ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵡⴻⴽⴽⴻⴷ ⵖⴻⴼ ⵢⴻⴱⵔⵉⴷⴻⵏ ⵏ ⵜⵉⵛⵛⵓⵔⴽⴰ ⴳⴰⵔ ⵍⴻⵣⵣⴰⵢⴻⵔ ⴷ ⵉⵏⴷⵓⵏⵉⵙⵢⴰ (ⴰⵎⵢⴰⴳⴻⵔ)
ⵜⵉⴱⴻⵙⴽⴻⵔⵜ – ⵡⴻⴽⴽⴷⴻⵏ-ⴷ ⵢⴻⵎⵜⵜⴻⴽⴽⵉⵢⴻⵏ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴰⴷⴰⵎⵙⴰⵏ ⴳⴰⵔ ⵍⴻⵣⵣⴰⵢⴻⵔ ⴷ ⵉⵏⴷⵓⵏⵉⵙⵢⴰ ⴰⵢ ⴷ-ⵢⴻⵍⵍⴰⵏ ⴷⴻⴳ ⵜⴱⴻⵙⴽⴻⵔⵜ ⵖⴻⴼ ⵢⴻⴱⵔⵉⴷⴻⵏ ⵢⴻⴳⴳⵜⴻⵏ ⴰⵢⵢⴻⵙ ⵙⵏⴰⵜ-ⴰ ⵏ ⵜⵎⵓⵔⴰ ⵣⴻⵎⵔⴻⵏⵜ ⴰⴷ ⴷ-ⴳⴻⵏⵜ ⵜⵉⵛⵛⵓⵔⴽⴰ ⴷ ⵡⴻⵎⴱⴰⴷⴷⴻⵍ ⴰⵎⵙⴻⵏⵣⵉ (ⵜⵉⴵⴰⵔⵉ).
ⵜⴰⴽⴻⵔⵔⴰⵣⵜ, ⵜⴰⵎⴳⵓⵔⵉ (ⵚⵉⵏⴰⵄⴰ) ⵏ ⵜⵓⵞⵞⵉⵜ ⴷ ⵜⵎⴻⵔⵔⵉⵜ (ⵙⵉⵢⴰⵃⴰ) ⴷ ⵉⴱⵔⵉⴷⴻⵏ ⵉⵔⴻⵥⵎⴻⵏ ⵙ ⵜⵉⴷⴻⵜ ⵉ ⵜⵉⵛⵛⵓⵔⴽⴰ ⴳⴰⵔ ⵜⴻⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵉⵏⴷⵓⵏⵉⵙⵉⵢⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ ⵓⵙⴻⵍⵡⴰⵢ ⵏ ⵜⴻⵅⵅⴰⵎⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⵏ ⵣⵉⴱⴰⵏ, ⴰⴱⴷⴻⵍⵎⴰⴷⵊⵉⴷ ⴽⵀⵧⴱⵣⵉ.
ⵜⴰⵏⵎⴰⵀⴰⵍⵜ (ⵙⴰⴼⵉⵔⴰ) ⵏ ⵉⵏⴷⵓⵏⵉⵙⵢⴰ ⴷⴻⴳ ⵍⴻⵣⵣⴰⵢⴻⵔ, ⵎⴰⵙⵙⴰ ⵙⴰⴼⵉⵔⴰ ⵎⴰⵛⵀⵔⵓⵙⴰⵀ, ⵜⵡⴻⴽⴽⴻⴷ-ⴷ ⴷⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵙⵄⴰⵏⵜ ⴰⵙⵙⴰⵖⴻⵏ ⵏ ⵜⴻⴳⵎⴰⵜ ⴷ ⵉⵎⴻⵣⵔⵓⵢⴰⵏⴻⵏ ⵢⴻⵔⵏⵓ ⵙⵄⴰⵏⵜ ⵜⴰⴳⵏⵉⵜ ⴰⴽⴽⴻⵏ ⴰⴷ ⵙⵊⴻⵀⴷⴻⵏⵜ ⴰⵎⵄⴰⵡⴻⵏ ⴷ ⵓⵙⵙⴻⴼⵜⵉ ⴷⴻⴳ ⵢⴻⵃⵔⵉⵛⴻⵏ ⵢⴻⵎⴳⴻⵔⵔⴰⴷⴻⵏ. ⵜⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⵢⵉⵡⴻⵜ ⵙⴻⴳ ⵜⵓⵖⴷⴰⴹⵉⵏ (ⵎⴰⵀⴰⵎ) ⵢⴻⵣⵡⴰⵔⴻⵏ ⵏⴻⵜⵜⴰⵜ ⴷ « ⴰⵙⵎⴰⵍ ⵏ ⵡⴻⵎⴱⴰⴷⴷⴻⵍ ⴰⵎⵙⴻⵏⵣⵉ ⵓⵛⵔⵉⴽ ⴷⴻⴳ ⵡⴻⵙⵡⵉⵔ ⵓⵏⵏⵉⴳ ».
