Asebter amenzawi

Tadwilt tis kṛaḍ n CIHN: aṭaṣ n yemtawiyen ara yettwasenyin sɣur Lezzayer d Fṛansa ass n lḥedd

PARIS – Aṭaṣ n yemtawiyen ara yettwasenyin sɣur Lezzayer d Fṛansa almend n temlilit ass n lḥedd di Lezzayer tamanaɣt n tedwilt tis kṛaḍ n tegrawt tagernabaḍit n weswir ɛlayen (CIHN), ara yettwaselwin sɣur isin ineɣlafen imezwura n snat n tmura, Abdelmalek Sellal d Manuel Valls, i teɛlem tnegga isallen n Lezzayer seg teɣbalut tadiblumasit di Paris.

Tadwilt-agi, ara yessemlilen iɛeggalen n sin inabaḍen, "d tagnitt n uqeyem n wayen akk yettwaxedmen deg yiwellihen yemmezdin yettwaqeblen di tedwilin yezrin akk d win n COMEFA (tagrawt yemmezdin tadamsant ger Lezzayer d Fṛansa) d umeslay ɣef yeswiten imaynuten yesɛan azal di yal iḥricen yemmezdin ",id-tenna teɣbalut-agi.

D tin deg ara yili usenyi n waṭaṣ n yemtawiyen deg yeḥricen yemxallafen am usegmi, imeḍqan uxeddim, ilmeẓyen, addal, akk d wid yerzan amcarek adamsan", id-twekked teɣbalut .

Isenfaren iwejden yettwaheggan i usenyi d wid yerzan afares usaɛzel aḍṛuyan akk d win n waman.