ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴰⴽⵙⴰⵛⵉ ⵉⴳⴻⵔ-ⴷ ⵜⵉⵖⵔⵉ ⵉ ⵡⴻⵎⵄⴰⵡⴻⵏ ⴰⴳⵔⴰⵖⵍⴰⵏ ⵉ ⵓⵇⴰⴱⴻⵍ ⵏ ⵜⴻⵣⵖⵉⵏⵜ ⵜⴰⴷⴰⵎⵙⴰⵏⵜ
ⵡⴰⵙⵀⵉⵏⴳⵜⵧⵏ– ⵉⴳⴻⵔ-ⴷ ⵜⵉⵖⵔⵉ ⵓⵏⴻⴱⴱⴰⴹ ⵏ ⵜⴱⴰⵏⴽⴰ ⵏ ⵍⴷⵣⴰⵢⴻⵔ, ⵎⵧⵀⴰⵎⴻⴷ ⵍⴰⴽⵙⴰⵛⵉ, ⴰⵙⵙ ⵏ ⵙⵙⴻⴱⵜ ⴷⴻⴳ ⵡⴰⵙⵀⵉⵏⴳⵜⵉⵏⴳ, ⵉ ⵡⴻⵎⵄⴰⵡⴻⵏ ⴰⴳⵔⴰⵖⵍⴰⵏ ⵉ ⵓⵇⴰⴱⴻⵍ ⵏ ⵜⴻⵣⵖⵉⵏⵜ ⵜⴰⴷⴰⵎⵙⴰⵏⵜ ⵢⴻⵙⵙⴰⵥⵢⴻⵏ ⴰⵏⵏⴻⵔⵏⵉ ⵏ ⵜⴷⴰⵎⵙⴰ ⴷⴻⴳ ⵓⵎⴰⴹⴰⵍ. « ⴷ ⴰⵢⴻⵏ ⵉⴱⴰⵏⴻⵏ ⴷⴰⴽⴽⴻⵏ ⵉⵛⵇⵉⵔⵔⵡⴻⵏ ⵏ ⵜⴷⴰⵎⵙⴰ ⵜⴰⵎⴰⴹⵍⴰⵏⵜ ⵢⴻⵏⵏⵓⵎⵎⴷⴻⵏ ⵣⴻⵎⵔⴻⵏ ⴰⴷ ⵜⵜⵡⴰⴽⴽⵙⴻⵏ ⵙ ⵡⴻⵎⵄⴰⵡⴻⵏ ⴰⴳⵔⴰⵖⵍⴰⵏ ⴰⴷ ⵉⴳⴻⵏ ⴰⵎⵜⴰⵡⴰ ⴳⴰⵔ ⵜⵙⴻⵔⵜⵉⵢⵉⵏ ⴷ ⵓⵙⵙⴻⵇⵄⴻⴷ ⵉⵡⴰⵜⴰⵏ ⵉ ⵓⵇⴰⴱⴻⵍ ⵏ ⵡⵓⴳⵓⵔⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵍⴰⴽⵙⴰⵛⵉ ⴷⴻⴳ ⵢⵉⵡⴻⵜ ⵏ ⵜⴻⵎⵍⵉⵍⵉⵜ ⵏ ⵓⵙⴻⵇⵇⴰⵎⵓ ⴰⴳⵔⴰⵖⵍⴰⵏ ⵏ ⵓⵇⴰⵔⵉⴹ (ⵏⴰⵇⴷ) ⴷ ⵜⴻⴷⵔⵉⵎⵜ. Ɣⴻⴼ ⵍⴻⵃⵙⴰⴱ ⵏ ⵎⴰⵙⵙ ⵍⴰⴽⵙⴰⵛⵉ, « ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏⵜ ⵜⵉⴳⴰⵡⵉⵏ ⵉⵊⴻⵀⴷⴻⵏ ⵢⴻⵔⵏⵓ ⴷ ⵜⵓⵄⵊⵉⵍⵉⵏ ⵉ ⵓⵙⵙⴻⵊⵀⴻⴷ ⵏ ⵓⵏⵏⴻⵔⵏⵉ ⵙ ⵍⵇⵉⵙ ⵓⵇⵔⵉⴱ ⴷ ⵓⵍⴻⵎⵎⴰⵙ ⴷ ⵓⵙⵙⴻⵊⵀⴻⴷ ⵏ ⵡⴻⵔⴽⴰⴷ ⴰⴷⵔⵉⵎⴰⵏ ». ⵢⴻⵙⵙⴻⴼⴽ ⴷⴰⵖ, ⵖⴻⴼ ⵍⴻⵃⵙⴰⴱ-ⵏⵏⴻⵙ, ⴰⴷ ⵜⵉⵍⵉ ⵍⵄⵓⵍⴰ ⵏ ⵢⴻⴷⵔⵉⵎⴻⵏ ⵖⴻⵔ ⵡⴰⴽⴽ ⵜⵉⵎⵓⵔⴰ ⵢⴻⵜⵜⴻⴽⴽⴰⵏ ⴷⴻⴳ ⵓⵙⴻⵏⴷⵓⵇ ⵏ ⵜⴻⴷⵔⵉⵎⵜ ⴰⴳⵔⴰⵖⵍⴰⵏ ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵏⵚⴻⵃ ⵙ ⵓⵙⵙⴻⵍⵀⵓ ⵏ ⵓⵏⴻⴳⵔⴰⵡ (ⵏⵉⴹⴰⵎ) ⵏ ⵜⵖⴻⵍⵍⵉⵙⵜ ⵏ ⵓⵙⴻⵏⴷⵓⵇ-ⴰ. ⵢⴻⵔⵏⴰ-ⴷ ⵎⴰⵙⵙ ⵍⴰⴽⵙⴰⵛⵉ ⴷⴰⴽⴽⴻⵏ ⵍⴻⵎⵎⴻⵔ ⴰⵙⴻⵏⴷⵓⵇ ⵏ ⵜⴻⴷⵔⵉⵎⵜ ⴰⴳⵔⴰⵖⵍⴰⵏ ⴰⴷ ⵢⴻⵙⵄⵓ ⵍⵄⵓⵍⴰ ⵜⴰⵎⴻⵇⵔⴰⵏⵜ ⵏ ⵢⴻⴷⵔⵉⵎⴻⵏ, ⴰⵢⴰ ⴰⴷ ⵢⴻⵙⵙⴻⵊⵀⴻⴷ ⴰⵏⴻⴳⵔⴰⵡ ⴰⴷⵔⵉⵎⴰⵏ ⴰⴳⵔⴰⵖⵍⴰⵏ, ⴰⵎ ⵡⴰⴽⴽⴻⵏ ⴰⵢ ⴷ-ⵉⴳⴻⵔ ⵜⵉⵖⵔⵉ ⴰⴽⴽⴻⵏ ⴰⴷ ⵢⴻⵜⵜⵡⴰⴱⴻⴷⴷⴻⵍ ⵓⵏⴻⴳⵔⴰⵡ ⵏ ⵡⴻⴱⵣⴰⵔ ⴰⴽⴽⴻⵏ ⴰⴷ ⵢⵓⵖⴰⵍ ⴰⴷ ⴷ-ⵢⴻⵜⵜⴱⴰⵏ ⵓⵜⵜⴻⴽⴽⵉ ⵏ ⵜⵉⴷⴻⵜ ⵏ ⵜⵎⵓⵔⴰ ⵍⴰ ⴷ-ⵢⴻⵜⵜⴻⴼⵔⵓⵔⵉⵏ ⴷⴻⴳ ⵜⴷⴰⵎⵙⴰ ⵜⴰⵏⵎⴰⴹⴰⵍⵜ.