ⴰⵎⴻⵣⵔⵓⵢ ⵓⵛⵔⵉⴽ ⴳⴰⵔ ⵍⴻⵣⵣⴰⵢⴻⵔ ⴷ ⵉⵏⴷⵓⵏⵉⵙⵢⴰ ⴷ ⵓⵏⴰⴷⵉ ⵏ ⵍⴻⵙⵡⴰⵇ ⵉⵎⴰⵢⵏⵓⵜⴻⵏ ⴷⴻⴳ ⴰⵙⵢⴰ ⵍⵍⴰⵏ-ⴷ ⵉ ⵍⵎⴻⵏⴷ ⵏ ⵓⵙⵙⴻⵊⵀⴻⴷ ⵏ ⵡⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵙⴻⵍⵡⴰⵢ ⵏ ⵜⴻⴳⵔⴰⵡⵜ ⵜⴰⵡⴰⵎⵏⵉⵜ (ⴱⴰⵔⵍⴰⵎⴰⵏⵉⵢⵢⴰ) ⵉ ⵜⴰⵎⵎⵉⴷⵡⴰ ⴳⴰⵔ ⵍⴻⵣⵣⴰⵢⴻⵔ ⴷ ⵉⵏⴷⵓⵏⵉⵙⵢⴰ, ⴰⴱⴷⴻⵔⴰⵀⵎⴰⵏⴻ ⴱⴻⵏⴼⴻⵔⵀⴰⵜ.
ⵉⵏⴻⵙⴽⵉⵏⴻⵏ (ⵄⵓⵔⵓⴹ) ⴰⵢ ⴷ-ⵇⴻⴷⴷⵎⴻⵏ, ⵉ ⵍⵎⴻⵏⴷ ⵏ ⵡⴰⵢⴰ, ⵢⵉⴽⴰⵜⴰⵔⴻⵏ (ⵉⵟⴰⵔⴰⵜ) ⵏ ⵜⴷⴻⴱⵍⵉⵏ ⴷ ⵜⵙⵓⴷⴰ ⵜⵉⵖⴻⵍⵏⴰⵡⵉⵏ ⴷ ⵡⵉⴷ ⵏ ⵜⵎⴰⴳⵍⴰ ⵜⴰⴷⵉⵒⵍⵓⵎⴰⵜⵉⵜ ⵜⵉⵏⴷⵓⵏⵉⵙⵉⵜ ⴼⴽⴰⵏ-ⴷ ⵜⵉⵍⵖⴰ ⵖⴻⴼ ⵜⵣⴻⵎⵎⴰⵔ ⴰⵢ ⵙⵄⴰⵏⵜ ⵙⵏⴰⵜ-ⴰ ⵏ ⵜⴷⴰⵎⵙⵉⵡⵉⵏ, ⵜⴰⴳⵏⵉⵜ ⵏ ⵢⵉⵡⴻⵥⵍⴰ ⵢⴻⵍⵍⴰⵏ ⴷⴻⴳ ⵙⵏⴰⵜ-ⴰ ⵏ ⵜⵎⵓⵔⴰ ⴷ ⵜⵜⴰⵡⵉⵍⴰⵜ-ⵏⵙⴻⵏⵜ ⵉ ⵓⵙⵙⴻⴱⵖⴻⵙ ⵏ ⵓⵙⵙⴻⴼⵜⵉ.
