ ⴷ ⵡⵓⵙⵍⵉⴳⴻⵏ ⵙ ⵡⴻⵎⵄⴰⵡⴻⵏ ⴷ ⵜⵖⵉⵡⴰⵏⵜ ⵏ ⵎⵧⵀⴰⵎⴻⴷ-ⴱⴻⵍⵧⵓⵉⵣⴷⴰⴷ, ⴰⴷ ⵜⴻⵇⵍⴻⵄ ⵙⴻⴳ ⵍⴻⵇⵚⴻⵔ ⵏ ⵕⵕⴻⵢⵢⴰⵙ (ⴱⴰⵙⵜⵉⵧⵏ 23), ⴰⴷ ⵜⴻⴽⴽ ⵖⴻⴼ ⵜⴻⵇⵚⴻⴱⵜ ⵏ ⵍⴻⵣⵣⴰⵢⴻⵔ, ⵙⴰⴽⴽⵉⵏ ⴰⴷ ⵜⴰⵡⴻⴹ ⵖⴻⵔ ⵢⴻⴼⵔⵉ ⵏ ⵛⴻⵔⵠⴰⵏⵜⴻⵙ ⴷ-ⵢⵓⵙⴰⵏ ⴷⴻⴳ ⵡⴻⴳⵎⴰⵎ (ⵃⴰⵢⵢ) ⵏ ⵍⵃⴰⵎⵎⴰ, ⴰⵏⴷⴰ ⴰⵢ ⵢⴻⴼⴼⴻⵔ ⵓⵎⴰⵔⵓ-ⵏⵏⵉ ⴷ 13 ⵙⴻⴳ ⵢⵉⵎⴻⴷⴷⵓⴽⴰⵍ-ⵏⵏⴻⵙ ⴰⵙⵎⵉ ⴰⵢ ⵢⴻⵄⵔⴻⴹ ⴰⴷ ⵢⴻⵔⵡⴻⵍ.
ⵉⴼⵔⵉ-ⵏⵏⵉ ⴰⵢ ⵢⴻⵇⵇⵉⵎⴻⵏ ⴰⵛⵃⴰⵍ ⵢⴻⵜⵜⵡⴻⴵⴵ, ⵢⵓⵖⴰⵍ ⵢⴻⵙⵄⴰ ⵜⴰⵄⴻⵙⵙⴰⵙⵜ ⵢⴻⵔⵏⵓ ⵜⵚⴻⴳⴳⴻⵎ ⵜⵖⵉⵡⴰⵏⵜ ⵏ ⴱⴻⵍⵧⵓⵉⵣⴷⴰⴷ ⴰⵃⵔⵉⵛ ⵙⴻⴳ-ⵙ ⵙ ⵍⴻⵎⵄⴰⵡⵏⴰ ⴷ ⵜⵎⴰⵀⴻⵍⵜ (ⵙⴰⴼⴰⵔⴰ) ⵏ ⵙⵒⴻⵏⵢⵓⵍ ⴷⴻⴳ ⵍⴻⵣⵣⴰⵢⴻⵔ. ⵏⵏⵉⴳ ⵡⴰⵢⴰ, ⵙⴻⴳ ⵢⵉⵎⵉⵔ-ⵏ ⵖⴻⵔ ⵡⴰⵙⵙ-ⴰ, ⵓⵖⴰⵍⴻⵏⵜ ⵜⵜⵉⵍⵉⵏⵜ-ⴷ ⴷⵉⵏ ⵜⵏⴻⵎⵙⴰⵍ (ⵡⴰⵔⴰⵛⴰⵜ) ⵉ ⵢⵉⴳⴻⵔⴷⴰⵏ.
ⴰⵙⵙ ⵏ 23 ⵢⴻⴱⵔⵉⵔ ⵢⴻⵍⵍⴰⵏ ⴷ ⴰⵎⵓⵍⵍⵉ ⵏ ⵜⵎⴻⵜⵜⴰⵏⵜ ⵏ ⵛⴻⵔⵠⴰⵏⵜⴻⵙ (ⵢⴻⵎⵎⵓⵜⴻⵏ ⴷⴻⴳ 1616), ⴰⴷ ⵢⵉⵍⵉ ⴷⴰⵖ ⴷ ⴰⵙⵙ ⵏ « ⵜⵖⵓⵔⵉ ⵢⴻⵜⵜⴽⴻⵎⵎⵉⵍⴻⵏ » ⵏ ⵡⴻⴷⵍⵉⵙ ⵏ « ⴷⵧⵏ ⵇⵓⵉⵊⵧⵜⴻ ⴷⴻ ⵍⴰ ⵎⴰⵏⵛⵀⴰ » ⵙ ⵜⵓⵜⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ⴷⴻⴳ ⵓⵙⵓⴷⵓ ⴰⴷⴻⵍⵙⴰⵏ ⴰⵙⵒⴻⵏⵢⵓⵍⵉ.
