ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⵓⵛⵡⴰⵔⴻⴱ ⴷ ⵓⵏⴻⵖⵍⴰⴼ ⵉⵎⴰⵕⴰⵜⵉ ⵏ ⵜⴷⴰⵎⵙⴰ ⴱⴻⴷⵔⴻⵏ-ⴷ ⵜⵉⵛⵛⵓⵔⴽⴰ ⴳⴰⵔ ⵍⴻⵣⵣⴰⵢⴻⵔ ⴷ ⵍⵉⵎⴰⵕⴰⵜ
ⴰⴱⵓ ⴷⵀⴰⴱⵉ– ⵢⴻⵙⵙⴰⵡⴻⵍ ⵓⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴰⴱⴷⴻⵙⵙⴰⵍⴰⵎ ⴱⵓⵛⵡⴰⵔⴻⴱ ⴷ ⵓⵏⴻⵖⵍⴰⴼ ⵉⵎⴰⵕⴰⵜⵉ ⵏ ⵜⴷⴰⵎⵙⴰ, ⵙⵓⵍⵜⴰⵏ ⴱⵉⵏ ⵙⴰⴻⴻⴷ ⴰⵍ ⵎⴰⵏⵙⵧⵓⵔⵉ, ⴰⵙⵙ ⵏ ⵍⵃⴻⴷⴷ ⴷⴻⴳ ⴰⴱⵓ ⴷⵀⴰⴱⵉ, ⵖⴻⴼ ⵢⴻⴱⵔⵉⴷⴻⵏ ⵏ ⵓⵙⵙⴻⵊⵀⴻⴷ ⵏ ⵜⵉⵛⵛⵓⵔⴽⴰ ⵜⴰⴷⴰⵎⵙⴰⵏⵜ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ, ⵍⴰⴷⵖⴰ ⴷⴻⴳ ⵡⴻⵏⵔⴰⵔ ⵏ ⵓⵙⵙⴻⴼⵜⵉ.
ⵢⴻⴱⴷⴰ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ, ⴰⵙⵙ ⵏ ⵍⵃⴻⴷⴷ, ⵜⵉⵔⵣⵉ-ⵏⵏⴻⵙ ⵏ ⵓⵅⴻⴷⴷⵉⵎ ⵏ ⵙⵉⵏ ⵡⵓⵙⵙⴰⵏ ⵖⴻⴼ ⴰⴱⵓ ⴷⵀⴰⴱⵉ ⴰⵏⴷⴰ ⴰⴷ ⵢⴻⵙⵙⴻⵍⵡⵉ (ⵢⴰⵜⴰⵔⴰ’’ⴰⵙ) ⴰⵏⵎⴰⴳⴻⵔ ⴰⵎⴻⵣⵡⴰⵔⵓ ⵏ ⵢⵉⵡⴻⵥⵍⴰ ⵓⵛⵔⵉⴽⴻⵏ ⵖⴻⵔ ⵢⵉⴷⵉⵙ ⵏ ⵡⴻⵎⵜⵉⵍ-ⵏⵏⴻⵙ ⵉⵎⴰⵕⴰⵜⵉ.
ⴷⴻⴳ ⵓⴷⵉⵡⴻⵏⵏⵉ-ⵏⵏⴻⵙ (ⵃⵉⵡⴰⵔ) ⴷ ⵓⵏⴻⵖⵍⴰⴼ ⵉⵎⴰⵕⴰⵜⵉ, ⵢⴻⵏⵏⴰ-ⴷ ⵎⴰⵙⵙ ⴱⵧⵓⵛⵀⵧⵓⴰⵔⴻⴱ ⴷⴰⴽⴽⴻⵏ ⴰⵙⵡⵉⵔ ⵏ ⵡⴰⵙⵙⴰⵖⴻⵏ ⵉⴷⴰⵎⵙⴰⵏⴻⵏ ⴳⴰⵔ ⵍⴻⵣⵣⴰⵢⴻⵔ ⴷ ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ ⵡⴻⵔⵄⴰⴷ ⵓⵔ ⵢⴻⵡⵡⵉⴹ ⵖⴻⵔ ⵡⴰⵢⴻⵏ ⵢⴻⵜⵜⵡⴰⴹⴻⵎⵄⴻⵏ ⵙⴻⴳ ⵙⵏⴰⵜ-ⴰ ⵏ ⵜⵎⵓⵔⴰ.
ⴷⵖⴰ, ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⴱⴷⴻⵔ-ⴷ ⵜⵉⵍⴻⵎⵎⵉⵥⵉⵏ (ⴼⵓⵔⴰⵚ) ⵏ ⵓⵙⵙⴻⴼⵜⵉ ⴰⵢ ⵜⴻⵔⵥⴻⵎ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵙⵎⴻⴽⵜⵉ ⴷⴰⴽⴽⴻⵏ ⵜⴰⵎⴻⵏⴹⴰⵡⵜ ⵢⴻⵜⵜⵡⴰⵛⴻⴳⴳⵔⴻⵏ ⵜⴻⴼⴽⴰ ⴰⵣⴰⵍ ⴷ ⴰⵎⴻⵇⵔⴰⵏ ⵉ ⵜⴷⴰⵎⵙⴰ, ⴰⵎ ⵡⴰⴽⴽⴻⵏ ⴰⵢ ⵇⵔⵉⴱ ⴰⴷ ⵜⴼⴰⴽ ⵍⴻⵣⵣⴰⵢⴻⵔ ⴰⵀⴻⵢⵢⵉ ⵏ ⵍⵇⴰⵏⵓⵏ-ⵏⵏⴻⵙ ⴰⵎⴰⵢⵏⵓ ⵏ ⵓⵙⵙⴻⴼⵜⵉ.
ⵎⴰ ⴷ ⴰⵏⴻⵖⵍⴰⴼ ⵉⵎⴰⵕⴰⵜⵉ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵜⴻⵜⵜⴰⴽⴼ ⴰⵣⴰⵍ ⵉ ⵙⵙⵓⵇ ⴰⴷⵣⴰⵢⵔⵉ ⵍⴰⴷⵖⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⴰⵎⴳⵓⵔⵉ, ⵜⵉⵥⵡⴰⵔ ⴷ-ⵢⴻⵜⵜⵓⵖⴰⵍⴻⵏ ⴷ ⵜⴽⴻⵔⵔⴰⵣⵜ.
