Asebter amenzawi

Bucwareb d uneɣlaf imaṛati n tdamsa bedren-d ticcurka gar Lezzayer d Limaṛat

ABU DHABI– Yessawel uneɣlaf n temguri (ṣinaɛa) Abdessalam Bucwareb d uneɣlaf imaṛati n tdamsa, Sultan Bin Saeed Al Mansouri, ass n lḥedd deg Abu Dhabi, ɣef yebriden n ussejhed n ticcurka tadamsant gar snat-a n tmura, ladɣa deg wenrar n ussefti.

Yebda Mass Bouchouareb, ass n lḥedd, tirzi-nnes n uxeddim n sin wussan ɣef Abu Dhabi anda ad yesselwi (yatara’’as) Anmager Amezwaru n Yiweẓla Ucriken ɣer yidis n wemtil-nnes imaṛati.

Deg udiwenni-nnes (ḥiwar) d uneɣlaf imaṛati, yenna-d Mass Bouchouareb dakken aswir n wassaɣen idamsanen gar Lezzayer d Limaṛat Taɛṛabin Yeddukklen werɛad ur yewwiḍ ɣer wayen yettwaḍemɛen seg snat-a n tmura.

Dɣa, i lmend n waya, yebder-d tilemmiẓin (furaṣ) n ussefti ay terẓem Lezzayer, am wakken ay d-yesmekti dakken tamenḍawt yettwaceggren tefka azal d ameqran i tdamsa, am wakken ay qrib ad tfak Lezzayer aheyyi n lqanun-nnes amaynu n ussefti.

Ma d aneɣlaf imaṛati yenna-d dakken tamurt-nnes tettakf azal i ssuq adzayri ladɣa deg wayen yerzan tamguri, tiẓwar d-yettuɣalen d tkerrazt.