ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵔⵥⴰⵎ ⵏ ⵡⴻⵏⵎⴰⴳⴻⵔ ⴰⵎⴻⵣⵡⴰⵔⵓ ⵏ ⵢⵉⵡⴻⵥⵍⴰ ⴳⴰⵔ ⵍⴻⵣⵣⴰⵢⴻⵔ ⴷ ⵍⵉⵎⴰⵕⴰⵜ ⴷⴻⴳ ⴰⴱⵓ ⴷⵀⴰⴱⵉ

ⴰⴱⵓ ⴷⵀⴰⴱⵉ – ⵢⴻⵔⵥⴻⵎ ⵡⴻⵏⵎⴰⴳⴻⵔ ⴰⵎⴻⵣⵡⴰⵔⵓ ⵏ ⵢⵉⵡⴻⵥⵍⴰ (ⴰⵄⵎⴰⵍ) ⴳⴰⵔ ⵍⴻⵣⵣⴰⵢⴻⵔ ⴷ ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ, ⴰⵙⵙ ⵏ ⵍⵃⴻⴷⴷ ⴷⴻⴳ ⴰⴱⵓ ⴷⵀⴰⴱⵉ, ⵙ ⵓⵜⵜⴻⴽⴽⵉ ⵏ ⵡⵓⴳⴰⵔ ⵏ 400 ⵏ ⵜⴻⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵉⵎⴰⵕⴰⵜⵉⵢⵉⵏ ⵉⵅⴻⴷⴷⵎⴻⵏ ⴷⴻⴳ ⵜⴻⵎⴳⵓⵔⵉ ⵏ ⵜⵓⵞⵞⵉⵜ, ⵜⴰⵎⴳⵓⵔⵉ ⵜⴰⵍⵉⴽⵜⵕⵓⵏⴰⵏⵜ, ⵍⵎⵉⵏⴰⵜ ⴷ ⵜⵎⴻⵔⵔⵉⵜ (ⵙⵉⵢⴰⵃⴰ).

ⴷ ⴰⵏⴻⵖⵍⴰⴼ ⵏ ⵜⴻⵎⴳⵓⵔⵉ (ⵚⵉⵏⴰⵄⴰ) ⴷ ⵍⵎⵉⵏⴰⵜ, ⴰⴱⴷⴻⵙⵙⴰⵍⴰⵎ ⴱⵧⵓⵛⵀⵧⵓⴰⵔⴻⴱ ⴰⴷ ⵢⴻⵙⵙⴻⵍⵡⵉⵏ ⴰⵏⵎⴰⴳⴻⵔ-ⴰ ⵖⴻⵔ ⵢⵉⴷⵉⵙ ⵏ ⵓⵏⴻⵖⵍⴰⴼ ⵉⵎⴰⵔⴰⵜⵉ ⵏ ⵜⴷⴰⵎⵙⴰ, ⵙⵓⵍⵜⴰⵏ ⴱⵉⵏ ⵙⴰⴻⴻⴷ ⴰⵍ ⵎⴰⵏⵙⵧⵓⵔⵉ.

ⵉⴷⵉⵙ ⴰⴷⵣⴰⵢⵔⵉ ⵜⵜⴻⴽⴽⴰⵏ ⴷⴻⴳ-ⵙ ⵢⴻⵖⵍⵉⴼⴻⵏ ⵏ ⵜⴻⵎⴳⵓⵔⵉ, ⵜⴰⵥⵡⴻⵔⵜ (ⵟⴰⵇⴰ), ⵜⴰⴽⴻⵔⵔⴰⵣⵜ ⴷ ⵜⵎⴻⵔⵔⵉⵜ, ⴷ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵡⴻⵙⵏⴻⴼⵍⵉ ⵏ ⵓⵙⵙⴻⴼⵜⵉ, ⵜⴰⵅⵅⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵏⴻⵣⵣⵓⵜ (ⵜⵉⴵⴰⵔⴰ) ⴷ ⵜⴻⵎⴳⵓⵔⵉ, ⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ ⵜⵓⵙⵍⵉⴳⵉⵏ ⴷ ⵜⵏⴰⴳⴷⵓⴷⵉⵏ ⴷ ⵜⵓⴷⴷⵙⵉⵡⵉⵏ ⵏ ⵢⵉⵖⴼⴰⵡⴻⵏ ⵏ ⵜⴻⵕⵎⵉⵙⵉⵏ.

