Asebter amenzawi

Messahel : Tasuddest d-iga uselway Bouteflika tella d asefreg deg wudem n tiktiwin timeṭṭuṛfa

jenev- Tasuddest ( L’istratijiyya) i yexdem uselway n tagduda , Abdelaziz Bouteflika, tella d tin ibedden s wudem ijehden deg ubrid n yinaw ameṭṭarfu , ɣef akken i d-iwekked uneɣlaf n tɣawsiwin timaɣaribiyin, n tudkli tafriqit akked temɣunt n tmura tiɛrabin, Abdelkader Messahel, deg wakud ideg d-yesmekta s yiḥezziben yellan deg tmendawt deg ayen yerzan tamsalt-a.

Deg yiwet n tinawt i d-yexdem ass n Lexmis di jenev, ilmend n uskasi n uswir ɛlayen deg usarag agraɣlan n uḥezzeb i tiṭṭurfa tukriḍt, yenna-d Mass Messahel dakken s leɛnaya d ṛṛay n uselway n tagduda, i d-yella usemres ( seg ugar n 10 iseggasen ) n yiwet n tsuddest n umennuɣ mgal tiṭṭuṛfa tukriḍt.

Tasuddest i yellan d asefreg ijehden deg wudem n yinaw d tikta timeṭṭurfa akked lmaḍeṛṛa i d-ttawint i tmetti, ladɣa lmaḍeṛṛa-nsent ɣef yilemẓiyen. I d-yenna Mass Messahel ; i d-iwekkeden awal-is s “umḍan iṣubben n yirebraben n beṛṛa i yefɣen seg Lezzayer”.

S tihawt n umaray amatu n Yeɣlanen Yedduklen, Ban Ki-moon, ɣer tama n uɣella n ugezdu afidirali n tɣawsiwin n beṛṛa n tkunfidiralit n Suisse, Didier Burkhalter, akked waṭas n yineɣlafen d yiɣellaten n tmagliwin (Wufud) ibeṛṛaniyen, Mass Messahel yenna-d dakken tamendawt n Lezzayer ideg d-yella usniles ussan iɛeddan, tettini-d deg tazwert-ines, belli “ Aɣṛef azzayri ad yesseḥbiber ɣef tmurt n Lezzayer, ad iḥader fell-as seg Lfetna, seg tekriḍt akked yal ṣṣenf n tiṭṭurfa, aya s uḥader ɣef wazalen d wansayen iɣermanen d iruḥiyen-ines yebnan ɣef udiwenni d tegmatt, deg uqaleb n uqadeṛ n tmendawt d yiṣaḍufen (leqwanen) n tagduda”.