Asebter amenzawi

Arẓam n Wenmager Amezwaru n Yiweẓla gar Lezzayer d Limaṛat deg Abu Dhabi

ABU DHABI – Yerẓem Wenmager Amezwaru n Yiweẓla (aɛmal) gar Lezzayer d Limaṛat Taɛṛabin Yeddukklen, ass n lḥedd deg Abu Dhabi, s uttekki n wugar n 400 n teṛmisin tidzayriyin d timaṛatiyin ixeddmen deg temguri n tuččit, tamguri taliktṛunant, lminat d tmerrit (siyaḥa).

D aneɣlaf n temguri (ṣinaɛa) d lminat, Abdessalam Bouchouareb ad yesselwin anmager-a ɣer yidis n uneɣlaf imarati n tdamsa, Sultan Bin Saeed Al Mansouri.

Idis adzayri ttekkan deg-s yeɣlifen n temguri, taẓwert (ṭaqa), takerrazt d tmerrit, d Tnegga Taɣelnawt n Wesnefli n Ussefti, Taxxamt Tadzayrit n Tnezzut (tiǧara) d Temguri, iɣfawen n teṛmisin tusligin d tnagdudin d tuddsiwin n yiɣfawen n teṛmisin.

Deg Nwembeṛ yezrin ay msefhament Lezzayer d Limaṛat Taɛṛabin Yeddukklen ad gent timlilit n wenmager-a i lmend n tedwilt tis 13 n Tseqqamut Tunnigt Tuxliḍt deg Dubai, sakkin, iɛawed iwekked-d fell-as uneɣlaf amenzu, Abdelmalek Sellal, i lmend n terzi ay yerza ɣef Limaṛat deg Fuṛaṛ akken ad yettekki deg Tqacuct n Yinabaḍen (ḥukumat) deg Dubai. Anmager-a d win ad d-yessukken tiṭ ɣef tlemmiẓin n ussefti d ticcurka deg snat-a n tmura.

Ad d-ilin daɣ, deg Wenmager-a, yemyagren gar teṛmisin tidzayriyin d timaṛatiyin, yernu aya yezmer ad d-yeglu s westenyi n yiguta (ɛuqud), ɣef wakken ay aɣ-d-txebber tmagla (wafd) tadzayrit.