ⴷⴻⴳ ⵏⵡⴻⵎⴱⴻⵕ ⵢⴻⵣⵔⵉⵏ ⴰⵢ ⵎⵙⴻⴼⵀⴰⵎⴻⵏⵜ ⵍⴻⵣⵣⴰⵢⴻⵔ ⴷ ⵍⵉⵎⴰⵕⴰⵜ ⵜⴰⵄⵕⴰⴱⵉⵏ ⵢⴻⴷⴷⵓⴽⴽⵍⴻⵏ ⴰⴷ ⴳⴻⵏⵜ ⵜⵉⵎⵍⵉⵍⵉⵜ ⵏ ⵡⴻⵏⵎⴰⴳⴻⵔ-ⴰ ⵉ ⵍⵎⴻⵏⴷ ⵏ ⵜⴻⴷⵡⵉⵍⵜ ⵜⵉⵙ 13 ⵏ ⵜⵙⴻⵇⵇⴰⵎⵓⵜ ⵜⵓⵏⵏⵉⴳⵜ ⵜⵓⵅⵍⵉⴹⵜ ⴷⴻⴳ ⴷⵓⴱⴰⵉ, ⵙⴰⴽⴽⵉⵏ, ⵉⵄⴰⵡⴻⴷ ⵉⵡⴻⴽⴽⴻⴷ-ⴷ ⴼⴻⵍⵍ-ⴰⵙ ⵓⵏⴻⵖⵍⴰⴼ ⴰⵎⴻⵏⵣⵓ, ⴰⴱⴷⴻⵍⵎⴰⵍⴻⴽ ⵙⴻⵍⵍⴰⵍ, ⵉ ⵍⵎⴻⵏⴷ ⵏ ⵜⴻⵔⵣⵉ ⴰⵢ ⵢⴻⵔⵣⴰ ⵖⴻⴼ ⵍⵉⵎⴰⵕⴰⵜ ⴷⴻⴳ ⴼⵓⵕⴰⵕ ⴰⴽⴽⴻⵏ ⴰⴷ ⵢⴻⵜⵜⴻⴽⴽⵉ ⴷⴻⴳ ⵜⵇⴰⵛⵓⵛⵜ ⵏ ⵢⵉⵏⴰⴱⴰⴹⴻⵏ (ⵃⵓⴽⵓⵎⴰⵜ) ⴷⴻⴳ ⴷⵓⴱⴰⵉ. ⴰⵏⵎⴰⴳⴻⵔ-ⴰ ⴷ ⵡⵉⵏ ⴰⴷ ⴷ-ⵢⴻⵙⵙⵓⴽⴽⴻⵏ ⵜⵉⵟ ⵖⴻⴼ ⵜⵍⴻⵎⵎⵉⵥⵉⵏ ⵏ ⵓⵙⵙⴻⴼⵜⵉ ⴷ ⵜⵉⵛⵛⵓⵔⴽⴰ ⴷⴻⴳ ⵙⵏⴰⵜ-ⴰ ⵏ ⵜⵎⵓⵔⴰ.

ⴰⴷ ⴷ-ⵉⵍⵉⵏ ⴷⴰⵖ, ⴷⴻⴳ ⵡⴻⵏⵎⴰⴳⴻⵔ-ⴰ, ⵢⴻⵎⵢⴰⴳⵔⴻⵏ ⴳⴰⵔ ⵜⴻⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⵉⵎⴰⵕⴰⵜⵉⵢⵉⵏ, ⵢⴻⵔⵏⵓ ⴰⵢⴰ ⵢⴻⵣⵎⴻⵔ ⴰⴷ ⴷ-ⵢⴻⴳⵍⵓ ⵙ ⵡⴻⵙⵜⴻⵏⵢⵉ ⵏ ⵢⵉⴳⵓⵜⴰ (ⵄⵓⵇⵓⴷ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⵅⴻⴱⴱⴻⵔ ⵜⵎⴰⴳⵍⴰ (ⵡⴰⴼⴷ) ⵜⴰⴷⵣⴰⵢⵔⵉⵜ.